ഇരട്ടി ടോൾ മാത്രമല്ല; നാളെ മുതൽ ഫാസ്‍ടാഗ് നിയമങ്ങൾ അടിമുടി മാറുന്നു! ഡ്രൈവർമാർ ജാഗ്രത

ഹൈവേകളിലോ എക്സ്പ്രസ് വേകളിലോ വാഹനമോടിക്കുന്ന ആളുകൾക്ക് ഒരു വലിയ വാർത്തയുണ്ട്. രാജ്യത്തെ ഫാസ്‍ടാഗ് നിയമങ്ങൾ നാളെ മുതൽ അടിമുടി മാറുന്നു. നാഷണൽ പേയ്‌മെന്റ്സ് കോർപ്പറേഷൻ ഓഫ് ഇന്ത്യ അടുത്തിടെ ഒരു സർക്കുലർ പുറത്തിറക്കി, അതിൽ പുതിയ ഫാസ്‌ടാഗ് നിയമത്തെക്കുറിച്ചുള്ള വിവരങ്ങൾ നൽകിയിട്ടുണ്ട്. ഫാസ്റ്റാഗ് ബാലൻസ് വാലിഡേഷൻ നിയമങ്ങളിൽ എൻ‌പി‌സി‌ഐ വലിയ മാറ്റം വരുത്തി. ഈ മാറ്റം ഫാസ്റ്റാഗ് ഇൻസ്റ്റാൾ ചെയ്തിട്ടുള്ള കാറിലെ എല്ലാ ഉപയോക്താക്കളെയും ബാധിക്കും. പുതിയ നിയമം നിങ്ങളെ എങ്ങനെ ബാധിക്കുമെന്ന് അറിയേണ്ടത് വളരെ പ്രധാനമാണ്.

നാഷണൽ പേയ്‌മെന്റ്സ് കോർപ്പറേഷൻ ഓഫ് ഇന്ത്യ പുറപ്പെടുവിച്ച സർക്കുലർ അനുസരിച്ച്, ഫാസ്ടാഗുമായി ബന്ധപ്പെട്ട പുതിയ നിയമം 2025 ഫെബ്രുവരി 17 മുതൽ പ്രാബല്യത്തിൽ വരും. ഫാസ്ടാഗുമായി ബന്ധപ്പെട്ട പുതിയ നിയമങ്ങൾ നിങ്ങൾ അവഗണിക്കുകയാണെങ്കിൽ, നിങ്ങൾക്ക് 176 എന്ന കോഡ് നേരിടേണ്ടി വന്നേക്കാം, ലളിതമായ ഭാഷയിൽ കോഡ് 176 എന്നാൽ ഫാസ്ടാഗ് വഴിയുള്ള പണമടയ്ക്കലിൽ നിരസിക്കൽ അല്ലെങ്കിൽ പിശക് എന്നാണ് അർത്ഥമാക്കുന്നത്.

പുതിയ ഫാസ്‌ടാഗ് നിയമം

ഫാസ്‌ടാഗ് സ്‍കാൻ ചെയ്യുന്നതിന് 60 മിനിറ്റ് മുമ്പ് ഫാസ്‌ടാഗ് ബ്ലാക്ക്‌ലിസ്റ്റ് ചെയ്യുകയോ, ഹോട്ട്‌ലിസ്റ്റിൽ വെക്കുകയോ, അല്ലെങ്കിൽ ടോൾ ബൂത്തിൽ എത്തുന്നതിന് ഒരു മണിക്കൂറിൽ കൂടുതൽ കുറഞ്ഞ ബാലൻസ് ഉണ്ടാവുകയോ ചെയ്താൽ, ഇടപാട് നിരസിക്കപ്പെടും. അതുപോലെ ഫാസ്‌ടാഗ് സ്കാൻ ചെയ്ത് 10 മിനിറ്റിനു ശേഷം ടാഗ് ബ്ലാക്ക്‌ലിസ്റ്റ് ചെയ്യുകയോ പ്രവർത്തനരഹിതമാവുകയോ ചെയ്താൽ, ഇടപാട് വീണ്ടും നിരസിക്കപ്പെടും. ഈ രണ്ട് ഘട്ടങ്ങളിലും ഫാസ്‍ടാഗ് ഉടമകളിൽ നിന്ന് പിഴയായി ഇരട്ടി ടോൾ ഈടാക്കും.

ടോൾ നികുതി ഇരട്ടിയാക്കും.

