കെ എസ് ആര് ടി സിയില് അഞ്ചാം തീയതി ശമ്പളം നല്കണമെന്ന് ആവശ്യപ്പെട്ട് തൊഴിലാളികള് ഇന്ന് അര്ധരാത്രി മുതല് 24 മണിക്കൂര് പണിമുടക്കും. പ്രതിപക്ഷ തൊഴിലാളി യൂണിയനുകളുടെ ആഭിമുഖ്യത്തിലാണ് പണിമുടക്ക്.
ശമ്പള പ്രതിസന്ധിയെ കുറിച്ച് ചര്ച്ച ചെയ്യാന് ഗതാഗത മന്ത്രി ആന്റണി രാജുവിന്റേ നേതൃത്വത്തില് ഇന്ന് നടന്ന ചര്ച്ച പരാജയപ്പെട്ടതിന് പിന്നാലെയാണ് പണിമുടക്ക്. എന്നാല് സി ഐ ടി യു അംഗങ്ങളായ തൊഴിലാളികള് പണിമുടക്കില് പങ്കെടുക്കുന്നില്ല. ശമ്പളം മുടക്കില്ലെന്ന് മന്ത്രി പലവട്ടം ഉറപ്പു തന്നതാണ്. എന്നാല് ഇതുവരെ ആ വാക്ക് പാലിക്കാന് ഗതാഗത മന്ത്രിക്കൊ, കെ എസ് ആര് ടി സി മാനേജ്മെന്റിനോ കഴിഞ്ഞിട്ടില്ല. തങ്ങളെ ഏറ്റവും കൂടുതല് വേദനിപ്പിച്ച മാസം കഴിഞ്ഞ മാസമായിരുന്നു. ഈ രാജ്യത്തെ എല്ലാവരും ഈസ്റ്ററും വിഷുവും ആഘോഷിച്ചപ്പോള് കെ എസ് ആര് ടി സി ജീവനക്കാര് പട്ടിണി കിടന്നു. സര്ക്കാര് വിചാരിച്ചിരുന്നെങ്കില് തങ്ങളുടെ പട്ടിണി ഒഴിവാക്കാമായിരുന്നു. അതുണ്ടായില്ലെന്ന് തൊഴിലാളി നേതാക്കള് പറഞ്ഞു. പണിമുടക്ക് സംബന്ധിച്ച് 18 ദിവസം മുമ്പ് നോട്ടീസ് നല്കിയിരുന്നെന്നും തൊഴിലാളി നേതാക്കള് പറഞ്ഞു.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
