വണ്ടിപ്പെരിയാറിന് സമീപം തേങ്ങാക്കൽ എസ്റ്റേറ്റ് 110 ഭാഗത്ത് തൊഴിലാളികളുമായി എത്തിയ ലോറി മറിഞ്ഞ് രണ്ട് പേർ മരണപ്പെട്ടു. ആസം സ്വദേശിയായ ജൈറുൾഹഖ് (31)സിറാജലി (30) എന്നിരാണ് മരണപ്പെട്ടത്. അപകടത്തിൽ ലോറിയിൽ ഉണ്ടായിരുന്ന അസം സ്വദേശികളായ അമീർ ഹുസൈൻ (25), അസ്മദിൻ ( 48), ഷാജഹാൻ അലി (30), നൂറുൾ ഹഖ് (50), അജീഷ് (40), തേങ്ങാക്കൽ സ്വദേശി ലോറൻസ് (50), ലോറി ഡ്രൈവർ അയ്യപ്പദാസ് (40) എന്നിവർക്ക് പരിക്കേറ്റു.
ഇന്ന് വൈകിട്ട് 5 മണിയോടെ ആയിരുന്നു അപകടം. നിയന്ത്രണം നഷ്ട്ടപ്പെട്ട ലോറി 200അടിയോളം താഴ്ചയിൽ തേയില തോട്ടത്തിലേക്ക് മറിയുകയായിരുന്നു. പരുക്കേറ്റവരെ പ്രാഥമീക ചികിത്സ നൽകിയ ശേഷം കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇതിനിടയിൽ അപകടത്തിൽ പരുക്കേറ്റവരുമായി ആശുപത്രിയിലേക്ക് പോയ ഔട്ടോറിക്ഷ മറിഞ്ഞ് ഡ്രൈവർക്കും പരിക്കേറ്റു. മരണപ്പെട്ട ഇരുവരുടെയും മൃതദേഹം പോസ്റുമോർട്ട നടപടികൾ പൂർത്തിയാക്കി ബന്ധുക്കൾക്ക് വിട്ടുനൽകും. പോലീസ് സ്ഥലത്തെത്തി മേൽനടപടികൾ സ്വീകരിച്ചു.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക.ക്ലിക്ക്.
