ഇടുക്കി തൂക്കുപാലത്ത് സ്പെയര്‍പാര്‍ട്സ് കടയ്ക്ക് തീ പിടിച്ചു; സ്ഥാപനം പൂര്‍ണ്ണമായി കത്തി നശിച്ചു.

നെടുങ്കണ്ടത്തിന് സമീപം തൂക്കുപാലത്ത് സ്പെയര്‍പാര്‍ട്സ് കടയ്ക്ക് തീപിടിച്ചു. തൂക്കുപാലം അര്‍പ്പണ ജംഗ്ഷനില്‍ പ്രവര്‍ത്തിക്കുന്ന കടയ്ക്ക് ഇന്ന് പുലര്‍ച്ചെയാണ് തീപിടുത്തമുണ്ടായത്. കട പൂര്‍ണ്ണമായും അഗ്നിക്കിരയായി. 10 ലക്ഷം രൂപയുടെ നാശനഷ്ടം ഉണ്ടായതായാണ് കടയുടമ വ്യക്തമാക്കുന്നത്.

Also Read:  അടിമാലിയിൽ ആദിവാസി വീട്ടമ്മയുടെ മരണത്തിൽ ദുരൂഹത; കൊലക്കേസ് പ്രതി നിരീക്ഷണത്തിൽ.

 നെടുങ്കണ്ടത്ത് നിന്നും ഫയര്‍ഫോഴ്സ് യൂണിറ്റ് സംഭവ സ്ഥലത്തെത്തി തീ അണച്ചെങ്കിലും സ്ഥാപനം പൂർണ്ണമായും കത്തി നശിച്ചു. ഷോര്‍ട്ട് സര്‍ക്യൂട്ട് ആവാം തീപിടുത്തത്തിന് കാരണമെന്നാണ് പ്രാഥമിക നിഗമനം. ഓയില്‍ ഉള്‍പ്പെടെയുള്ള തീ പിടിക്കുന്ന വസ്തുക്കള്‍ കടയ്ക്കുള്ളില്‍ ഉണ്ടായിരുന്നു. ആശുപത്രി, വ്യാപാര സ്ഥാപനങ്ങൾ, വീടുകൾ എന്നിവയെല്ലാം ഉള്ള മേഖലയിലാണ് കട പ്രവർത്തിച്ചിരുന്നത്. തലനാരിഴയ്ക്കാണ് വൻ ദുരന്തം ഒഴിവായത്.

കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക.ക്ലിക്ക്