കട്ടപ്പന സബ് രജിസ്ട്രാർ ഓഫിസിൽ വിജിലൻസിന്‍റെ മിന്നൽപരിശോധന; കണക്കിൽപെടാത്ത 49,920 രൂപ കണ്ടെത്തി.

 കണക്കിൽപെടാത്ത  3470 രൂപ സീനിയർ ക്ലർക്കിന്‍റെ പക്കൽനിന്നും, റെക്കോഡ് കോംപാക്ട് റൂം ഫയലുകൾക്കിടയിൽ അനധികൃതമായി സൂക്ഷിച്ച 3000 രൂപയും സബ്​രജിസ്​ട്രാർ ഓഫിസറുടെ മേശയിൽനിന്ന്  43,450 രൂപയുമാണ്  വിജിലൻസ് സംഘം കണ്ടെത്തിയത്.

ഓഫിസിൽ സാമ്പത്തിക ക്രമക്കേട്​ നടക്കുന്നുണ്ടെന്ന രഹസ്യ വിവരത്തെതുടർന്നായിരുന്നു പരിശോധന.കൃത്രിമം നടന്നു എന്ന് തോന്നുന്ന ഫയലുകൾ കൂടുതൽ പരിശോധനക്കായി  മാറ്റിയിട്ടുണ്ട്. രജിസ്ട്രേഷൻ സംബന്ധിച്ച നിരവധി ക്രമക്കേടുകൾ ഓഫിസുമായി ബന്ധപ്പെട്ട്​ ഉയരുന്നുണ്ട്.അന്വേഷണ റിപ്പോർട്ട്‌ വിജിലൻസ് ഡയറക്ടർക്ക് കൈമാറി.