വി ഡി സതീശന് സര്ക്കാരില് ഇനി 13-ാം നമ്പര് കാറില്ല. മന്ത്രിമാര് ആരും വേണ്ടെന്ന് പറഞ്ഞതോടെ ഈ കാര് ടൂറിസം വകുപ്പ് ഒഴിവാക്കി. ഉമ്മന് ചാണ്ടി സര്ക്കാരിലും 13ാം നമ്പര് ആരും ഉപയോഗിച്ചിരുന്നില്ല. എന്നാല് രണ്ട് പിണറായി വിജയന് സര്ക്കാരിന്റെയും വി എസ് അച്യുതാനന്ദന് സര്ക്കാരിന്റെയും കാലത്ത് മന്ത്രിമാര് 13-ാം നമ്പര് കാര് ചോദിച്ച് വാങ്ങുകയായിരുന്നു.
കഴിഞ്ഞ സര്ക്കാരില് കൃഷി വകുപ്പ് മന്ത്രി പി പ്രസാദാണ് 13-ാം നമ്പര് ഉപയോഗിച്ചത്. ഒന്നാം പിണറായി സര്ക്കാരില് ധനവകുപ്പ് മന്ത്രിയായിരുന്ന തോമസ് ഐസകും 2006ലെ വി എസ് അച്യുതാനന്ദന് സര്ക്കാരില് അന്ന് വിദ്യാഭ്യാസ മന്ത്രായായിരുന്ന എം എ ബേബിയും 13-ാം നമ്പര് തന്നെ ഉപയോഗിച്ചു. അശുഭകരമായ നമ്പറെന്ന അന്ധവിശ്വാസം 13-ാം നമ്പറിന് പിന്നിലുണ്ട്.
അതേസമയം പി കെ കുഞ്ഞാലിക്കുട്ടിക്ക് രണ്ടാം നമ്പര് കാറാണ് നല്കിയിരിക്കുന്നത്. രമേശ് ചെന്നിത്തല ഒമ്പതാം നമ്പര് കാര് ഉപയോഗിക്കും. രമേശ് ചെന്നിത്തല ചോദിച്ചുവാങ്ങിയതാണ് ഒമ്പതാം നമ്പര്. ഷിബു ബേബി ജോണിന് 51-ാം നമ്പര് കാറും അനുവദിച്ചു. മന്ത്രിമാര് ആവശ്യപ്പെടുന്ന നമ്പര് നല്കുന്നതാണ് പൊതുവേയുള്ള രീതി.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക...👉👉👉...ക്ലിക്ക്.
.jpeg)
