കെഎസ്ആർടിസി ജീവനക്കാർക്കിടയിൽ കോവിഡ് വ്യാപനം രൂക്ഷം. തിരുവനന്തപുരം ഡിപ്പോയിൽ നാൽപ്പതിലധികം ജീവനക്കാർക്കാണ് രോഗബാധ സ്ഥിരീകരിച്ചിരിക്കുന്നത്. കെഎസ്ആർടിസി ചീഫ് ഓഫീസിലെ ജീവനക്കാർക്കും കോവിഡ് ബാധിച്ചിട്ടുണ്ട്.
പമ്പ സർവീസ് കഴിഞ്ഞെത്തിയവരും കൊവിഡ് ബാധിതരിൽ ഉൾപ്പെടുന്നു. ആറ്റിങ്ങൽ യൂണിറ്റിൽ മാത്രം പത്ത് ഡ്രൈവർമാർക്കും ഏഴ് കണ്ടക്ടർമാർക്കും കോവിഡ് സ്ഥി രീകരിച്ചിട്ടുണ്ട്. ജീവനക്കാർക്കിടയിലെ കോവിഡ് വ്യാപനം ബസ് സർവീസുകളെ ബാധിക്കാൻ സാധ്യതയുണ്ട്. കെഎസ്ആർടിസി ചീഫ് ഓഫീസിലെ ജീവനക്കാർക്കും കൊവിഡ് ബാധിച്ചിട്ടുണ്ട്. എറണാകുളം ഡിപ്പോയിലെ 15 പേർക്കാണ് രോഗബാധയുണ്ടായത്. ജീവനക്കാർക്കിടയിൽ കൊവിഡ് പടരുന്ന സാഹചര്യത്തിൽ സർവീസ് തടസപ്പെടുമോയെന്ന ആശങ്ക നിലനിൽക്കുന്നുണ്ട്. പോലീസുകാർക്കിടയിലും കൊവിഡ് വ്യാപനം രൂക്ഷമാണെന്നാണ് റിപ്പോർട്ട്.
അതേസമയം കൊവിഡ് വ്യാപനത്തിന്റെ പശ്ചാത്തലത്തിൽ വിവിധ ജില്ലകൾ നിയന്ത്രണം കർക്കശമാക്കുകയാണ്. ടെസ്റ്റ് പോസിറ്റിവിറ്റി ഉയർന്ന തൃശൂർ, കോഴിക്കോട്, വയനാട്, എറണാകുളം ജില്ലകളിൽ നിയന്ത്രണം കർശനമാക്കിയിട്ടുണ്ട്.