ഈ സാഹചര്യത്തിൽ, ടോൾ പ്ലാസയിൽ പണമടയ്ക്കൽ നിരസിക്കപ്പെട്ടാൽ നിങ്ങൾ ഇരട്ടി ടോൾ നൽകേണ്ടിവരും. ഇരട്ടി ടോൾ നൽകുന്നത് ഒഴിവാക്കാൻ, വീട്ടിൽ നിന്ന് പുറപ്പെടുന്നതിന് മുമ്പ് നിങ്ങളുടെ ഫാസ്റ്റാഗ് റീചാർജ് ചെയ്യുക, കൂടാതെ നിങ്ങളുടെ ഫാസ്റ്റാഗ് കരിമ്പട്ടികയിൽ പെടുത്തിയിട്ടില്ലെന്ന് ഉറപ്പാക്കുക.

ഫാസ്‌ടാഗ് ബ്ലാക്ക്‌ലിസ്റ്റ് എന്താണ്?

ഫാസ്ടാഗിനെ ബ്ലാക്ക്‌ലിസ്റ്റ് ചെയ്യുക എന്നാൽ നിങ്ങളുടെ കാർഡ് സസ്പെൻഡ് ചെയ്യുകയോ നിർജ്ജീവമാക്കുകയോ ചെയ്യുക എന്നാണ്. ഫാസ്‍ടാഗ് കരിമ്പട്ടികയിൽ പെടുത്തുന്നതിന് നിരവധി കാരണങ്ങളുണ്ടാകാം. ഇതിൽ ഏറ്റവും വലുതും പ്രധാനവുമായ കാരണം കുറഞ്ഞ ബാലൻസ് ആണ്. ഒപ്പം കെവൈസി (KYC) വെരിഫിക്കേഷൻ പൂർത്തിയാക്കാതിരിക്കുക, വാഹനവുമായി ബന്ധപ്പെട്ട പരിഹരിക്കപ്പെടാത്ത നിയമപരമായ പ്രശ്‍നങ്ങൾ തുടങ്ങിയ കാരണങ്ങളും ബ്ലാക്ക് ലിസ്റ്റിലേക്ക് നയിച്ചേക്കാം. ഈ പ്രശ്‍നങ്ങൾ പരിഹരിക്കുന്നത് വരെ, ബ്ലാക്ക്‌ലിസ്റ്റ് ചെയ്ത ടാഗ് ടോൾ ബൂത്തുകളിൽ ഉപയോഗിക്കാൻ കഴിയില്ല.

ശ്രദ്ധിക്കേണ്ട പ്രധാന കാര്യങ്ങൾ 

ഫാസ്‌റ്റാഗ് ബ്ലാക്ക്‌ലിസ്റ്റ് ചെയ്തിട്ടുണ്ടെങ്കിൽ, അവസാന നിമിഷത്തെ റീചാർജുകൾ ഇനി നടക്കില്ല. ടോൾ പ്ലാസയിൽ എത്തുന്നതിന് 60 മിനിറ്റ് മുൻപ് ഫാസ്‍ടാഗ് മോശം അവസ്ഥയിൽ (ബ്ലാക്ക്‌ലിസ്റ്റ്/കുറഞ്ഞ ബാലൻസ്) ആയിരിക്കുകയും, 10 മിനിറ്റിനു ശേഷവും അതേ അവസ്ഥയിൽ തുടരുകയാണെങ്കിൽ ടോൾ ഈടാക്കില്ല.

മുമ്പ്, ടോൾ ബൂത്തിൽ ഫാസ്‌റ്റാഗ് റീചാർജ് ചെയ്ത് കടന്നുപോകാമായിരുന്നു. എന്നാൽ ഇനിമുതൽ, ഫാസ്‌റ്റാഗ് ഉടമകൾ അവരുടെ ഫാസ്‌ടാഗിന്റെ സ്റ്റാറ്റസ് മുൻകൂട്ടി പരിശോധിക്കണം. ആവശ്യത്തിന് ബാലൻസ് നിലനിർത്തുകയും, കെവൈസി വിവരങ്ങൾ കൃത്യമായി നൽകിയിട്ടുണ്ടെന്ന് ഉറപ്പാക്കുകയും ചെയ്യുക. യാത്ര ചെയ്യുമ്പോൾ ഉണ്ടാകാവുന്ന ബുദ്ധിമുട്ടുകൾ ഒഴിവാക്കാൻ ഇത് സഹായിക്കും.

ഫാസ്റ്റ്ടാഗ് നില എങ്ങനെ പരിശോധിക്കാം?

യാത്ര തുടങ്ങുന്നതിന് മുമ്പ് നിങ്ങളുടെ ഫാസ്ടാഗ് സജീവമാണെന്ന് ഉറപ്പാക്കുക. അതിന്റെ നില നിരീക്ഷിക്കാൻ ഫാസ്ടാഗ് കസ്റ്റമർ പോർട്ടൽ ഉപയോഗിക്കാം.

നിങ്ങളുടെ ടാഗ് സജീവമാണോ, പ്രവർത്തനരഹിതമാണോ, തടസ്സപ്പെടുത്തിയിരിക്കുകയാണോ എന്നറിയാൻ, ഔദ്യോഗിക പോർട്ടലിൽ (https://www(dot)npci(dot)org(dot)in/what-we-do/netc-fastag/check-your-netc-fastag-status) ലോഗിൻ ചെയ്യുക.

