ഒരു നിരപരാധി പോലും ശിക്ഷിക്കപ്പെടരുതെന്ന ആപ്തവാക്യം പോലീസ് യാഥാർഥ്യമാക്കി; വണ്ടൻമേട് പോലീസിന് ഇത് അഭിമാന നിമിഷം. സൗമ്യയിലേക്ക് പോലീസ് എത്തിയത് ഇങ്ങനെ;-

 കഴിഞ്ഞ ചൊവ്വാഴ്ചയാണ് കേസിനാസ്പദമായ സംഭവം നടന്നത്. പുറ്റടിയിൽ നിർത്തിയിട്ടിരിക്കുന്ന വാഹനത്തിൽ മയക്കുമരുന്നുണ്ടെന്ന രഹസ്യ സന്ദേശം വണ്ടൻമേട് പോലീസ് സ്റ്റേഷനിലും  ഡിസ്ട്രിക്ട് ആൻറി നാർക്കോട്ടിക് സ്പെഷ്യൽ ആക്ഷൻ ഫോഴ്സിനും ലഭിക്കുകയായിരുന്നു. തുടർന്ന് നടത്തിയ പരിശോധനയിൽ മാരക ലഹരി മരുന്നായ എംഡിഎം എ ബൈക്കിൽ ഒളിപ്പിച്ച നിലയിൽ കണ്ടെത്തുകയായിരുന്നു. 

 പോലീസ് വാഹന ഉടമയായ  തോട്ടാപുരയ്ക്കൽ സുനിലിനെയും ഇദ്ദേഹത്തിന്റെ വാഹനവും കസ്റ്റഡിയിലെടുത്തു. എന്നാൽ സുനിൽ ഇതിൽ കുറ്റക്കാരനല്ല എന്ന് പ്രാഥമിക നിരീക്ഷണത്തിൽ തെളിഞ്ഞതിനാൽ ഇദ്ദേഹത്തെ വിട്ടയച്ചു. തുടർന്ന് വണ്ടന്മേട് സി ഐ നവാസിന്റെ നേതൃത്വത്തിൽ  നടത്തിയ വിശദമായ പരിശോധനയിലാണ്  പ്രതികൾ പിടിയിലാകുന്നത്. എന്നാൽ സുനിലിനെ വിട്ടയച്ചത് മൂലം  പ്രതികൾ ഉന്നത സ്വാധീനം ഉപയോഗിച്ച് കേസ് അട്ടിമറിക്കാൻ  നീക്കം നടത്തി. എന്നാൽ  പോലീസിൻറെ സമയോചിതമായ ഇടപെടൽ മൂലമാണ് കുറഞ്ഞ സമയത്തിനുള്ളിൽ തന്നെ പ്രതികളെ പിടികൂടാനായത്. 

കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക

രഹസ്യ സന്ദേശം ലഭിച്ച വഴികളിലൂടെയാണ് പോലീസ് അന്വേഷണം ആരംഭിച്ചത്. നാല് ആളുകൾ കൈമാറി അഞ്ചാമതായി എത്തിയ വ്യക്തിയാണ് പോലീസിന് സന്ദേശം നൽകിയത്. തുടർന്ന് പിന്നോട്ടുള്ള ഓരോ വ്യക്തികളെയും ചോദ്യംചെയ്തു. അവസാനം അഞ്ചാമത് എത്തിയ ഷാനവാസിനെ ചോദ്യം ചെയ്തപ്പോഴാണ് സൗമ്യയിലേക്കുള്ള സൂചന ലഭിച്ചത്. ഷാനവാസ് ആണ് ഈ കേസിലെ മൂന്നാംപ്രതി.  ഷാനവാസിനെ വിശദമായി ചോദ്യം ചെയ്തതിലൂടെ വിനോദുമായുള്ള ബന്ധം വെളിപ്പെടുകയായിരുന്നു. ഇതേ തുടർന്ന് പോലീസ് സൗമ്യയെ ചോദ്യം ചെയ്തെങ്കിലും  ആരെയും അറിയില്ല എന്നാണ് വ്യക്തമാക്കിയത്. കുറ്റം സമ്മതിക്കാതിരുന്ന പ്രതിയെ വിനോദും സൗമ്യയുമായുള്ള ഫോൺ സംഭാഷണങ്ങളുടെ വിശദാംശങ്ങൾ  നൽകിയപ്പോൾ കുറ്റം സമ്മതിക്കുകയായിരുന്നു.

കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക

കഴിഞ്ഞ കുറച്ചു നാളുകളായി  സൗമ്യയും വിനോദും തമ്മിൽ അടുപ്പത്തിലായിരുന്നു. വിനോദ് കുടുംബമായി വിദേശത്താണ് താമസം.  വിദേശത്തുനിന്ന് ഇടയ്ക്ക്  എറണാകുളത്ത് എത്തി ആഡംബര ഹോട്ടലുകളിൽ മുറിയെടുത്ത്  സൗമ്യയുമൊത്ത് കഴിയും.  ഭർത്താവിനോട് തനിക്ക് എറണാകുളത്ത് ടെസ്റ്റ് ഉണ്ടെന്ന് പറഞ്ഞാണ് സൗമ്യ വീട്ടിൽ നിന്നും പോകുന്നത്. 

>

കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക

വിനോദുമൊത്ത് ജീവിതം സ്വപ്നം കണ്ട സൗമ്യ ഈ ഹോട്ടലിൽ വച്ചാണ് ഭർത്താവിനെ ഒഴിവാക്കാൻ കാമുകനുമായി തന്ത്രം മെനഞ്ഞത്.  കാമുകനായ വിനോദ് സുനിലിനെ  വധശ്രമത്തിലൂടെയോ  സൈനൈഡ് നൽകിയോ മറ്റേതെങ്കിലും മാർഗ്ഗത്തിലൂടെയോ അവസാനിപ്പിക്കാനാണ്  പദ്ധതിയിട്ടത്. എന്നാൽ അങ്ങനെ  ചെയ്താൽ പിടിക്കപ്പെടുമെന്ന് മനസ്സിലാക്കിയ  സൗമ്യ വിനോദിനെ  അതിൽനിന്ന് പിന്തിരിപ്പിക്കുകയായിരുന്നു. അതിനാൽ വിനോദിന്റെ നിർദ്ദേശപ്രകാരം കട്ടപ്പനയിൽ ഉള്ള വക്കീൽ മുഖേന ഡിവോഴ്സ് പെറ്റിഷൻ ഫയൽ ചെയ്യുകയായിരുന്നു. എന്നാൽ കോടതിയിൽ തക്കതായ കാരണം കാണിക്കാൻ ഇല്ലാത്തതിനാൽ ഭർത്താവിനെ മയക്കുമരുന്ന് കേസിൽ കുടുക്കുകയായിരുന്നു.

 

കഴിഞ്ഞ ഇടയ്ക്ക് നാട്ടിൽ എത്തിയ വിനോദ് പതിനെട്ടാം തീയതി മൂന്നാം പ്രതിയായ ഷാനവാസും ഒത്ത് ആമയാർ  വെച്ച് സൗമ്യയ്ക്ക് മയക്കുമരുന്ന് കൈമാറി. ഇത് ഭർത്താവിൻറെ വാഹനത്തിൽ വെച്ച ശേഷം സൗമ്യ ഫോട്ടോയെടുത്ത് കാമുകന് അയച്ചു നൽകി. തുടർന്നായിരുന്നു ആസൂത്രിത നീക്കം നടത്തിയത്.

കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക

യഥാർത്ഥ വഴിയിലൂടെ കേസ്  അന്വേഷണം മുൻപോട്ടു കൊണ്ടുപോയി പ്രതികളെ കൂടാനായതിനാൽ വണ്ടൻമേട്  പോലീസിന് ഇത് അഭിമാന നേട്ടം ആണ്. വണ്ടന്മേട് സി ഐ നവാസിന്റെ സമയോചിതമായ ഇടപെടൽ മൂലമാണ് കുറഞ്ഞ സമയത്തിനുള്ളിൽ തന്നെ പ്രതികളെ പിടികൂടാനായത്. 

അറസ്റ്റ് ചെയ്ത പ്രതികളെ ഇന്ന് കോടതിയിൽ ഹാജരാക്കും. വിനോദിന്റെ അറസ്റ്റ് ഉടൻ രേഖപ്പെടുത്തും. കോടതിയിൽ ഹാജരാക്കുന്ന പ്രതികളെ  മയക്കുമരുന്നിന്റെ ഉറവിടം കണ്ടെത്തുന്നതിനും പ്രതികൾ ഉപയോഗിച്ച മൊബൈൽ ഫോൺ കണ്ടെത്തുന്നതിനും ഗൂഢാലോചന നടത്തിയ ഹോട്ടലിൽ തെളിവെടുപ്പ്  നടത്തുന്നതിനുമായി   കസ്റ്റഡിയിൽ വാങ്ങും.

കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക. ഗ്രൂപ്പ്

 സന്ദർശിക്കുക.  www.honesty.news

Also Read: കറുത്തപൊന്ന് കുതിച്ചുയരുന്നു ; ഇടുക്കി മാർക്കറ്റിലെ മുഴുവൻ വില വിവരങ്ങളും ഉൾപ്പെടുന്ന ഇന്നത്തെ കമ്പോള വില നിലവാരം (25th February 2022) |