യാത്രക്കാരിയായ പെണ്‍കുട്ടിയോട് അപമാര്യാദയായി പെരുമാറിയെന്ന പരാതിയില്‍ കെഎസ്ആര്‍ടിസി വൈക്കം ഡിപ്പോയിലെ കണ്ടക്ടര്‍ പി പി അനിലിനെ സർവീസിൽ നിന്ന് പിരിച്ചുവിട്ടു. സംഭവത്തെ കുറിച്ച് കണ്ടക്ടറോട് വിശദീകരണം തേടിയെങ്കിലും മറുപടി നല്‍നല്കാൻ കൂട്ടാക്കിയില്ല.
2021 നവംബര്‍ 25 നാണ് കേസിന് ആസ്പദമായ സംഭവം. ടിക്കറ്റ് നൽകിയപ്പോൾ യാത്രക്കാരിയായ പെണ്‍കുട്ടിയോട് അപമര്യാദയായി പെരുമാറാന്‍ ശ്രമിക്കുകയും ശരീരത്തില്‍ സ്പര്‍ശിക്കാന്‍ ശ്രമിക്കുകയുമായിരുന്നു. തുടർന്ന് പെണ്‍കുട്ടിയുടെ പരാതിയിൽ പോലീസ് അനിലിനെ അറസ്റ്റ് ചെയ്ത് റിമാൻഡ് ചെയ്യുകയും കെ എസ് ആര്‍ടിസി സർവ്വീസിൽ നിന്ന് സസ്‌പെന്‍ഡ് ചെയ്യുകയും ചെയ്തിരുന്നു.
വൈക്കം അസിസ്റ്റന്റ് ട്രാൻസ്പോർട്ട് ഓഫീസറുടെ നിർദ്ദേശപ്രകാരം നടത്തിയ അന്വേഷണത്തിൽ, ഗുരുതരമായ സ്വഭാവദൂഷ്യവും, അച്ചടക്ക ലംഘനവുമാണ് നടന്നതെന്ന് കണ്ടെത്തി. ഇതിന്റെ അടിസ്ഥാനത്തിലാണ് അനിലിനെ സർവീസിൽനിന്ന് നീക്കം ചെയ്തതെന്ന് അഡീഷണൽ സെക്രട്ടറി മുഹമ്മദ് അൻസാരി ഉത്തരവിൽ പറയുന്നു.