എസ്എംഎസ് അലേർട്ടുകൾ: ബാലൻസ് കുറവാണെങ്കിൽ അല്ലെങ്കിൽ നെഗറ്റീവ് ആണെങ്കിൽ എസ്എംഎസ് അയയ്ക്കും.

കരമ്പട്ടിക എങ്ങനെ അറിയാം?

ഗതാഗത വകുപ്പിന്റെ ഔദ്യോഗിക വെബ്സൈറ്റ് സന്ദർശിക്കുക. ഇവിടെ നിങ്ങൾ "ഇ-ചലാൻ സ്റ്റാറ്റസ് പരിശോധിക്കുക" അല്ലെങ്കിൽ സമാനമായ ഓപ്ഷൻ തിരഞ്ഞെടുക്കണം. തുടർന്ന് നിങ്ങളുടെ വാഹന രജിസ്ട്രേഷൻ നമ്പർ നൽകുക. ഇതുവഴി നിങ്ങളുടെ വാഹനം കരിമ്പട്ടികയിൽ പെടുത്തിയിട്ടുണ്ടോ ഇല്ലയോ എന്ന് നിങ്ങൾക്ക് അറിയാൻ കഴിയും. ഫാസ്‍ടാഗ് അൺബ്ലോക്ക് ചെയ്യാൻ, ആദ്യം  ഫാസ്‍ടാഗ്  റീചാർജ് ചെയ്യുക. ഇതിനുശേഷം മിനിമം ബാലൻസ് നിലനിർത്തുക. തുടർന്ന് പേയ്‌മെന്റ് സ്ഥിരീകരിക്കുക. ഇതിനുശേഷം ഫാസ്ടാഗിന്റെ നില അറിയാം. കുറച്ച് സമയത്തിനുള്ളിൽ ഫാസ്ടാഗ് സജീവമാകും.

ബ്ലാക്ക്‌ലിസ്റ്റ് ചെയ്ത ഫാസ്ടാഗ് എങ്ങനെ അൺബ്ലോക്ക് ചെയ്യാം?

ഫാസ്ടാഗ് അൺബ്ലോക്ക് ചെയ്യാൻ ആദ്യം ഫാസ്ടാഗ് അക്കൗണ്ടിൽ കുറഞ്ഞ തുകയെങ്കിലും റീചാർജ് ചെയ്യുക. പണം ചേർത്തുകഴിഞ്ഞാൽ ഫാസ്ടാഗിന്റെ സ്റ്റാറ്റസ് എന്താണെന്ന് ഒന്ന് പരിശോധിക്കുക. പെയ്‌മെന്റ് ശരിയായിട്ടുണ്ടോ എന്നും ഉറപ്പുവരുത്തുക. റീചാർജ് ചെയ്തുകഴിഞ്ഞാൽ ചിലപ്പോൾ ഫാസ്‍ടാഗ് ശരിയായി പ്രവർത്തിക്കാൻ  കുറച്ചു സമയം എടുത്തേക്കാം. അതുവരെ കാത്തിരിക്കുക.

എല്ലാ ബാങ്കുകളിൽ നിന്നും ഫാസ്‍ടാഗ് ലഭ്യമാണ്

ഒരു വാഹനത്തിൽ  ഫാസ്‍ടാഗ് ഇൻസ്റ്റാൾ ചെയ്തുകഴിഞ്ഞാൽ, അത് മറ്റൊരു വാഹനത്തിലേക്ക് മാറ്റാൻ കഴിയില്ല. ഏത് ബാങ്കിൽ നിന്നും ടാഗ് വാങ്ങാം. ഇത് നാഷണൽ ഇലക്ട്രോണിക് ടോൾ കളക്ഷൻ (NETC) സിസ്റ്റത്തിന്റെ ഭാഗമാണ്. ഫാസ്ടാഗ് ഒരു പ്രീപെയ്ഡ് അക്കൗണ്ടുമായി ലിങ്ക് ചെയ്തിട്ടുണ്ടെങ്കിൽ, ബാക്കി തുക തീർന്നു കഴിഞ്ഞാൽ ഡ്രൈവർ അക്കൗണ്ട് റീചാർജ് ചെയ്യേണ്ടിവരും. ഏത് ടോൾ പ്ലാസയിലും ഡ്രൈവർമാർക്ക് അവരുടെ ഫാസ്റ്റ് ടാഗ് ഉപയോഗിക്കാൻ കഴിയുന്ന തരത്തിലാണ് ഫാസ്റ്റ് ടാഗ് രൂപകൽപ്പന ചെയ്തിരിക്കുന്നത്.