പ്രധാനപ്പെട്ട വാർത്തകൾ ഒറ്റനോട്ടത്തിൽ
2022 | മാർച്ച് 1 | ചൊവ്വ | 1197 | കുംഭം 17 | അവിട്ടം
വാണിജ്യ ആവശ്യങ്ങള്ക്കുള്ള പാചക വാതക സിലിണ്ടറിന് 106 രൂപ 50 പൈസ വര്ധിപ്പിച്ചു. കൊച്ചിയില് സിലിണ്ടറിന് പുതുക്കിയ വില 2009 രൂപയാണ്. ഹോട്ടലുകളില് ഉപയോഗിക്കുന്ന സിലിണ്ടറുകളുടെ വിലയാണ് വര്ധിപ്പിച്ചത്. വീടുകളില് ഉപയോഗിക്കുന്ന സിലിണ്ടറുകളുടെ വിലയില് മാറ്റമില്ല.
യുക്രെയിനിലേക്കു പ്രവേശിക്കാന് അതിര്ത്തിയിലെ അതിവിശാലമായ റോഡില് 67 കിലോമീറ്റര് നീളത്തിലാണ് റഷ്യന് പട്ടാളം കാത്തിരിക്കുന്നത്. ടാങ്കുകളും മിസൈല് വിക്ഷേപണികളും അടക്കമുള്ള പട്ടാളത്തിന്റെ വന് നിര കാത്തുനില്ക്കുന്നതിന്റെ ഉപഗ്രഹ ചിത്രം പുറത്ത്. അമേരിക്കന് ബഹിരാകാശ സാങ്കേതിക വിദ്യാ കമ്പനിയായ മാക്സറാണ് ഈ ചിത്രം പുറത്തുവിട്ടത്.
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
യുക്രൈനില് കുടുങ്ങിയ ഇന്ത്യക്കാരെ തിരികെയെത്തിക്കാനുള്ള കേന്ദ്ര സര്ക്കാരിന്റെ ഓപ്പറേഷന് ഗംഗ മിഷന്റെ ഭാഗമായി രണ്ടു വിമാനങ്ങള് കൂടി ഡല്ഹിയിലെത്തി. ബുഡാപെസ്റ്റില്നിന്നും ബുക്കാറെസ്റ്റില് നിന്നുമുള്ള രണ്ട് ഇന്ഡിഗോ വിമാനങ്ങളിലായി 434 പേരാണ് എത്തിയത്. ഇതുവരെ ഒമ്പതു വിമാനങ്ങളിലായി 2212 ഇന്ത്യാക്കാരെയാണ് തിരികെയെത്തിച്ചത്.
കേന്ദ്ര സര്ക്കാര് ഭരണഘടനയുടെ അടിസ്ഥാന ശിലകളെ സംഘടിതമായി അട്ടിമറിക്കുകയാണെന്ന് സിപിഎം ജനറല് സെക്രട്ടറി സിതാറാം യെച്ചൂരി. സിപിഎം സംസ്ഥാന സമ്മേളം കൊച്ചിയില് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ബിജെപിയുടെ അപകടകരമായ പ്രത്യയശാസ്ത്രത്തിനു ബദല് ഉയര്ത്തുന്നത് കേരളമാണ്. റഷ്യ യുക്രൈനില് നടത്തുന്ന അധിനിവേശം അവസാനിപ്പിക്കണമെന്നും ആവശ്യപ്പെട്ടു. കൊച്ചി മറൈന്ഡ്രൈവില് ആനത്തലവട്ടം ആനന്ദന് പതാക ഉയര്ത്തിയതോടെ നാലു ദിവസത്തെ സമ്മേളനത്തിനു തുടക്കമായി.
സില്വര് ലൈനിനുള്ള തടസങ്ങള് നീക്കി പദ്ധതിയുമായി മുന്നോട്ട് പോകുമെന്നും സി പി എം സംസ്ഥാന സമ്മേളന റിപ്പോര്ട്ട്. ന്യൂനപക്ഷ വര്ഗീയതയെ ശക്തമായി ചെറുക്കണമെന്നും റിപ്പോര്ട്ട് പറയുന്നു. ന്യൂനപക്ഷ വര്ഗീയത നേരിടുന്നതിലെ പാര്ട്ടിയുടെ നിലപാട് മുന്നാക്ക വിഭാഗങ്ങള് ഉറ്റു നോക്കുന്നുണ്ട്. അതുകൊണ്ടുതന്നെ അവരെക്കൂടി ഒപ്പം നിര്ത്തണമെന്നും സമ്മേളന റിപ്പോര്ട്ട് പറയുന്നു.
