ഇടുക്കി വാത്തിക്കുടിയ്ക്ക് സമീപം കോടയും, വാറ്റ് ചാരായവും, വാറ്റ് ഉപകരണങ്ങളും പിടികൂടി; പ്രതി ഓടി രക്ഷപെട്ടു. സമാനമായ മറ്റൊരു കേസിൽ 3 ലിറ്റര്‍ വാറ്റ് ചാരായവുമായി ഒരാൾ പിടിയിൽ.

ഇടുക്കി വാത്തിക്കുടിയ്ക്ക് സമീപം മേലേചിന്നാറിൽ നിന്നും കോടയും, വാറ്റ് ചാരായവും, വാറ്റ് ഉപകരണങ്ങളും പിടികൂടി. പ്രതി വാത്തിക്കുടി സ്വദേശി തേക്കുങ്കല്‍ ജയേഷ് ടി.ആര്‍ ഓടി രക്ഷപെട്ടു. പ്രതിയുടെ പുരയിടത്തിലെ താൽക്കാലിക ഷെഡിനുള്ളിലെ ഭൂഗർഭ അറയിൽ നിന്നും 50 ലിറ്റർ ചാരായവും, 600 ലിറ്റർ കോടയും, വാറ്റുപകരണങ്ങളും എക്സൈസ് കണ്ടെടുക്കുകയായിരുന്നു. 

Also Read:  കൺസ്യൂമർഫെഡ് ഓണച്ചന്ത 19 മുതൽ; സംസ്ഥാന വ്യാപകമായി 1500 ഓണച്ചന്തകൾ, വൻ വിലക്കുറവ്.

സമാനമായ മറ്റൊരു കേസിൽ മേലേചിന്നാർ ഭാഗത്ത് നിന്നും മൂന്ന് ലിറ്റർ വാറ്റുചാരായവുമായി ഒരാൾ പിടിയിലായി. ഇടുക്കി കനകക്കുന്ന് സ്വദേശി കടുത്തറയ്ക്കല്‍ ജെല്‍ബിന്‍ കുര്യാക്കോസാണ് പിടിയിലായത്. ഓണം സ്പെഷ്യൽ ഡ്രൈവിന്റെ ഭാഗമായി അടിമാലി നാര്‍ക്കോട്ടിക് എന്‍ഫോഴ്‌സ്‌മെന്റ് സ്‌ക്വാഡ് മുരിക്കാശ്ശേരി,വാത്തിക്കുടി മേഖലകളിൽ നടത്തിയ പരിശോധനയിലാണ് കേസുകൾ രജിസ്റ്റർ ചെയ്തത്. 

കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക.ക്ലിക്ക്.