പ്രഭാത വാർത്തകൾ ഒറ്റനോട്ടത്തിൽ
2022 | മാർച്ച് 14 | തിങ്കൾ | 1197 | കുംഭം 30 | പൂയം
സംസ്ഥാനത്ത് ഇന്നും കൊടും ചൂടും വരണ്ട കാലാവസ്ഥയും. കൊല്ലം, ആലപ്പുഴ, കോട്ടയം, തൃശ്ശൂര്‍, കോഴിക്കോട്, കണ്ണൂര്‍ എന്നീ ആറു ജില്ലകളില്‍ ജാഗ്രത വേണമെന്നു കാലാവസ്ഥ നീരിക്ഷണ കേന്ദ്രത്തിന്റെ മുന്നറിയിപ്പ്. മൂന്നു ഡിഗ്രി സെല്‍ഷ്യസ് വരെ താപനില ഉയര്‍ന്നേക്കും. ഉച്ചയ്ക്കു പുറം ജോലികള്‍ക്കുള്ള വിലക്ക് തുടരുകയാണ്. നാളെ വേനല്‍മഴ കിട്ടിയേക്കും.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
സിപിഎം പാര്‍ട്ടി കോണ്‍ഗ്രസിന്റെ ഭാഗമായുള്ള സെമിനാറുകളിലേക്ക് രണ്ടു കോണ്‍ഗ്രസ് നേതാക്കള്‍ക്ക് ക്ഷണം. ശശി തരൂര്‍ എംപി, കെ.വി തോമസ് എന്നിവരെയാണ് ക്ഷണിച്ചത്. മത നിരപേക്ഷത നേരിടുന്ന വെല്ലുവിളികള്‍ എന്ന സെമിനാറിലേക്കാണ് തരൂരിനു ക്ഷണം. കേന്ദ്ര - സംസ്ഥാന സര്‍ക്കാരുകള്‍ തമ്മിലുള്ള ബന്ധത്തെക്കുറിച്ചുള്ള സെമിനാറിനാണ് കെ.വി തോമസിനെ ക്ഷണിച്ചത്. കണ്ണൂരില്‍ ഏപ്രില്‍ ആറു മുതല്‍ 10 വരെയാണ് സിപിഎം പാര്‍ട്ടി കോണ്‍ഗ്രസ്.
മറിയപ്പള്ളി പാറമടക്കുളത്തില്‍ മറിഞ്ഞ ലോറിയിലെ ഡ്രൈവര്‍ അജികുമാറിന് ഹൃദയാഘാതം സംഭവിച്ചതുകൊണ്ടാകാം ലോറി നിയന്ത്രണം വിട്ട് താഴ്ചയിലേക്കു മറിഞ്ഞതെന്ന് നിഗമനം. ശ്വാസകോശത്തില്‍ ചളി കയറിയാണ് അജികുമാര്‍ മരിച്ചതെന്നു പോസ്റ്റുമോര്‍ട്ടം റിപ്പോര്‍ട്ടിലുണ്ട്.
ഒരു ഊഞ്ഞാലു കെട്ടിത്തരാന്‍ പറയുമോയെന്നു കുട്ടികള്‍. അതു കേട്ട മന്ത്രി വീണ ജോര്‍ജ് ഉടനേ അധികാരികള്‍ക്കു നിര്‍ദേശം നല്‍കി. ഉടനേ കുട്ടികള്‍ക്ക് ഊഞ്ഞാല്‍ ഒരുക്കി. കോഴിക്കോട് വെള്ളിമാടുകുന്നിലെ ആണ്‍കുട്ടികള്‍ക്കുള്ള ബാലസദനത്തില്‍ മിന്നല്‍ സന്ദര്‍ശനം നടത്തിയതായിരുന്നു മന്ത്രി വീണാ ജോര്‍ജ്. മന്ത്രിയുടെ വരവുകണ്ട് കുട്ടികള്‍ അടക്കമുള്ളവരാണു മന്ത്രിയെ സ്വീകരിച്ചത്. മന്ത്രി ഹോം പരിസരവും സൗകര്യങ്ങളും അടുക്കളയിലുള്ള ഭക്ഷണവുമെല്ലാം പരിശോധിച്ചു. അതിനിടയിലാണ് ചില കുട്ടികള്‍ ഊഞ്ഞാല്‍ കെട്ടിത്തരുമോയെന്നു മന്ത്രിയോട് ആവശ്യപ്പെട്ടത്.
