മൂന്നുവർഷം മുൻപാണ് ഫാദർ കുര്യാക്കോസ് മറ്റം മങ്കുവ സെൻതോമസ് ദേവാലയത്തിലെ ഇടവക വികാരിയായി എത്തുന്നത്. വരുന്നവർഷം ഇടവക ഭരണങ്ങളിൽ നിന്ന് വിരമിക്കുന്ന ഫാദർ കുര്യാക്കോസ് മറ്റം നാലുദിവസം മുൻപാണ് ന്യൂനപക്ഷമോർച്ച ജില്ലാ ജനറൽ സെക്രട്ടറി അനിൽ ദേവസ്യ ന്യൂനപക്ഷമോർച്ച മണ്ഡലം ജനറൽ സെക്രട്ടറി പോളി എന്നിവരിൽ നിന്നും ബിജെപിയുടെ പ്രാഥമിക അംഗത്വം സ്വീകരിക്കുന്നത് തുടർന്ന് ബിജെപി ഇടുക്കി ജില്ല പ്രസിഡൻറ് കെ എസ് അജി മങ്കുവയിലെത്തി വൈദികനെ ഷാൾ അണിയിച്ച പാർട്ടിയിലേക്ക് സ്വീകരിച്ചു. സംസ്ഥാനത്തെ ബിജെപിയുടെ ചരിത്രത്തിൽ ആദ്യമായാണ് ഒരു വൈദികൻ ബിജെപിയിൽ പ്രാഥമിക അംഗത്വം നേടുന്നത്.
ക്രൈസ്തവർക്ക് ചേരാൻ പറ്റാത്ത ഒരു പാർട്ടിയാണ് ബിജെപിയെന്ന് കരുതുന്നില്ല എന്ന് സ്വീകരണങ്ങൾക്ക് ശേഷം ഫാദർ കുര്യാക്കോസ് മറ്റം പറഞ്ഞു. 40 വർഷങ്ങൾക്കു മുൻപ് സിപിഎം നയിച്ച ജാഥക്ക് നൽകിയ സ്വീകരണ യോഗത്തിലും തനിക്ക് പങ്കെടുത്ത് അധ്യക്ഷനാകാൻ കഴിഞ്ഞിട്ടുണ്ട് എന്നും ഫാ.കുര്യാക്കോസ് മറ്റം കൂട്ടിച്ചേർത്തു. അതേസമയം കത്തോലിക്കാ സഭയിലെ വൈദികർക്ക് പാർട്ടിയിൽ അംഗത്വം സ്വീകരിച്ച് പ്രവർത്തിക്കുന്നതിന് അധികാരമില്ല എന്നും ഫാദർ കുര്യാക്കോസ് മറ്റത്തിനെതിരെ നടപടി ഉണ്ടാകും എന്നുമാണ് രൂപത വൃത്തങ്ങൾ നൽകുന്ന വിവരം. ബിജെപി ഇടുക്കി മണ്ഡലം പ്രസിഡണ്ട് സുരേഷ് എസ് മീനത്തേരിയിൽ ഇടുക്കി മണ്ഡലം ജനറൽ സെക്രട്ടറി നോബി ഇ എഫ് ,സോജൻ പാണം കുന്നേൽ, സുധൻ പള്ളിവിളാകത്ത് സുരേഷ് തെക്കേക്കൂറ്റ് എന്നിവരും ബിജെപി ജില്ലാ പ്രസിഡന്റിനൊപ്പം എത്തിയിരുന്നു.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക.ക്ലിക്ക്.