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
കേരളത്തിലെ കോണ്ഗ്രസ് പുന:സംഘടന നിര്ത്തിവയ്ക്കാന് ഹൈക്കമാന്ഡ് നിര്ദേശം നല്കി. കേരളത്തിന്റെ ചുതലയുള്ള എഐസിസി ജനറല് സെക്രട്ടറി താരിഖ് അന്വറാണ് കെപിസിസി അധ്യക്ഷന് കെ സുധാകരന് നിര്ദേശം നല്കിയത്. എം പിമാരുടെ പരാതിയെ തുടര്ന്നാണ് നടപടി.
| > |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
കെ.പി.സി.സി പുന:സംഘടനയില് എംപിമാര്ക്കുള്ള പരാതികള് പരിഹരിച്ച് പുന:സംഘടനയുമായി മുന്നോട്ടു പോകുമെന്നു പ്രതിപക്ഷനേതാവ് വി.ഡി. സതീശന്. ചര്ച്ചകള് നടത്തി പ്രശ്നം പരിഹരിക്കാനാണ് കേരളത്തിന്റെ ചുമതലയുള്ള എഐസിസി ജനറല് സെക്രട്ടറി താരിഖ് അന്വര് ആവശ്യപ്പെട്ടത്. പുന:സംഘടന നിര്ത്തിവക്കാന് നിര്ദേശിച്ചിട്ടില്ല. സതീശന് പറഞ്ഞു.
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
പൊലീസ് കസ്റ്റഡിയില് തിരുവല്ലം നെല്ലിയോട് ചരുവിള പുത്തന്വീട്ടില് സുരേഷ് (40) മരിച്ച സംഭവത്തില് സംസ്ഥാന പൊലീസ് കംപ്ലൈന്റ് അതോറിറ്റി ചെയര്മാന് ജസ്റ്റിസ് വി. കെ മോഹനന് തിരുവല്ലം പൊലീസ് സ്റ്റേഷന് സന്ദര്ശിച്ചു. പ്രാഥമിക പരിശോധനയില്, തിരുവല്ലം പൊലീസ് പിടികൂടിയവരുടെ അറസ്റ്റ് ജി.ഡി എന്ട്രിയില് ഉള്പ്പടെ കൃത്യമായി രേഖപ്പെടുത്തിയിരുന്നെന്ന് അദേഹം അറിയിച്ചു.
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
വിഴിഞ്ഞം ഉച്ചക്കട സ്വദേശി സജികുമാറിന്റെ കൊലപാതകവുമായി ബന്ധപ്പെട്ട് ഒളിവില് കഴിഞ്ഞിരുന്ന പ്രതി വിഴിഞ്ഞം പൊലീസ് സ്റ്റേഷനില് കീഴടങ്ങി. ഉച്ചക്കട ജംഗഷനില് ചേനനട്ടവിള വീട്ടില് സുധീര് (41) ആണ് കീഴടങ്ങിയത്.
കൊല്ലം ഏരൂരില് ഓയില്പാം എസ്റ്റേറ്റില്നിന്ന് മൃഗങ്ങളെ വെടിവച്ചുകൊന്ന് ഇറച്ചി കടത്തുന്ന സംഘത്തിലെ യൂട്യൂബ് വ്ളോഗര് അടക്കം മൂന്നു പേര് അറസ്റ്റില്. കുളത്തൂപ്പുഴ സ്വദേശിനിയുടെ ഉടമസ്ഥതയിലുളള ഗര്ഭിണിയായ പശുവിനെയാണ് സംഘം വെടിവച്ചു കൊന്ന് ഇറച്ചി കടത്തിയത്. കടയ്ക്കല് ഐരക്കുഴി സ്വദേശി കമറുദ്ദീന്, മകന് റജീഫ്, കൊച്ചാഞ്ഞിലിമൂട് സ്വദേശി ഹിലാരി എന്നിവരാണ് അറസ്റ്റിലായത്.
