നെടുങ്കണ്ടത്തിന് സമീപം തൂവൽ വെള്ളച്ചാട്ടത്തിൽ യുവാവിനെയും പ്രായപൂർത്തിയാവാത്ത പെൺകുട്ടിയെയും ദുരൂഹ സാഹചര്യത്തിൽ മുങ്ങിമരിച്ച നിലയിൽ കണ്ടെത്തി. നെടുങ്കണ്ടം സ്വദേശി കളായ16 വയസുകാരിയും 19 വയസുകാരനുമാണ് മരിച്ചത്.
ശനിയാഴ്ച രാത്രി വെള്ളച്ചാട്ടത്തിന് സമീപത്തു നിന്നും ചെരിപ്പുകൾ കണ്ടതോടെയാണ് നാട്ടുകാർക്ക് സംശയം തോന്നിയത്. സമീപത്തു നിന്നും ഇവർ എത്തിയെന്ന് കരുതുന്ന ബൈക്കും കണ്ടെത്തി. തുടർന്ന് നാട്ടുകാരും പൊലീസും അഗ്നിശമന സേനയും മണിക്കൂറുകളോളം നടത്തിയ തിരച്ചിലിൽ ഇരുവരുടെയും മൃതദേഹം കണ്ടെത്തുകയായിരുന്നു. മൃതദേഹങ്ങൾ നെടുങ്കണ്ടം താലൂക്ക് ആശുപത്രിയിലേക്ക് മാറ്റി. സംഭവത്തിൽ പോലീസ് നടപടികൾ സ്വീകരിച്ച് വരുന്നു.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക.ക്ലിക്ക്
