പശുമല എസ്റ്റേറ്റ് ഒന്നാം ഡിവിഷനിൽ നിന്നും ശനിയാഴ്ച രാത്രി മുതൽ കാണാതായ യുവാവിനെയാണ് പഞ്ചായത്ത് കുളത്തിൽ മരിച്ച നിലയിൽ കണ്ടെത്തിയത്.
വണ്ടിപ്പെരിയാർ പശുമല എസ്റ്റേറ്റ് ഒന്നാം ഡിവിഷനിൽ താമസിക്കുന്ന ആരോഗ്യദാസിന്റെ മകൻ രൂപൻ 24 നെ കഴിഞ്ഞ ശനിയാഴ്ച രാത്രി മുതൽ കാണാതായിരുന്നു. രണ്ടു ദിവസമായി പ്രദേശവാസികൾ പലസ്ഥലങ്ങളിലും തെരച്ചിൽ നടത്തിയെങ്കിലും കണ്ടെത്താനായില്ല. തുടർന്ന് തിങ്കളാഴ്ച രാവിലെ 11 മണിയോടുകൂടി ജോലിക്കെത്തിയ തൊഴിലാളികളാണ് പ്രദേശത്തെ പഞ്ചായത്ത് കുളത്തിൽ മൃതദേഹം കണ്ടത്. തുടർന്ന് വണ്ടിപ്പെരിയാർ പോലീസിൽ വിവരം അറിയിക്കുകയായിരുന്നു. പോലീസ് സ്ഥലത്തെത്തി ഇൻക്വസ്റ്റ് തയ്യാറാക്കിയ ശേഷം മൃതദേഹം വണ്ടിപെരിയാർ പ്രാഥമിക ആശുപത്രിയി ൽ എത്തിച്ചു.തുടർന്ന് പോസ്റ്റ്മോർട്ടത്തിനായി മൃതദേഹം കോട്ടയം മെഡിക്കൽ കോളേജിലേക്ക് മാറ്റി.
