അധ്യാപികമാര് പ്രതികളായ കോഴിക്കോട് വകടര എംഡിഎംഎ കേസിലെ അന്വേഷണ ഉദ്യോഗസ്ഥന് സ്ഥലംമാറ്റം. വടകര സിഐ എ.വി. ദിനേശിനെയാണ് സ്ഥലം മാറ്റിയത്. കണ്ണൂര് സര്ക്കിളിലേക്കാണ് സ്ഥലം മാറ്റം. കേസില് അന്വേഷണം നിര്ണായകമായ ഘട്ടത്തില് എത്തി നില്ക്കവേയാണ് അന്വേഷണ ഉദ്യോഗസ്ഥനെ സ്ഥലം മാറ്റിയത്. സ്വാഭാവിക നടപടിക്രമങ്ങളുടെ ഭാഗമായാണ് സ്ഥലംമാറ്റമെന്നാണ് പ്രാഥമികമായി ലഭിക്കുന്ന വിവരം.
കേസിലെ ഡിജിറ്റല് തെളിവുകള് പൂര്ണ്ണമായി ശേഖരിക്കാനുള്ള നീക്കത്തിലാണ് പ്രത്യേക അന്വേഷണ സംഘം. അറസ്റ്റിലായ അധ്യാപികമാരായ കീര്ത്തന, കാവ്യ, നീഷ്മ എന്നിവരുടെ ബാങ്ക് അക്കൗണ്ടുകളും ഫോണ് രേഖകളും എസ്ഐടി വിശദമായി പരിശോധിക്കുകയാണ്. ലഹരി ഇടപാടുകളുടെ പണമിടപാടുകള് വ്യക്തമാകാന് ഇവരുടെ എടിഎം ഉപയോഗിച്ച് പണം പിന്വലിച്ച സ്ഥലങ്ങളിലെ സിസിടിവി ദൃശ്യങ്ങളും പൊലീസ് വീണ്ടെടുത്തിട്ടുണ്ട്.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക...👉👉👉...ക്ലിക്ക്.