കണ്ണൂര് സിപിഎം പ്രവര്ത്തകന് പുന്നോല് ഹരിദാസന്റെ കൊലപാതകത്തില് മൂന്നു പേരെ പൊലീസ് കസ്റ്റഡിയിലെടുത്തു. പ്രജിത്ത്, പ്രതീഷ്, ദിനേശ് എന്നിവരെയാണ് അന്വേഷണസംഘം കസ്റ്റഡിയിലെടുത്തത്. കൊലപാതകം നടന്ന ദിവസം ഏഴു പേരെ കസ്റ്റഡിയിലെടുത്തിരുന്നു.
തൊഴിലാളി സമരം നടത്തി കോഴിക്കോട് പേരാമ്പ്രയിലുള്ള കടയും പൂട്ടി. പേരാമ്പ്ര ചേനോളി റോഡിലെ സികെ മെറ്റീരിയല്സ് എന്ന സ്ഥപനം തുറക്കുന്നില്ലെന്ന് കടയുടമ ബിജു അറിയിച്ചു. രാഷ്ട്രീയ സമ്മര്ദവും തൊഴിലാളികളുടെ സമരവുംമൂലം മാനസികമായി തളര്ന്നുവെന്നും ചുമട്ടുതൊഴിലാളികളെ സഹിച്ചു മുന്നോട്ട് പോകാനാവാത്ത അവസ്ഥയാണെന്നും കടയുടമ ബിജു വിശദീകരിച്ചു.
തൃശൂര് സ്കൂള് ഓഫ് ഡ്രാമയിലെ വിദ്യാര്ത്ഥിനിയുടെ പീഡന പരാതിയില് അധ്യാപകനായ ഡോ സുനില് കുമാര് അറസ്റ്റില്. കഴിഞ്ഞ ദിവസം സുനില് കുമാറിനെ സര്വകലാശാല സസ്പെന്ഡ് ചെയ്തിരുന്നു. രണ്ട് അധ്യാപകര്ക്കെതിരെയാണ് പെണ്കുട്ടി ആരോപണമുന്നയിച്ചത്. പരാതിയില് നടപടി ഉണ്ടായില്ല. ഇതിനു പിറകേ പെണ്കുട്ടിക്കു പിന്തുണയുമായി സ്കൂള് ഓഫ് ഡ്രാമയിലെ ഡീന് സുനില്കുമാര് ഫോണില് സംസാരിച്ചു. രാത്രി മദ്യപിച്ച് ലൈംഗിക ചുവയോടെ സംസാരിച്ചെന്നാണ് പരാതി.
ജനുവരിയില് നടന്ന ഒന്നാം വര്ഷ ഹയര് സെക്കന്ഡറി ഇംപ്രൂവ്മെന്റ് / സപ്ലിമെന്ററി പരീക്ഷയുടെ ഫലം പ്രസിദ്ധീകരിച്ചു. ഉത്തരക്കടലാസുകളുടെ പുനര്നിര്ണയത്തിനും സൂക്ഷ്മ പരിശോധനയ്ക്കും അപേക്ഷകള് പരീക്ഷയ്ക്ക് രജിസ്റ്റര് ചെയ്ത സ്കൂളിലെ പ്രിന്സിപ്പലിന് മാര്ച്ച് നാലിനകം സമര്പ്പിക്കണം.
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
ടാറ്റ ഗ്രൂപ്പ് ഏറ്റെടുത്ത എയര് ഇന്ത്യ മാനേജിംഗ് ഡയറക്ടറായി തുര്ക്കി പൗരനായ ഇല്ക്കര് ഐസിയെ നിയമിച്ചതിനെതിരെ സംഘപരിവാര് സംഘടനയായ സ്വദേശി ജാഗരണ് മഞ്ച്. നിയമനം പുനഃപരിശോധിക്കണമെന്ന് സ്വദേശി ജാഗരണ് മഞ്ച് കോര്ഡിനേറ്റിംഗ് കണ്വീനര് അശ്വനി മഹാജന് ആവശ്യപ്പെട്ടു.
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
റഷ്യയുടെ വിലക്കു കൂസാതെ യൂറോപ്യന് യൂണിയനില് ചേരാന് യുക്രൈന് അപേക്ഷ നല്കി. യൂറോപ്യന് യൂണിയനില് യുക്രൈന് അംഗത്വം എത്രയും പെട്ടെന്ന് വേണമെന്ന് യുക്രൈന് പ്രസിഡന്റ് സെലന്സ്കി ആവശ്യപ്പെട്ടു.
