ഇടുക്കി ഗവൺമെന്റ് മെഡിക്കൽ കോളേജിൽ ജൂലൈ ഒന്നുമുതൽ അടിയന്തര ശസ്ത്രക്രിയകൾ മാത്രമേ ഉണ്ടായിരിക്കുകയുള്ളൂ എന്ന് അധികൃതർ അറിയിച്ചു. മെഡിക്കൽ കോളേജിലെ പഴയ ബിൽഡിംഗിലുള്ള പോസ്റ്റ് ഓപ്പറേറ്റീവ് വാർഡിലെ ടോയ്ലറ്റിന്റെ അറ്റകുറ്റപ്പണികൾ നടക്കുന്നതിനാലാണ് ശസ്ത്രക്രിയകൾ പരിമിതപ്പെടുത്തിയത്. അറ്റകുറ്റപ്പണികൾ പൂർത്തിയാകുന്നതുവരെ ഈ നിയന്ത്രണം തുടരും.
കൂടാതെ, പഴയ ബിൽഡിംഗിലെ ഒന്നാം നിലയിലുള്ള ഗൈനക്കോളജി വിഭാഗം നവീകരിക്കുന്നതിന്റെ ഭാഗമായി, പേ വാർഡ് സേവനങ്ങളും ജൂലൈ ഒന്നു മുതൽ താൽക്കാലികമായി നിർത്തിവെക്കും. രോഗികളും കൂട്ടിരിപ്പുകാരും ഈ വിവരങ്ങൾ ശ്രദ്ധിക്കണമെന്ന് അധികൃതർ നിർദ്ദേശിച്ചു. കൂടുതൽ വിവരങ്ങൾക്ക് 04862 232474 എന്ന നമ്പറിൽ ബന്ധപ്പെടാവുന്നതാണ്.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക...👉👉👉...ക്ലിക്ക്.
.jpeg)
