കണ്ണൂര് കായലോട്ടെ യുവതിയുടെ ആത്മഹത്യയില് മൂന്ന് എസ്ഡിപിഐ പ്രവര്ത്തകര് അറസ്റ്റില്. കായലോട് പറമ്പായിയിലെ റസീനയുടെ ആത്മഹത്യയിലാണ് അറസ്റ്റ്. ആത്മഹത്യാക്കുറിപ്പില് നിന്ന് ലഭിച്ച വിവരങ്ങളുടെ അടിസ്ഥാനത്തിലാണ് മൂന്നുപേരുടേയും അറസ്റ്റ് രേഖപ്പെടുത്തിയിരിക്കുന്നത്. മമ്പറം സ്വദേശി റഫ്നാസ്,മുബഷീര്,ഫൈസല് എന്നിവരാണ് അറസ്റ്റിലായിരിക്കുന്നത്.
റസീന സുഹൃത്തായ യുവാവിനൊപ്പം കാറില് സഞ്ചരിച്ചതും സംസാരിച്ചതും പ്രതികള് ചോദ്യം ചെയ്തതാണ് ആത്മഹത്യയ്ക്ക് വഴിവച്ചതെന്നാണ് പൊലീസിന്റെ പ്രാഥമിക നിഗമനം. റസീനയുടെ സുഹൃത്തിനെ പ്രതികള് മാറ്റിനിര്ത്തി വിചാരണം ചെയ്യുകയും മര്ദിച്ചെന്നും ആത്മഹത്യാക്കുറിപ്പില് നിന്ന് വ്യക്തമാകുന്നുണ്ട്.
17-ാം തിയകിയാണ് റസീനയെ കിടപ്പുമുറിയില് തൂങ്ങിമരിച്ച നിലയില് കണ്ടെത്തിയത്. മൂന്ന് പേരുടേയും ചോദ്യം ചെയ്യലില് തനിക്കുണ്ടായ മനോവിഷയം റസീന കൃത്യമായി ആത്മഹത്യാക്കുറിപ്പില് പരാമര്ശിച്ചിട്ടുണ്ട്. പിന്നീട് റസീനയുടെ കുടുംബം പിണറായി പൊലീസ് സ്റ്റേഷനില് പരാതി നല്കുകയായിരുന്നു.
ആത്മഹത്യ ഒന്നിനും പരിഹാരമല്ല. അതിജീവിക്കാന് ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള് ‘ദിശ’ ഹെല്പ് ലൈനില് വിളിക്കുക. ടോള് ഫ്രീ നമ്പര്: Toll free helpline number: 1056, 0471-2552056