റഷ്യയ്ക്കെതിരെ ചെറുത്തുനില്പ്പിനു നേതൃത്വം നല്കുന്ന യുക്രൈന് പ്രസിഡന്റ് വ്ളൊദിമിര് സെലെന്സ്കിയെ വധിക്കാന് റഷ്യ വാടകക്കൊലയാളി സംഘത്തെ ഇറക്കിയെന്നു റിപ്പോര്ട്ട്. നാനൂറ് കൂലിപടയാളികളെ റഷ്യ യുക്രൈനില് ഇറക്കിയെന്നാണ് വിവരം. ആഫ്രിക്കയില്നിന്നുള്ള സംഘം അഞ്ച് ആഴ്ച മുന്പേ കീവില് എത്തിയെന്നാണ് റിപ്പോര്ട്ട്.
കീഴടങ്ങാനാവശ്യപ്പെട്ട റഷ്യന് പടക്കപ്പലിനോട് പോയിത്തുലയാന് പറഞ്ഞ സ്നേക്ക് ഐലന്ഡിലെ 13 യുക്രൈന് സൈനികര് ജീവനോടെയുണ്ടെന്ന് യുക്രൈന്. റഷ്യന് ആക്രണണത്തില് ഇവര് കൊല്ലപ്പെട്ടെന്നായിരുന്നു ഇതുവരെയുള്ള വാര്ത്തകള്. 13 സൈനികരും റഷ്യന് പട്ടാളത്തിന്റെ കസ്റ്റഡിയിലാണ്.
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
സംസ്ഥാനത്ത് സ്വര്ണ വില കുറഞ്ഞു. 240 രൂപ കുറഞ്ഞ് ഒരു പവന് സ്വര്ണത്തിന്റെ വില 37,360 രൂപയായി. ഒരു ഗ്രാം സ്വര്ണത്തിന്റെ വിലയില് 30 രൂപയുടെ കുറവാണ് രേഖപ്പെടുത്തിയത്. 4670 രൂപയാണ് ഒരു ഗ്രാം സ്വര്ണത്തിന്റെ വില. യുക്രൈന് സംഘര്ഷമാണ് സ്വര്ണവിലയില് അടക്കം പ്രതിഫലിക്കുന്നത്. സുരക്ഷിത നിക്ഷേപമെന്ന നിലയില് സ്വര്ണത്തിലേക്ക് കൂടുതല് നിക്ഷേപകര് എത്തുന്നതാണ് സ്വര്ണവിലയെ സ്വാധീനിക്കുന്നത്.
പ്രൈവറ്റ് നോണ് കണ്വേര്ട്ടിബിള് ഡിബഞ്ചറുകളിലൂടെ 500 കോടി രൂപ വരെ സമാഹരിക്കുന്നതിന് പിരമല് എന്റര്പ്രൈസസ്. തിങ്കളാഴ്ച ചേര്ന്ന കമ്മിറ്റി യോഗത്തില് 100 കോടി രൂപ വരെയുള്ള നോണ്-കണ്വേര്ട്ടിബിള് ഡിബഞ്ചറുകള് (എന്സിഡി) ഇഷ്യൂ ചെയ്യാനും 400 കോടി രൂപ വരെ സബ്സ്ക്രിപ്ഷന് നിലനിര്ത്താനും തീരുമാനിച്ചു. ഇതിന്റെ ഭാഗമായി കടപ്പത്രങ്ങള് നാഷണല് സ്റ്റോക്ക് എക്സ്ചേഞ്ചിന്റെയും (എന്എസ്ഇ) ബിഎസ്ഇ ലിമിറ്റഡിന്റെയും ഡെറ്റ് സെഗ്മെന്റിലും മൂലധന വിപണി വിഭാഗത്തിലും ലിസ്റ്റ് ചെയ്യാന് നിര്ദ്ദേശിച്ചു. എന്സിഡികള്ക്ക് പ്രതിവര്ഷം 8 ശതമാനം നിരക്കില് 30 മാസത്തെ കാലാവധി ഉണ്ടായിരിക്കുമെന്നും വീണ്ടെടുക്കല് തീയതി സെപ്റ്റംബര് 2, 2024 വരെ ആണെന്നും കമ്പനി പറഞ്ഞു.
