HONESTY NEWS ADS

 

ACHAYANS GOLD KATTAPPANA

ഇടുക്കിയിൽ മൂന്നുപേരുടെ മൃതദേഹം കണ്ടെത്തി; തിങ്കളാഴ്ച മുതൽ കാണാതായവരെന്ന് സംശയം.

ഇടുക്കി  രാജാക്കാട് കുത്തുങ്കൽ ഡാമിൽനിന്നാണ്  മൂന്ന് പേരുടെ മൃതദേഹം കണ്ടെത്തിയത്.  ഇതരസംസ്ഥാന തൊഴിലാളികളാണ് മരിച്ചത്. ഒരു സ്ത്രീയുടേയും രണ്ട് പുരുഷൻമാരുടേയും മൃതദേഹങ്ങളാണ് കണ്ടെത്തിയത്.


 തിങ്കളാഴ്ച കാണാതായ മൂന്നുപേരുടെ മൃതദേഹങ്ങളാണ് കണ്ടെത്തിയതെന്ന സൂചനയുണ്ട് . എന്നാൽ ഇക്കാര്യം  സ്ഥിരീകരിച്ചിട്ടില്ല. പോലീസും ഫയർഫോഴ്സും സ്ഥലത്തെത്തിയിട്ടുണ്ട്.  കുളിക്കുന്നതിനിടെ വെള്ളത്തിൽ വീണയാളെ രക്ഷിക്കാൻ ശ്രമിക്കവെ മറ്റുള്ളവരും വെള്ളത്തിൽ അകപ്പെടുകയായിരുന്നുവെന്നാണ് പ്രാഥമീക നിഗമനം.രാവിലെ പമ്പ് ഹൗസിനു സമീപം ഒരാളുടെ മൃതദേഹം കണ്ടെത്തിയതിനെ തുടർന്ന് നടത്തിയ പരിശോധനയിലാണ് മറ്റു രണ്ടുപേരുടെ മൃതദേഹം കണ്ടെത്തിയത്.പോലീസ്  നടപടികൾ പൂർത്തിയാക്കി മൃതദേഹം  പോസ്റ്റ്മോർട്ടത്തിനായി കൊണ്ടുപോകും.

Post a Comment

0 Comments
* Please Don't Spam Here. All the Comments are Reviewed by Admin.

 

ACHAYANS GOLD KATTAPPANA