ഇടുക്കി പീരുമേട്ടിൽ നടന്ന പൊലീസ് അസോസിയേഷൻ ജില്ലാ സമ്മേളനത്തിനിടെ ഇരുവിഭാഗങ്ങൾ തമ്മിൽ കടുത്ത വാക്കേറ്റം ഉണ്ടായി. പൊലീസുകാർക്ക് ലഭിക്കേണ്ട അവകാശങ്ങൾക്കും എസ്എഫ്ഐ പ്രവർത്തകർ തിരുവനന്തപുരംയിൽ പൊലീസ് ഉദ്യോഗസ്ഥനായ മിഥുനെ മർദിച്ച സംഭവത്തിനും സംബന്ധിച്ച് പ്രസംഗം നടക്കുന്നതിനിടെയാണ് സംഘർഷാവസ്ഥ രൂപപ്പെട്ടത്.
പ്രസംഗത്തിനിടെ സദസിൽ നിന്നു എതിർപ്പുയർന്നു. തുടർന്ന് ചർച്ച നിയന്ത്രിച്ച പാനൽ അംഗങ്ങൾ പ്രസംഗം അവസാനിപ്പിക്കാൻ ആവശ്യപ്പെട്ടു. ഇതിനെതിരെ ഒരു വിഭാഗം പൊലീസുകാർ പ്രതിഷേധിച്ചു. പ്രസംഗ സമയം കഴിഞ്ഞുവെന്ന് ചൂണ്ടിക്കാട്ടി നേതാക്കൾ ഇടപെട്ടതോടെ അന്തരീക്ഷം രൂക്ഷമായി. “മൈക്ക് പിടിച്ചുവലിക്കരുത്, പറയാനുള്ളത് പറഞ്ഞിട്ടേ വേദി വിടൂ” എന്നായിരുന്നു പ്രസംഗകന്റെ പ്രതികരണം. സ്ഥലംമാറ്റമോ സസ്പെൻഷനോ വന്നാലും തന്റെ നിലപാട് തുറന്നുപറയുമെന്നും അദ്ദേഹം വ്യക്തമാക്കി.
സമ്മേളനത്തിൽ ഓരോ പ്രതിനിധിക്കും രണ്ട് മിനിറ്റ് മാത്രമാണ് സംസാരിക്കാൻ അനുവദിച്ചിരുന്നതെന്ന് സംഘാടകർ വ്യക്തമാക്കി. സമയം ലംഘിച്ചതിനാലാണ് ഇടപെടൽ ഉണ്ടായതെന്നും അവർ വിശദീകരിച്ചു. സംഘർഷം കയ്യാങ്കളിയിലേക്ക് നീങ്ങാതെ ഭാരവാഹികൾ ഇടപെട്ടാണ് രംഗം ശാന്തമാക്കിയത്.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക...👉👉👉...ക്ലിക്ക്.
.jpeg)
