കോട്ടയത്തിനു സമീപം നിയന്ത്രണം വിട്ട ബുള്ളറ്റ് ടെലിഫോൺ പോസ്റ്റിലിടിച്ച് ഇടുക്കി സ്വദേശിയായ യുവാവിന് ദാരുണ അന്ത്യം.

കോട്ടയം - പൂഞ്ഞാർ വളത്തൂക്കിലാണ്  ബുള്ളറ്റ് നിയന്ത്രണം വിട്ട് പോസ്റ്റിനും മതിലിനും ഇടയ്ക്ക് ഇടിച്ചുകയറിയത്. അപകടത്തിൽ പെരിയാർ വള്ളക്കടവ് സ്വദേശിയാണ് മരണപ്പെട്ടത്.

 പെരിയാർ വള്ളക്കടവ് കണിയാംപറമ്പിൽ രവീന്ദ്രന്റെ മകൻ സജി (38) യാണ് മരിച്ചത് . സജിയോടൊപ്പമുണ്ടായിരുന്ന ഭാര്യാ സഹോദരൻ ഇളംങ്ങുളം കെഴുവനാൽ നിഷാദിനെ ഗുരുതര പരിക്കുകളോടെ കോട്ടയം മെഡിക്കൽ കോളേജിൽ പ്രവേശിപ്പിച്ചു . പൂഞ്ഞാറിലെ ബന്ധു വീട്ടിലെത്തി മടങ്ങവേ ഞായറാഴ്ച ഒരു മണിയോടെ വളതൂക്കിൽ വച്ചായിരുന്നു അപകടം . നിയന്ത്രണം വിട്ട ബുള്ളറ്റ് ടെലിഫോൺ തൂണിനും മതിലിനും ഇടക്ക് ഇടിച്ചുകയറുകയായിരുന്നു. കഴുത്തിന് ഗുരുതര പരിക്കേറ്റ സജിയെ ആശുപത്രിയിലെത്തിച്ചെങ്കിലും രക്ഷിക്കാനായില്ല. സജിയുടെ അമ്മ കമലമ്മ . ഭാര്യ : പ്രിയ ഇളംങ്ങുളം കെഴുവനാൽ കുടുംബാംഗം . മക്കൾ : അദ്വൈത് , ശ്രീക്കുട്ടി