ഇടുക്കി പൂപ്പാറയില് പതിനാറുകാരിയെ കൂട്ടബലാത്സംഗം ചെയ്ത കേസില് മൂന്നുപേര് കുറ്റക്കാരെന്ന് കോടതി. ഇടുക്കി പൂപ്പാറയില് പതിനാറുകാരിയെ കൂട്ടബലാത്സംഗം ചെയ്ത കേസില് മൂന്നുപേര് കുറ്റക്കാരെന്ന് കോടതി. പ്രതികളായ സുഗന്ധ്, ശിവകുമാര്, ശ്യാം എന്നിവര് കുറ്റക്കാരാണെന്ന് കോടതി വിധിച്ചു.
ദേവികുളം ഒന്നാം ക്ലാസ് ജുഡീഷ്യല് മജിസ്ട്രേറ്റ് കോടതിയുടേതാണ് വിധി. പ്രതികള്ക്കുള്ള ശിക്ഷ കോടതി നാളെ വിധിക്കും. മെയ് 29ന് വൈകിട്ടാണ് പശ്ചിമ ബംഗാള് സ്വദേശിയായ പെണ്കുട്ടിയെ പൂപ്പാറയിലെ തേയിലത്തോട്ടത്തില് വച്ച് പ്രതികള് കൂട്ട ബലാത്സംഗം ചെയ്തത്. രാജകുമാരി ഖജനാപ്പാറയിലെ തേയിലത്തോട്ടത്തിലെ തൊഴിലാളികളുടെ മകളാണ് ക്രൂരപീഡനത്തിന് ഇരയായത്.
2022ലായിരുന്നു കേസിന്നാസ്പദമായ സംഭവം. ആൺസുഹൃത്തിനൊപ്പം തേയില തോട്ടത്തിൽ ഇരിക്കവെയാണ് പെണ്കുട്ടിയെ ഒരു സംഘം ചേർന്ന് ആക്രമിച്ചത്. പതിനാറുകാരി ബഹളം വെച്ചതോടെ പ്രതികൾ ഓടി രക്ഷപ്പെട്ടു. തുടർന്ന് ശാന്തൻപാറ പൊലീസ് നടത്തിയ അന്വേഷണത്തിലാണ് പ്രതികൾ പിടിയിലായത്.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക.ക്ലിക്ക്.
