രോഗവ്യാപനത്തിന്റെ വർധനവിനെ കണക്കാക്കി കേരളവും മറ്റ് സംസ്ഥാനങ്ങളിലേതു പോലെ ആൾക്കൂട്ടം ഒഴിവാക്കാൻ കടുത്ത നടപടികളിലേക്ക് കടക്കുന്നു. ജനുവരിയിൽ ഉണ്ടായ രോഗവ്യാപനതിന്റെ വർധനവാണ് ഇതിനുകാരണം.
ഇന്ന് സംസ്ഥനത്ത് ടി.പി.ആർ 11 ശതമാനം കടന്നു. അതിനാൽ സമൂഹത്തിൽ ഒമിക്രോണിന്റെ സാന്നിധ്യം ശക്തമാണെന്ന വിലയിരുത്തലിലാണ് ആരോഗ്യവിദഗ്ധർ. രോഗവ്യാപനം കുതിച്ചുയരുന്ന സാഹചര്യത്തിൽ നിയന്ത്രണങ്ങൾ സംബന്ധിച്ച് തീരുമാനം കൈക്കൊള്ളുന്നതിനാണ് മുഖ്യമന്ത്രിയുടെ നേതൃത്വത്തിൽ അവലോകനയോഗം ചേരുക.തിങ്കളാഴ്ച രാവിലെ 11.30 ന് ഓൺലൈനായാണ് അവലോകനയോഗം ചേരുക.രോഗികൾ കുത്തനെ ഉയർന്നാൽ അതിന് ആനുപാതികമായി മരണസംഖ്യ ഉയരും എന്നാൽ ഇത് തടയാൻ നിയന്ത്രണങ്ങൾ കൂടിയേ തീരൂ എന്നാണ് വിലയിരുത്തൽ .
എന്നാൽ കേന്ദ്ര ആരോഗ്യമന്ത്രാലയത്തിന്റെ കൂടി തീരുമാനമനുസരിച്ചാവും സംസ്ഥാനം കടുത്ത നിയന്ത്രണങ്ങളിലേക്ക് കടക്കുക. വാരാന്ത്യ കർഫ്യൂ, രാത്രികാല കർഫ്യൂ , സ്കൂളുകളുടെയും ഓഫിസുകളുടെയും പ്രവർത്തന നിയന്ത്രണം , ഓഫിസുകളിൽ 50 ശതമാനം പേർക്ക് വർക്ക് ഫ്രം ഹോം , ആഘോഷങ്ങളും ഒത്തുചേരലുകളും ഒഴിവാക്കൽ തുടങ്ങിയ നിയന്ത്രണങ്ങൾക്കുള്ള സാധ്യതയും ചർച്ചചെയ്യും. അടിയന്തര സാഹചര്യം ഉണ്ടായാല്‍ നേരിടാന്‍ പ്രാപ്തമായിരിക്കണമെന്നും ഓക്സിജന്‍ ലഭ്യത ഉറപ്പ് വരുത്തണമെന്നും ആരോഗ്യമന്ത്രാലയം സംസ്ഥാനങ്ങളോട് കഴിഞ്ഞ ദിവസം നിര്‍ദേശിച്ചിരുന്നു.
