നെടുങ്കണ്ടം ഇല്ലാക്കനത്ത് മെറീന ടോമിയുടെ പറമ്പിൽ സ്ഥാപിച്ച കുടിവെള്ള ടാങ്കിലാണ് വിഷം കലർത്തിയത്. ഭർത്താവ് മരിച്ച മെറീന മകളുമൊത്താണ് താമസം. രണ്ട് വീട്ടുകാരാണ് ഈ ടാങ്കിൽ നിന്നും വെള്ളം എടുക്കുന്നത്.
ഇന്നലെ രാത്രിയാണ് വെള്ളത്തിൽ വിഷം കലർന്നത്.രാവിലെ പാചകത്തിനായി പാത്രത്തിൽ വെള്ളം എടുത്തപ്പോൾ നിറവ്യത്യാസം കാണപ്പെട്ടു. ഇതേതുടർന്ന് കൂടുതൽ വെള്ളമെടുത്ത് പരിശോധിച്ചപ്പോൾ രൂക്ഷ ഗന്ധം അനുഭവപ്പെടുകയായിരുന്നു. തുടർന്ന് ടാങ്ക് പരിശോധിച്ചപ്പോഴാണ് വെള്ളത്തിൽ വിഷം കലർന്നതായി കണ്ടെത്തിയത്. ഇടുക്കിയിലെ ഏലക്കാടുകളിൽ നേരത്തെ ഉപയോഗിച്ചിരുന്ന കൊടും വിഷമാണ് വെള്ളത്തിൽ കലർത്തിയതെന്നാണ് പ്രാഥമീക വിവരം. നെടുങ്കണ്ടം പോലീസിൽ നൽകിയ പരാതിയുടെ അടിസ്ഥാനത്തിൽ പോലീസ് കേസ് എടുത്ത് അന്വേഷണം ആരംഭിച്ചു.
അതേസമയം പലരുടെയും കുടിവെള്ള ടാങ്ക് വീടിന് പുറത്താണ് സ്ഥാപിച്ചിരിക്കുന്നത് അതിനാൽ പ്രദേശവാസികൾ വലിയ ആശങ്കയിലുമാണ്.