ഒമാനില്‍ വധശിക്ഷയ്ക്കു വിധിക്കപ്പെട്ട നിമിഷപ്രിയയുടെ മോചനത്തിനായി കേന്ദ്ര-സംസ്ഥാന സര്‍ക്കാരുകള്‍ ഇടപെടണമെന്ന് അമ്മ പ്രേമ. കേസില്‍ ഇനിയും അപ്പീലിന് സാധ്യതയുണ്ട്. സര്‍ക്കാര്‍ സഹായം വേണമെന്നും അവര്‍ ആവശ്യപ്പെട്ടു.
യുക്രെയിന്‍-റഷ്യ യുദ്ധ പശ്ചാത്തലത്തില്‍ ഇന്ത്യയുടെ സുരക്ഷാ ക്രമീകരണങ്ങള്‍ വിലയിരുത്താന്‍ പ്രധാനമന്ത്രി നരേന്ദ്ര മോദിയുടെ നേതൃത്വത്തില്‍ ഉന്നതതല യോഗം ചേര്‍ന്നു. അതിര്‍ത്തികളിലെയും സമുദ്ര, വ്യോമ മേഖലകളിലെയും ഇന്ത്യയുടെ സുരക്ഷാ സജ്ജീകരണങ്ങള്‍ വിലയിരുത്തി. ഇന്ത്യന്‍ പൗരന്മാരെ യുക്രെയിനില്‍നിന്ന് ഒഴിപ്പിക്കാനുള്ള ഓപ്പറേഷന്‍ ഗംഗയുടെ വിശദാംശങ്ങളും ചര്‍ച്ചയായി.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
മുതിര്‍ന്ന കോണ്‍ഗ്രസ് നേതാവ് എ.കെ. ആന്റണിക്കു കോവിഡ്. രണ്ടാം തവണയാണ് രോഗബാധിതനാകുന്നത്.
രാഹുല്‍ ഗാന്ധി കോണ്‍ഗ്രസ് അധ്യക്ഷനാകണമെന്ന് രാജസ്ഥാന്‍ മുഖ്യമന്ത്രി അശോക് ഗെഹ്ലോട്ട്. കോണ്‍ഗ്രസ് പ്രവര്‍ത്തക സമിതി യോഗം ആരംഭിക്കുന്നതിനുമുമ്പാണ് അദ്ദേഹം നിലപാട് പ്രഖ്യാപിച്ചത്. കോണ്‍ഗ്രസ് ഐക്യത്തിന് ഗാന്ധി കുടുംബം നേതൃസ്ഥാനത്ത് അനിവാര്യമാണെന്നും കൂട്ടിച്ചേര്‍ത്തു. അശോക് ഗെഹ്ലോട്ടിനെ എഐസിസി പ്രസിഡന്റാക്കാനുള്ള നീക്കങ്ങള്‍ എഐസിസി നേതാക്കള്‍ക്കിടയില്‍ പുരോഗമിക്കവേയാണ് അദ്ദേഹം ഇങ്ങനെ നിലപാടെടുത്തത്.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
വിമര്‍ശനങ്ങള്‍ പോസിറ്റീവായി കാണുന്നുവെന്നും തനിക്കെതിരേ എന്തു നടപടിയും സ്വീകരിക്കാമെന്നും എഐസിസി ജനറല്‍ സെക്രട്ടറി കെ.സി. വേണുഗോപാല്‍. തെരഞ്ഞെടുപ്പിലുണ്ടായ പരാജയത്തില്‍ പ്രവര്‍ത്തകര്‍ക്കു വിഷമമുണ്ടാകും. കോണ്‍ഗ്രസ് നന്നായി കാണാന്‍ ആഗ്രഹിക്കുന്നവരുടെ വിമര്‍ശനം നല്ല ചിന്തയായിട്ടാണു കാണുന്നത്. തനിക്കെതിരേ പോസ്റ്റര്‍ പതിച്ചതില്‍ പരാതിയില്ലെന്നും അദ്ദേഹം പറഞ്ഞു.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് പ്രധാനമന്ത്രി നരേന്ദ്രമോദിയുമായി ഡല്‍ഹിയില്‍ ചര്‍ച്ച നടത്തി. അഞ്ചുവര്‍ഷം ജനങ്ങള്‍ക്കായി യോഗി അക്ഷീണം അധ്വാനിച്ചെന്നും അടുത്ത അഞ്ചുവര്‍ഷവും വികസനത്തിനായി യോഗി പ്രവര്‍ത്തിക്കുമെന്നും മോദി പറഞ്ഞു. ഉത്തര്‍പ്രദേശിലെ സര്‍ക്കാര്‍ രൂപീകരണ ചര്‍ച്ചകളുമായി ബന്ധപ്പെട്ടാണ് കൂടിക്കാഴ്ച. ബിജെപി അധ്യക്ഷന്‍ ജെപി നഡ്ഡ, ആഭ്യന്തര മന്ത്രി അമിത് ഷാ എന്നിവരുമായും യോഗിചര്‍ച്ച നടത്തി.
