പൊന്മുടി ഭൂമി കൈമാറ്റവുമായി ബന്ധപ്പെട്ട് റവന്യൂ വകുപ്പിനെ വിമര്‍ശിച്ച് സിപിഐഎം ഇടുക്കി ജില്ലാ നേതൃത്വം.
മുൻകൂട്ടി അറിയിക്കാതെ റവന്യൂ വകുപ്പ് പരിശോധന നടത്തിയത് ശരിയായില്ലെന്നും അറിയിപ്പ് നൽകി പരിശോധന നടത്തുന്നതിൽ എതിർപ്പില്ലെന്നും, ഭൂമി ഉടമസ്ഥത സംബന്ധിച്ച് റവന്യൂ വകുപ്പും കെഎസ്ഇബിയും തമ്മിൽ തർക്കം ഉണ്ടെങ്കിൽ അവരാണ് പരിഹരിക്കേണ്ടതെന്നും അതിൽ ബാങ്കിനെ കക്ഷി ആക്കേണ്ടതില്ലെന്നും സിപിഎം ഇടുക്കി ജില്ല സെക്രട്ടറി സി.വി വർഗീസ് വ്യക്തമാക്കി.
 |
കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക
|
പൊന്മുടിയിൽ ഹൈഡൽ ടൂറിസത്തിനായി ഭൂമി നൽകുന്നതിന് മുന്‍പ് ആവശ്യമായ ചർച്ചയും പഠനവും നടത്തണമായിരുന്നുവെന്ന് കെ.കെ ശിവരാമൻ അഭിപ്രായപ്പെട്ടിരുന്നു. എന്നാൽ ഭൂമി കൈമാറ്റവുമായി ബന്ധപ്പെട്ട് വേണ്ടത്ര ചർച്ച നടന്നില്ല എന്നത് ശരിയല്ല. എൽഡിഎഫ് സർക്കാർ എടുത്ത തീരുമാനമാണ്, ക്വട്ടേഷൻ ക്ഷണിച്ചാണ് ഭൂമി കൈമാറിയത്. ഇതിന് രേഖകൾ ഉണ്ടെന്നും സി.വി വര്‍ഗീസ് വ്യക്തമാക്കി.  |
കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക
|
ഡാമിനടുത്തുള്ള 21 ഏക്കര്‍ ഭൂമിയാണ് രാജക്കാട് സര്‍വീസ് സഹകരണ ബാങ്കിന് കെ.എസ്.ഇ.ബി ഹൈഡല്‍ ടൂറിസത്തിനായി പാട്ടത്തിന് നല്‍കിയത്. രണ്ടുസര്‍വേ നമ്പരുകളിലായി കെഎസ്ഇബിയുടെ കൈവശമുള്ള ഈ ഭൂമി റവന്യൂ പുറമ്പോക്കാണെന്ന് ഉടുമ്പന്‍ചോല തഹസില്‍ദാര്‍ കളക്ടര്‍ക്ക് റിപ്പോര്‍ട്ട് സമര്‍പ്പിച്ചിരുന്നു. ഇതിന്റെ അടിസ്ഥാനത്തില്‍ കഴിഞ്ഞ ദിവസം സര്‍വേക്കെത്തിയ ഉദ്യോഗസ്ഥരെ രാജാക്കാട് സഹകരണ ബാങ്ക് പ്രസിഡന്റ് വി.എം കുഞ്ഞുമോന്റെ നേതൃത്വത്തില്‍ തടഞ്ഞിരുന്നു. |
കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക
|
കെ.എസ്.ഇ.ബി ഉദ്യോഗസ്ഥരുടെ സാന്നിധ്യമില്ലാതെ പരിശോധന നടത്താന്‍ അനുവദിക്കില്ലെന്നാണ് രാജാക്കാട് ബാങ്ക് പ്രസിഡന്റ് റവന്യൂ ഉദ്യോഗസ്ഥരെ അറിയിച്ചത്.ഇതോടെ സര്‍വേ നടപടികള്‍ പൂര്‍ത്തിയാകാതെ ഉദ്യോഗസ്ഥര്‍ മടങ്ങി. എന്നാല്‍ ഇവിടെ സര്‍വേക്ക് ബാങ്കിന്റെ അനുമതി തേടേണ്ടതിന്റെ ആവശ്യമില്ലെന്ന് തഹസില്‍ദാര്‍ വ്യക്തമാക്കിയിരുന്നു. സന്ദർശിക്കുക. www.honesty.news
