പാതയില് ലാക്കാട് ഭാഗത്തായി ടോള് ബൂത്ത് സ്ഥാപിച്ചിട്ടുണ്ട്. ടോള് ബൂത്ത് പ്രവര്ത്തനസജ്ജമാകുന്നതോടെ ഇടുക്കി ജില്ലയിലെ ഏക ടോള് പാത ഇതാകും. തേയിലത്തോട്ടങ്ങള്ക്കിടയിലൂടെ ഉന്നത നിലവാരത്തിലുള്ള റോഡിലൂടെയുള്ള യാത്ര മനോഹരമായിരിക്കും. ആനയിറങ്കല് അണക്കെട്ട്, പെരിയകനാല് വെള്ളച്ചാട്ടം, ഗ്യാപ് റോഡ്ലാക്കാട് വ്യൂ പോയിന്റ് തുടങ്ങിയ കാഴ്ചകള് കണ്ടുകൊണ്ട് സുഖകരമായി യാത്രചെയ്യാം.
മൂന്നാര് മുതല് ബോഡിമെട്ടുവരെ തീരെ ഇടുങ്ങിയ റോഡായിരുന്നു. നാല് മീറ്റര് മാത്രമായിരുന്നു വീതി, തമിഴ്നാട്ടില്നിന്ന് റോഡ് മാര്ഗം മൂന്നാറില് എത്തുന്നവര്ക്ക് ഇതുവഴിയുള്ള യാത്ര വലിയ ബുദ്ധിമുട്ടാണ് ഉണ്ടാക്കിയിരുന്നത്. ദേവികുളം ഗ്യാപ് റോഡിന്റെ ഭാഗത്ത് മണ്ണിടിഞ്ഞ് മാസങ്ങളോളം അപകടം ഉണ്ടാകുന്നത് പതിവായിരുന്നു. വിനോദസഞ്ചാരികളാണ് ഏറെ ബുദ്ധിമുട്ടിയിരുന്നത്. ഇതേത്തുടർന്ന് ദേശീയപാതാ വികസനത്തിന്റെ ഭാഗമായി 2017 സെപ്റ്റംബറില് ഈ ഭാഗത്തിന്റെ നവീകരണം ആരംഭിച്ചു. 42 കിലോമീറ്റര് ദൂരത്തിലെ പണികള്ക്കായി 381.76 കോടി രൂപ അനുവദിച്ചു. 15 മീറ്ററായി റോഡിന്റെ വീതി വര്ധിപ്പിക്കുകയായിരുന്നു ലക്ഷ്യം.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക.ക്ലിക്ക്.