പഞ്ചാബില്‍ ബുധനാഴ്ച മുഖ്യമന്ത്രി ഭഗവന്ത് മന്‍ മാത്രമാകും സത്യപ്രതിജ്ഞ ചെയ്യുക. പതിനാറ് മന്ത്രിമാരുടെ സത്യപ്രതിജ്ഞ പിന്നീട് നടക്കും. മൂന്നു വനിതകള്‍ അടക്കം പത്തു മന്ത്രിമാരെ തീരുമാനിച്ചു.
നോര്‍ത്ത് ഡല്‍ഹിയിലെ സിവില്‍ ലൈന്‍ മേഖലയില്‍ ഒരു കോടി പത്തു ലക്ഷം രൂപ കൊള്ളയടിച്ച അഞ്ചു പേരെ ഡല്‍ഹി പൊലീസ് അറസ്റ്റ് ചെയ്തു. പട്ടാപ്പകല്‍ ഒരു ബിസിനസുകാരന്റെ ജോലിക്കാരെ സ്‌കൂട്ടര്‍ ഇടിച്ചുവീഴ്ത്തി തോക്കു ചൂണ്ടി കവര്‍ച്ച നടത്തുകയായിരുന്നു. കൊള്ളയടിച്ച പണത്തില്‍നിന്ന് ഒരു ലക്ഷം രൂപ ക്ഷേത്രത്തിലേക്കു സംഭാവന നല്‍കുകയും ചെയ്തു. ചാന്ദ്‌നി ചൗക്ക് മാര്‍ക്കറ്റിനു സമീപം പുതുതായി സ്ഥാപിച്ച സിസിടിവി ക്യാമറകളുടെ സഹായത്തോടെയാണ് പ്രതികളെ പിടികൂടിയത്.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
വിശുദ്ധ മദര്‍ തെരേസ സ്ഥാപിച്ച മിഷണറീസ് ഓഫ് ചാരിറ്റി സന്യാസ സമൂഹത്തിന്റെ സുപ്പീരിയര്‍ ജനറലായി മലയാളിയായ സിസ്റ്റര്‍ മേരി ജോസഫിനെ തെരഞ്ഞെടുത്തു. തൃശൂര്‍ മാള സ്വദേശിനിയാണ്. കൊല്‍ക്കത്തയിലെ മദര്‍ ഹൗസിലായിരുന്നു തെരഞ്ഞെടുപ്പ്. 13 വര്‍ഷമായി ജര്‍മന്‍കാരിയായ സിസ്റ്റര്‍ പ്രേമ എന്ന പിയറിക് ആയിരുന്നു സുപ്പീരിയര്‍ ജനറല്‍.
