ഇടുക്കി മരിയാപുരത്ത് തൊഴിലുറപ്പ് ജോലിക്കിടെ ഇടിമിന്നലേറ്റ് 3 തൊഴിലാളികള്‍ക്ക് പരിക്ക്

മരിയാപുരത്ത് ഇടിമിന്നലേറ്റ് മൂന്ന് തൊഴിലുറപ്പ് തൊഴിലാളികൾക്ക് പരിക്കേറ്റു. ഉപ്പുതോട് പത്താഴക്കല്ലേൽ ജാൻസി, പുതുപ്പറമ്പിൽ ബീന, കൂട്ടപ്ലാക്കൽ സിജാത എന്നിവർക്കാണ് പരിക്കേറ്റത്. ഇന്ന് വൈകിട്ടോടെ ആയിരുന്നു അപകടം. 

ശക്തമായ മഴയേ തുടർന്ന് ജോലിനിർത്തി തൊഴിലുടമയുടെ വീടിന്റെ വരാന്തയിൽ മൂവരും ഇരിക്കുമ്പോഴാണ് സംഭവം. ഉടൻതന്നെ പരിക്കേറ്റവരെ കരിമ്പനിലെ സ്വകാര്യ ആശൂപത്രിയിൽ എത്തിച്ച് പ്രാഥമിക  ചികിൽസ നൽകി. ആരുടെയും പരിക്ക് ഗുരുതരമല്ല. 

കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക.ക്ലിക്ക്.