സംസ്ഥാനത്ത് മൂന്ന് ദിവസങ്ങൾക്ക് ശേഷം സ്വർണവിലയിൽ വർധനവ്. പവന് 280 രൂപ വർധിച്ച് 53,760 രൂപയായി. ഈ മാസത്തെ ഏറ്റവും ഉയർന്ന നിരക്കിലാണ് ഇന്ന് സ്വർണ വ്യാപാരം നടക്കുന്നത്. 22 കാരറ്റ് സ്വർണത്തിന് ഒരു ഗ്രാമിന് 6,715 രൂപയാണ്. 18 കാരറ്റ് സ്വർണത്തിന് ഒരു ഗ്രാമിന് 5,565 രൂപയാണ്.
വെള്ളിയുടെ വിലയിലും വർധനയുണ്ട്. ഒരു രൂപ വർധിച്ച് ഒരു ഗ്രാം സാധാരണ വെള്ളിയുടെ വില 90 രൂപയായി. കഴിഞ്ഞ മൂന്ന് ദിവസമായി സംസ്ഥാനത്ത് തുടർച്ചയായി സ്വർണവില മാറ്റമില്ലാതെ തുടരുകയായിരുന്നു. സെപ്തംബർ ഒന്നിന് ഒരു പവൻ സ്വർണത്തിന് 53,560 രൂപയായിരുന്നു. സെപ്തംബർ രണ്ടിന് 200 രൂപ കുറഞ്ഞ് 53,360 രൂപയായി.