പടിഞ്ഞാറന്‍ യുക്രെയിനില്‍ പോളണ്ട് അതിര്‍ത്തിയിലുള്ള സൈനിക പരിശീലന കേന്ദ്രത്തില്‍ റഷ്യയുടെ മിസൈല്‍ ആക്രണം. 35 പേര്‍ മരിച്ചു. നൂറിലേറെ പേര്‍ക്കു പരിക്കേറ്റു. മുപ്പതിലേറെ മിസൈലുകള്‍ സൈനിക കേന്ദ്രത്തിലേക്കു റഷ്യ തൊടുത്തുവിട്ടെന്നാണ് റിപ്പോര്‍ട്ട്. ഇതേസമയം, റഷ്യന്‍ സേന യുക്രെയിന്റെ തലസ്ഥാനമായ കീവ് വളഞ്ഞു. കീവ് നഗരത്തിന്റെ വടക്ക്, പടിഞ്ഞാറ്, കിഴക്ക് മേഖലകളില്‍ റഷ്യന്‍ പട്ടാളത്തിന്റെ മുന്നേറ്റമാണ്.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
യുക്രെയിനിലെ യുദ്ധം നിര്‍ത്തണമെന്ന് റഷ്യയോട് ഫ്രാന്‍സിസ് മാര്‍പാപ്പ. ദുരിതം അനുഭവിക്കുന്നവരുടെ നിലവിളി കേള്‍ക്കുക. ദൈവത്തെ ഓര്‍ത്ത് ഈ കൂട്ടക്കുരുതി നിര്‍ത്തണം. വത്തിക്കാനിലെ സെന്റ് പീറ്റേഴ്സ് ചത്വരത്തില്‍ ഞായറാഴ്ചത്തെ ബലിയര്‍പ്പണത്തിനിടെ സന്ദേശം നല്‍കവേ അദ്ദേഹം ആവശ്യപ്പെട്ടു.
ഒമാനില്‍ കൂടുതല്‍ ഭക്ഷ്യ ഉത്പന്നങ്ങളെ മൂല്യവര്‍ദ്ധിത നികുതിയില്‍നിന്ന് ഒഴിവാക്കി. ബാര്‍ലി, ചോളം, ഗോതമ്പ്, സോയാബീന്‍, പക്ഷികള്‍ക്കും കോഴികള്‍ക്കും മൃഗങ്ങള്‍ക്കുമുള്ള തീറ്റകള്‍ എന്നിവയാണ് നികുതി ഇല്ലാത്ത ഉത്പന്നങ്ങളുടെ പട്ടികയില്‍ ഉള്‍പ്പെടുത്തിയത്.
അഞ്ചു വയസിനു താഴെയുള്ള കുട്ടികള്‍ക്കു രക്ഷിതാക്കളോടൊപ്പം മക്ക, മദീന ഹറമുകളില്‍ പ്രവേശിക്കാന്‍ അനുമതി നല്‍കി. എന്നാല്‍ ഉംറക്കും മദീനയിലെ റൗദയിലുള്ള നമസ്‌കാരത്തിനും ഈ പ്രായമുള്ള കുട്ടികള്‍ക്ക് അനുമതിയില്ല.
|
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
അരങ്ങേറ്റ ഐപിഎല്ലിനുള്ള ജേഴ്‌സി പുറത്തിറക്കി ഗുജറാത്ത് ടൈറ്റന്‍സ്. അഹമ്മദാബാദ് നരേന്ദ്ര മോദി ക്രിക്കറ്റ് സ്റ്റേഡിയത്തില്‍ വച്ച് നടത്തിയ ചടങ്ങിലാണ് ജേഴ്‌സി അവതരിപ്പിച്ചത്. ക്യാപ്റ്റന്‍ ഹാര്‍ദിക് പാണ്ഡ്യ, കോച്ച് ആശിഷ് നെഹ്‌റ എന്നിവരും ജേഴ്‌സി അവതരിപ്പിക്കുന്ന ചടങ്ങിലുണ്ടായിരുന്നു.