വീണ്ടും പൊലീസ് വേഷത്തില് സുരേഷ് ഗോപി. വലിയ ഇടവേളയ്ക്ക് ശേഷം ജോഷി ഒരുക്കുന്ന പാപ്പന് എന്ന ചിത്രത്തിലൂടെയാണ് സുരേഷ് ഗോപി പൊലീസ് വേഷത്തിലെത്തുന്നത്. രണ്ട് ഗെറ്റപ്പുകളാണ് സുരേഷ് ഗോപിക്ക് ചിത്രത്തിലുള്ളത്. പൊലീസ് ഗെറ്റപ്പിലുള്ള സുരേഷ് ഗോപിയുടെ ചിത്രം അണിയറ പ്രവര്ത്തകര് റിലീസ് ചെയ്തു. ചിത്രത്തില് 'എബ്രഹാം മാത്യൂസ് പാപ്പന് ഐപിഎസ്' എന്ന കഥാപാത്രത്തെയാണ് സുരേഷ് ഗോപി അവതരിപ്പിക്കുന്നത്. ക്രൈം ത്രില്ലര് വിഭാഗത്തില് പെടുന്നതാണ് ചിത്രം. നീത പിള്ള, നൈല ഉഷ, ആശ ശരത്, കനിഹ, ചന്ദുനാഥ്, വിജയരാഘവന്, ടിനി ടോം, ഷമ്മി തിലകന്, തുടങ്ങി വമ്പന് താരനിര അണിനിരക്കുന്നു. ആദ്യമായാണ് സുരേഷ് ഗോപിയും മകന് ഗോകുലും ഒരു സിനിമയില് ഒന്നിക്കുന്നതെന്ന പ്രത്യേകതയുമുണ്ട്.
| > |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
ആന്ധ്രാപ്രദേശിലെ അനന്തപൂര് പ്ലാന്റില് മൂന്നാമാത്തെ ഷിഫ്റ്റും ആരംഭിച്ചതോടെ ഉല്പ്പാദനം കുത്തനെ ഉയര്ത്തി കിയ മോട്ടോഴ്സ്. പുതിയ ഷിഫ്റ്റ് കൂടി ആരംഭിച്ചതോടെ ഉല്പ്പാദനം പ്രതിവര്ഷം മൂന്ന് ലക്ഷം യൂണിറ്റായി വര്ധിപ്പിച്ചതായി ദക്ഷിണ കൊറിയന് വാഹന നിര്മാതാക്കള് അറിയിച്ചു. കിയ ഇന്ത്യ 2019 ഓഗസ്റ്റിലാണ് ഈ പ്ലാന്റില് നിര്മാണം ആരംഭിച്ചത്. നാല് ലക്ഷം ആഭ്യന്തര വില്പ്പനയും ഒരു ലക്ഷം കയറ്റുമതിയും ഉള്പ്പെടെ അനന്തപൂര് പ്ലാന്റില് നിന്ന് അഞ്ച് ലക്ഷം യൂണിറ്റുകളാണ് വാഹന നിര്മാതാക്കള് പുറത്തിറക്കിയത്.
അക്ഷരങ്ങള് കൂടിച്ചേര്ന്നുണ്ടാകുന്ന വാക്കുകളില് സംസ്കാരത്തിന്റെയും ചരിത്രത്തിന്റെയും അവയ്ക്കു മേല് മനുഷ്യരുടെ നിലപാടുകളുടെയും രഹസ്യങ്ങള് അടങ്ങിയിരിക്കുന്നു. ഏകാന്തമായ നാളുകളില് വാക്കുകളെ ധ്യാനിച്ച ഒരാളുടെ വെളിപാടുകളാണ് ഈ പുസ്തകം. 'അക്ഷരാര്ത്ഥം'. ജോണി എം എല്. സൈന് ബുക്സ്. വില 207 രൂപ.
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
ഇന്നത്തെ വിനിമയ നിരക്ക്
ഡോളര് - 75.24, പൗണ്ട് - 100.99, യൂറോ - 84.39, സ്വിസ് ഫ്രാങ്ക് - 82.17, ഓസ്ട്രേലിയന് ഡോളര് - 54.80, ബഹറിന് ദിനാര് - 199.59, കുവൈത്ത് ദിനാര് -248.37, ഒമാനി റിയാല് - 195.42, സൗദി റിയാല് - 20.05, യു.എ.ഇ ദിര്ഹം - 20.48, ഖത്തര് റിയാല് - 20.66, കനേഡിയന് ഡോളര് - 59.43.

