നയപ്രഖ്യാപന പ്രസംഗത്തിനായി ഗവർണർ സഭയിലെത്തുമ്പോൾ പ്രതിഷേധിച്ച് പ്രതിപക്ഷം. വലിയ പ്രതിഷേധമാണ് ഗവർണർക്കെതിരെ പ്രതിപക്ഷം സഭയിൽ ഉയർത്തിയത്. ‘ഗോ ബാക്ക്’ എന്ന മുദ്രാവാക്യം വിളിച്ചുകൊണ്ടാണ് ഗവർണറെ പ്രതിപക്ഷം സഭയിലേക്ക് സ്വീകരിച്ചത്.
പ്രതിപക്ഷത്തോട് സമാധാനമായിരിക്കാനായിരുന്നു ഗവർണറുടെ ആദ്യ നിർദേശം. പ്രസംഗം തുടങ്ങിയപ്പോൾ പ്രതിപക്ഷ നേതാവ് വി ഡി സതീശൻ പ്രതിഷേധം അറിയിക്കാനായി സീറ്റിൽ നിന്നും എഴുന്നേറ്റെങ്കിലും ഗവർണർ ആരിഫ് മുഹമ്മദ് ഖാൻ ക്ഷുഭിതനാവുകയായിരുന്നു. തുടർന്ന് പ്രതിപക്ഷം സഭയിൽ നിന്നും പുറത്തേക്കിറങ്ങി പ്രവേശന കവാടത്തിനരികിൽ എത്തി മുദ്രാവാക്യം വിളികളോടെ പ്രതിഷേധം അറിയിച്ചു.
