കുട്ടിക്കാനത്തിന് സമീപം അയ്യപ്പഭക്തൻമാർ സഞ്ചരിച്ചിരുന്ന ബസ് നിയന്ത്രണം വിട്ട് കാറിന് മുകളിലേയ്ക്ക് മറിഞ്ഞ് നാലു പേർക്ക് പരുക്ക്: തമിഴ്നാട്ടിൽ നിന്നും അയ്യപ്പ ഭക്തൻമാരുമായി വന്ന ബസാണ് നിയന്ത്രണം വിട്ട് മറിഞ്ഞത്‌.

 ശബരിമലയിൽ നിന്നും തിരികെ വന്നിരുന്ന പോണ്ടിച്ചേരി സ്വദേശികളായ തീർത്ഥാടകരുടെ കാറിന് മുകളലേയ്ക്കാണ് ബസ്‌ മറിഞ്ഞത്. അപകടത്തിൽ കാറിലുണ്ടായിരുന്ന നാലു പേർക്ക് പരിക്കേറ്റു.എന്നാൽ  ആരുടെയും പരുക്ക് ഗുരുതരമല്ല. 

ഇന്ന് രാവിലെ 8.30 ഓടെ കുട്ടിക്കാനത്തിനും വളഞ്ഞങ്ങാനത്തിനും  ഇടയിലുള്ള  വലിയ വളവുകളിലൊന്നിലാണ് അപകടം ഉണ്ടായത്.ബസ് വളവ് തിരിക്കുന്നതിനിടെ നിയന്ത്രണം വിട്ട് എതിരെ വന്ന കാറിന് മുകളിലേയ്ക്ക് മറിയുകയായിരുന്നു. പരുക്കേറ്റവരെ മുണ്ടക്കയത്തെ ആശുപത്രിയിലേക്ക് മാറ്റി. അപകടത്തെ തുടർന്ന് ഏറെ നേരം ഇതുവഴിയുള്ള ഗതാഗതം സ്തംഭിച്ചെങ്കിലും പോലീസെത്തി ഗതാഗതം പുനസ്ഥാപിച്ചു.