അടിമാലി മാങ്കുളത്തിന് സമീപം കോഴിയളക്കുടിയില്‍ വിനോദസഞ്ചാരികളുമായി പോയ ജീപ്പ് നിയന്ത്രണം നഷ്ടപ്പെട്ട് മറിഞ്ഞു. അപകടത്തിൽ ജീപ്പ് ഡ്രൈവര്‍ ഉള്‍പ്പടെ 8 പേര്‍ക്ക് പരിക്കേറ്റു. തൃശ്ശൂര്‍, മാള, അഷ്ടമിച്ചിറ സ്വദേശികള്‍ സഞ്ചരിച്ചിരുന്ന ജീപ്പാണ് അപകടത്തില്‍പ്പെട്ടത്. രണ്ടു ജീപ്പുകളിലായി സഞ്ചരിച്ച 17 അംഗ സംഘത്തിലെ ഒരു ജീപ്പാണ് അപകടത്തില്‍പ്പെട്ടത്. പരിക്കേറ്റവരെ അടിമാലി താലൂക്കാശുപത്രിയില്‍ പ്രവേശിപ്പിച്ചു. ആരുടെയും നില ഗുരുതരമല്ല. മറ്റൊരു വാഹനത്തിന് സൈഡ് കൊടുത്തപ്പോള്‍ ജീപ്പ് നിയന്ത്രണം നഷ്ടപ്പെട്ട് മറിയുകയായിരുന്നു എന്നാണ് വിവരം.
കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക...👉👉👉...ക്ലിക്ക്.
.jpeg)
