പുതിയ മദ്യനയത്തില്‍ ടൂറിസം മേഖലയില്‍ കൂടുതല്‍ മദ്യശാലകള്‍ അനുവദിച്ചേക്കും. ഒന്നാം തീയതിയുള്ള മദ്യശാലകളുടെ അവധി എടുത്തുകളയും.
കള്ളുഷാപ്പുകള്‍ക്കു ആരാധാനാലയങ്ങള്‍,വിദ്യാഭ്യാസ സ്ഥാപനങ്ങള്‍ എന്നിവയില്‍ നിന്നുള്ള ദൂരപരിധി കുറയ്ക്കണമെന്ന ശുപാര്‍ശയും പരിഗണിച്ചേക്കും. മാര്‍ച്ച് 25 നു മുന്‍പ് പുതിയ മദ്യനയം പ്രഖ്യാപിച്ചേക്കുമെന്നാണ് സൂചന. ടൂറിസം മേഖലകളില്‍ കൂടുതല്‍ മദ്യശാലകള്‍ അനുവദിക്കണമെന്ന വകുപ്പിന്‍റെ ശുപാര്‍ശ പരിഗണിച്ചാണ് സർക്കാർ നീക്കം. കള്ളുഷാപ്പുകൾക്കും , ബാറുകൾക്കും അനുമതി ലഭിച്ചേക്കും .
 |
കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക
|
ഗുണനിലവാരം ഉറപ്പാക്കുന്നവർക്കു മാത്രമാകും ലൈസൻസ് പുതുക്കി നൽകുന്നത് . ഒന്നാം തീയതിയിലെ അവധി എടുത്തുമാറ്റണമെന്നു മന്ത്രിതല ചർച്ചയിൽ ബവ്കോയും ബാറുടമകളും ആവശ്യപ്പെട്ടിരുന്നു . അശാസ്ത്രീയ അവധി കാരണം കരിചന്തയിൽ മദ്യം വിൽക്കുന്നുണ്ടെന്നും ഇവർ ചൂണ്ടികാട്ടിയിരുന്നു. ഇത് പരിഗണിച്ചാകും സർക്കാർ തീരുമാനം . ഔട്റ്റുകളിൽ കൂടുതൽ സൗകര്യം ഏർപ്പെടുത്തുന്നതിനൊപ്പം തൊഴിലാളികൾക്ക് യൂണിഫോമും ഏർപ്പെടുത്തിയേക്കും.> |
കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക
|
ബിവറേജ് കോർപറേഷന്റെ മേൽനോട്ടത്തിൽ കശുമാങ്ങ , വാഴപ്പഴം , ജാതിക്ക , പൈനാപ്പിൾ എന്നിവയിൽ നിന്നു വൈൻ ഉൽപാദിപ്പിക്കാനുള്ള ആലോചനയും സർക്കാരിനുണ്ട് . ഐ.ടി പാർക്കുകൾ കേന്ദ്രീകരിച്ച് കമ്പനി ഉടമസ്ഥതയിൽ ബിയർ പാർലറുകൾ നടത്താനുള്ള അനുമതിയാലോചനയും സജീവമായുണ്ട് . എക്സൈസ് വകുപ്പിലെ ചർച്ചകളുടെ കരട് സിപിഎം സംസ്ഥാന സെക്രട്ടറിയേറ്റും എൽഡിഎഫും നിർദേശിക്കുന്ന മാറ്റങ്ങളോടെയാകും പുതിയ മദ്യനയം നിലവിൽ വരുക.