|
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
ഇന്ത്യയുടെ വ്യാവസായിക ഉത്പാദന സൂചിക (ഐ.ഐ.പി) ജനുവരിയിലും കാഴ്ചവച്ചത് നിരാശപ്പെടുത്തുന്ന പ്രകടനം. വെറും 1.3 ശതമാനമാണ് ജനുവരിയിലെ വളര്‍ച്ച. ഡിസംബറില്‍ ഇത് 0.7 ശതമാനമായിരുന്നു. ജനുവരിയില്‍ മാനുഫാക്ചറിംഗ് മേഖല 1.1 ശതമാനവും ഖനനം 2.8 ശതമാനവും വൈദ്യുതി 0.9 ശതമാനവും വളര്‍ച്ച രേഖപ്പെടുത്തി. കാപ്പിറ്റല്‍ ഗുഡ്‌സ് 1.4 ശതമാനവും കണ്‍സ്യൂമര്‍ ഡ്യൂറബിള്‍സ് 3.3 ശതമാനവും നെഗറ്റീവ് വളര്‍ച്ചയിലേക്ക് കൂപ്പുകുത്തി. കണ്‍സ്യൂമര്‍ നോണ്‍-ഡ്യൂറബിള്‍സ് വിഭാഗം 2.1 ശതമാനം വളര്‍ന്നു. ക്രൂഡോയില്‍ വിലക്കയറ്റം വരുംനാളുകളില്‍ ഐ.ഐ.പിക്ക് കൂടുതല്‍ തിരിച്ചടിയാകുമെന്നാണ് വിലയിരുത്തലുകള്‍. ഇന്ത്യയുടെ മൊത്ത ആഭ്യന്തര ഉത്പാദന (ജി.ഡി.പി) വളര്‍ച്ചയെയും കറന്റ് അക്കൗണ്ട് കമ്മിയെയും ഇത് സാരമായി ബാധിക്കും.
|
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
ബിബിന്‍ കൃഷ്ണ സംവിധാനം ചെയ്യുന്ന അനൂപ് മേനോന്‍ നായകനാകുന്ന 21 ഗ്രാംസ് എന്ന ത്രില്ലര്‍ ചിത്രം മാര്‍ച്ച് 18ന് ആണ് റിലീസ്. ബിബിന്‍ കൃഷ്ണ തന്നെയാണ് 21 ഗ്രാംസിന്റെ രചനയും നിര്‍വഹിച്ചിരിക്കുന്നത്. മര്‍ഡര്‍ മിസ്റ്ററി ഇന്‍വെസ്റ്റിഗേഷന്‍ ത്രില്ലര്‍ ആയി ഒരുക്കിയിരിക്കുന്ന ഈ ചിത്രത്തില്‍ അനൂപ് മേനോനെ കൂടാതെ ഒരു വലിയ താരനിര തന്നെ അണിനിരക്കുന്നുണ്ട്. ലിയോണ ലിഷോയ്, അനു മോഹന്‍, രണ്‍ജി പണിക്കര്‍, രഞ്ജിത്, ലെന, നന്ദു, ജീവ ജോസഫ്, മാനസ രാധാകൃഷ്ണന്‍, പ്രശാന്ത് അലക്സാണ്ടര്‍, മറീന മൈക്കിള്‍, ബിനീഷ് ബാസ്റ്റിന്‍ തുടങ്ങിയവരാണ് ചിത്രത്തില്‍ മറ്റ് പ്രധാന വേഷങ്ങള്‍ അവതരിപ്പിക്കുന്നത്. ഒരു കൊലപാതകക്കേസ് അന്വേഷിക്കാനെത്തുന്ന പൊലീസ് ഉദ്യോഗസ്ഥന്റെ വേഷത്തിലായിരിക്കും അനൂപ് മേനോന്‍ എത്തുക.
ഡ്യുക്കാട്ടി ലിമിറ്റഡ് എഡിഷന്‍ പാനിഗേല്‍ വി2 മാര്‍ച്ച് 16 ന് ഇന്ത്യയില്‍ അവതരിപ്പിക്കും എന്ന് റിപ്പോര്‍ട്ട്. വരാനിരിക്കുന്ന മോട്ടോര്‍സൈക്കിളിന്റെ ടീസറുകള്‍ കമ്പനി പുറത്തിറക്കി. ഇപ്പോള്‍, സ്റ്റാന്‍ഡേര്‍ഡ് പനിഗാലെ വി2 ന്റെ എക്സ്-ഷോറൂം വില 17.49 ലക്ഷം രൂപയാണ്. കൂടാതെ എല്ലാ ഫീച്ചറുകളും ലിവറിയും പരിമിതമായ ലഭ്യതയും ഉള്ളതിനാല്‍, സ്പെഷ്യല്‍ എഡിഷന്‍ മോഡലിന് സ്റ്റാന്‍ഡേര്‍ഡ് മോഡലിനേക്കാള്‍ പ്രീമിയം ചിലവാകും.
കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക. ഗ്രൂപ്പ്
