ബിജെപി പിന്തുണയോടെ പുതിയ പാര്ട്ടി രൂപീകരിക്കുമെന്ന് മാത്യു സ്റ്റീഫന് ഇന്നലെ പ്രതികരിച്ചിരുന്നു. നിലവില് തീരുമാനിച്ചിരിക്കുന്നത് നാഷണല് പ്രോഗ്രെസീവ് എന്ന പേരാണ്. 25 ന് പ്രധാനമന്ത്രിയുമായി ചര്ച്ച നടത്തും. ഒരു വര്ഷമായി ബിജെപി കേന്ദ്ര നേതൃത്വവുമായി ചര്ച്ചകള് നടന്നിരുന്നു. കോണ്ഗ്രസ്, സിപിഐഎം പാര്ട്ടികളില് നിന്നും ആളുകള് വരുമെന്ന് അദ്ദേഹം വ്യക്തമാക്കിയിരുന്നു.
ജോണി നെല്ലൂരിന്റെ നേതൃത്വത്തില് രൂപീകരിക്കുന്ന പുതിയ പാര്ട്ടിയിലാണ് ചേരുക എന്നാണ് ലഭിക്കുന്ന വിവരം. ക്രൈസ്തവ മതമേലദ്ധ്യക്ഷന്മാരുടെ ആശിര്വാദത്തോടെ രൂപീകരിക്കുന്ന എന്പിപിയെ കേരള കോണ്ഗ്രസിന് ബദലാക്കി മാറ്റാനാണ് ലക്ഷ്യമിടുന്നത്. ജോണി നെല്ലൂരിനെ കൂടാതെ വിവിധ സംഘടനകളില് നിന്നുള്ള വിവി അഗസ്റ്റിന്, പിഎം മാത്യു, ജോര്ജ് ജെ മാത്യു, വിക്ടര് ടി തോമസ്, മാത്യു സ്റ്റീഫന്, സിപി സുഗതന്, 'കാസ' ജനറല് സെക്രട്ടറി ജോയി എബ്രഹാം തുടങ്ങി ഒട്ടേറെ നേതാക്കള് പുതിയ പാര്ട്ടിയിലേക്കെത്തുമെന്നാണ് റിപ്പോര്ട്ടുകള്.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക.ക്ലിക്ക്
