അപകടങ്ങൾ പതിവായിട്ടും കൊട്ടാരക്കര ദിണ്ടുക്കൽ ദേശീയപാതയിൽ വണ്ടിപ്പെരിയാറിന് സമീപം ഉരുകിയ ടാർ നീക്കം ചെയ്യാൻ നടപടിയായില്ല. കാൽനടയാത്ര പോലും ദുഷ്‌കരം.
Report: Anish Kanchiyar
വണ്ടിപ്പെരിയാർ 59ആം മൈലിന് സമീപമാണ് രണ്ടുമാസം മുമ്പ് എറണാകുളത്തു നിന്നും ടാർ കയറ്റി വന്ന ടാങ്കർ ലോറി മറിഞ്ഞത്.അപകടത്തെ തുടർന്ന് റോഡിലും പാതയോരത്തുമായി ടാർ ഒഴുകുകയും ചെയ്തു. എന്നാൽ വേനൽ കനത്തതോടെ ടാർ ഉരുകി റോഡിലൂടെ ഒഴുകുന്നതിനാൽ അപകടങ്ങൾ പതിവായിരിക്കുകയാണ്.
കഴിഞ്ഞ ദിവസം ഇരുചക്രവാഹനത്തിൽ വന്ന രണ്ടു പേർ അപകടത്തിൽ പെടുകയും ഇവരെ കോട്ടയം മെഡിക്കൽ കോളേജിൽ പ്രവേശിപ്പിക്കുകയും ചെയ്തിരുന്നു. അപകടത്തിൽ പെടുന്നത് കൂടുതലായും ഇരുചക്ര വാഹനങ്ങളാണ്.
ഇതിനിടയിൽ പീരുമേട് എം എൽ എ വാഴൂർ സോമൻ ദേശീയപാത അധികൃതർക്ക് ഉരുകിയ ടാർ നീക്കം ചെയ്ത് റോഡ് ഗതാഗത യോഗ്യമാക്കാൻ ആവശ്യപ്പെട്ടുകൊണ്ട് കത്തും നൽകിയതാണ്. എന്നാൽ ഇതുവരെ യാതൊരു നടപടിയും അധികൃതരുടെ ഭാഗത്തുനിന്നും ഉണ്ടായിട്ടില്ല. അതിനാൽ തന്നെ അപകടങ്ങൾ ഒഴിയാത്ത അവസ്ഥയിലാണ് ദേശീയപാതയിൽ.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
