കട്ടപ്പന: അപൂർവ ജനിതക രോഗമായ എസ്.എം.എ (Spinal Muscular Atrophy) ബാധിച്ച് ചികിത്സയിൽ കഴിയുന്ന മൂന്ന് പിഞ്ചുകുഞ്ഞുങ്ങൾക്ക് സാന്ത്വനമേകാൻ മാതൃകാപരമായ കാരുണ്യ പ്രവർത്തനവുമായി ഹോളി ഏഞ്ചൽ ട്രാവൽസ് മാനേജ്മെന്റ്. 2026 നവംബർ 3 ചൊവ്വാഴ്ച കുമളിയിൽ നിന്ന് പുറപ്പെടുന്ന രണ്ട് ദീർഘദൂര സർവീസുകളുടെയും മുഴുവൻ വരുമാനവും കുട്ടികളുടെ ചികിത്സാ സഹായ നിധിയിലേക്ക് നൽകുമെന്ന് മാനേജ്മെന്റ് അറിയിച്ചു. DAVID, ETHEN, OLIVER എന്നീ മൂന്ന് കുരുന്നുകളുടെ തുടർചികിത്സയ്ക്കുള്ള ഫണ്ട് സമാഹരണത്തിന്റെ ഭാഗമായാണ് ഈ ഉദ്യമം.
കാരുണ്യയാത്ര നടത്തുന്ന സർവീസുകൾ:
കുമളി – മാനന്തവാടി സർവീസ്
റൂട്ട്: കുമളി – കട്ടപ്പന – കോതമംഗലം – തൃശ്ശൂർ വഴി മാനന്തവാടി.
കുമളി – ചിറ്റാരിക്കൽ സർവീസ്
റൂട്ട്: കുമളി – കട്ടപ്പന – കോതമംഗലം – തൃശ്ശൂർ – കോഴിക്കോട് – കണ്ണൂർ വഴി ചിറ്റാരിക്കൽ.
ഒരു ടിക്കറ്റ്, ഒരു ജീവന്റെ പ്രതീക്ഷ
ചികിത്സാ ചെലവുകൾക്ക് കോടിക്കണക്കിന് രൂപ ആവശ്യമായി വരുന്ന ഘട്ടത്തിലാണ് ഒരു ദിവസത്തെ സർവീസിലെ യാത്രക്കാരുടെ ടിക്കറ്റ് തുക പൂർണമായും ഈ കുഞ്ഞുങ്ങളുടെ ജീവൻ രക്ഷിക്കാനായി മാറ്റിവെക്കാൻ ബസ് മാനേജ്മെന്റ് തീരുമാനിച്ചത്. ഈ സർവീസുകളിൽ യാത്ര ചെയ്യുന്നതിലൂടെ ഓരോ യാത്രക്കാരനും മൂന്ന് കുഞ്ഞുങ്ങളുടെ ജീവൻ നിലനിർത്താനുള്ള വലിയൊരു ദൗത്യത്തിന്റെ ഭാഗമാകുകയാണ്.
കുഞ്ഞുങ്ങളുടെ ചികിത്സയ്ക്കായി നാടൊന്നാകെ കൈകോർക്കുന്ന ഈ ഘട്ടത്തിൽ, കൂടുതൽ ആളുകൾ ഈ സർവീസുകൾ പ്രയോജനപ്പെടുത്തി കാരുണ്യ ദൗത്യത്തിൽ പങ്കാളികളാകണമെന്ന് ഹോളി ഏഞ്ചൽ ട്രാവൽസ് മാനേജ്മെന്റ് അഭ്യർത്ഥിച്ചു.
🔔 വാർത്തകൾ വേഗത്തിൽ അറിയാൻ ഹോണസ്റ്റി ന്യൂസ് ഫോളോ ചെയ്യൂ:👇👇👇
📲 WhatsApp: https://tinyurl.com/mnevzkkc
👥 Facebook: https://tinyurl.com/33pj6xt9
📸 Instagram: https://tinyurl.com/2z3cpaab
