പൊങ്കൽ പ്രമാണിച്ച് കേരളത്തിലെ ആറു ജില്ലകളിൽ അവധി പ്രഖ്യാപിച്ചു. ജനുവരി 14 ന് തിരുവനന്തപുരം, കൊല്ലം, പത്തനംതിട്ട, ഇടുക്കി, പാലക്കാട്, വയനാട് ജില്ലകൾക്കാണ് പ്രാദേശിക അവധി പ്രഖ്യാപിച്ചത്.
ഓണത്തിന് സമാനമായ തമിഴ്നാട്ടിലെ ഏറ്റവും പ്രധാന ആഘോഷമാണ് പൊങ്കൽ. ഈ സാഹചര്യത്തിലാണ് തമിഴ്നാടുമായി അതിർത്തി പങ്കിടുന്ന ജില്ലകളിലും തമിഴ്നാട്ടിൽ നിന്നുള്ളവർ കൂടുതലായി താമസിക്കുന്ന ജില്ലകളിലും കേരള സർക്കാർ അവധി പ്രഖ്യാപിച്ചിരിക്കുന്നത് . തമിഴ്നാട്ടിൽ നാളെയാണ് മകരപ്പൊങ്കലിന് അവധി നൽകിയതെങ്കിലും കേരളം മറ്റന്നാളത്തേക്കായിരുന്നു അവധി പ്രഖ്യാപിച്ചത്. എന്നാൽ, തമിഴ്നാട് മുഖ്യമന്ത്രി സ്റ്റാലിൻ കേരളത്തിന് കത്തയച്ചതോടെയാണ് സംസ്ഥാനവും അവധി നാളത്തേക്ക് മാറ്റിയത്.
തിരുവനന്തപുരം, ഇടുക്കി, വയനാട് ജില്ലകളിൽ തമിഴ്നാട്ടിൽ നിന്നുള്ളവരുടെ സാന്നിധ്യം കൂടുതലാണ്. തെന്നിന്ത്യയിൽ പ്രചാരത്തിലുള്ള തൈ പൊങ്കൽ ഉത്സവം, തമിഴിലെ തൈ മാസത്തിലാണ് കൊണ്ടാടുന്നത്. എല്ലാ വർഷവും ജനുവരി മാസം പകുതിയോടടുത്താണ് പൊങ്കൽ ഉത്സവം കൊണ്ടാടുക.
Also Read: കട്ടപ്പനക്കുസമീപം വാഹനാപകടം; അപകടത്തിൽ പരിക്കേറ്റവരുടെ നില ഗുരുതരം
