മൂന്നുദിവസമായി സംസ്ഥാനത്ത് ആധാര രജിസ്ട്രേഷൻ നടപടികൾ തടസ്സപ്പെട്ടിരിക്കുകയാണ്. സാങ്കേതികപ്രശ്നങ്ങൾ പരിഹരിക്കാൻ വകുപ്പിൽ ഒരു വിദഗ്ധൻ പോലുമില്ല. സൈറ്റ് മെയിന്റനന്‍സ് എന്ന സന്ദേശമാണ് സൈറ്റ് സന്ദര്‍ശിക്കുന്നവര്‍ക്ക് ദൃശ്യമാകുന്നത്.
മൂന്നാം ദിനവും രജിസ്ട്രേഷൻനടപടികൾ തടസപ്പെട്ടെങ്കിലും തകരാറുപരിഹരിക്കാൻ ഇതുവരെയും സാധിച്ചിട്ടില്ല. ആധാരം ഓൺലൈനിൽ സമർപ്പിക്കുന്നത്തിനും ഫീസടക്കുന്നതിനും, ബാധ്യത സർട്ടിഫിക്കറ്റുകൾ, ആധാരത്തിന്റെ കോപ്പി തുടങ്ങിയ ആവശ്യങ്ങൾക്ക് അപേക്ഷ സമർപ്പിക്കുന്നതിനും പൂർണമായും തടസ്സം നേരിട്ടിരിക്കുകയാണ്.
> |
കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക
|
സെർവർ തകരാർ എന്നാണ് പ്രാധമീക വിവരം. കഴിഞ്ഞ രണ്ടു ദിവസവും സർവർ ഡൗൺ കാണിക്കുന്നതിനാൽ മണിക്കൂറുകളോളം ഓഫീസിൽ കാത്ത് നിന്ന ശേഷം പലരും വീടുകളിലേക്ക് മടങ്ങി. എന്നാൽ ഇന്ന് രാവിലെ എത്തിയപ്പോഴും സ്ഥിതിയിൽ മാറ്റമില്ല. തുടർച്ചയായി പല ദിവസങ്ങളിലും രജിസ്ട്രേഷൻ നടക്കാത്ത സാഹചര്യമാണിപ്പോളുള്ളത്. ആധാരം തയ്യാറാക്കി ഓണ്‍ലൈനില്‍ വിവരങ്ങള്‍ നല്‍കിയ ശേഷം കിട്ടുന്ന ചലാന്‍ ഉപയോഗിച്ച് ഫീസടച്ച ശേഷമെ ആധാരം ബന്ധപ്പെട്ട സബ് രജിസ്ട്രാഫീസുകളിലേക്ക് സമര്‍പ്പിക്കാന്‍ സാധിക്കുകയുള്ളു എന്നിരിക്കെ വെബ്സൈറ്റ് പണിമുടക്കുന്നത് മൂലം പ്രമാണ രജിസ്ട്രേഷന്‍ തടസ്സപ്പെടുന്നതും പതിവായിരിക്കുകയാണ്. വിവിധ ആവശ്യങ്ങള്‍ക്കായി ഒരെ സമയം നൂറുക്കണക്കിനാളുകള്‍ സന്ദര്‍ശിക്കുന്ന വെബ്സൈറ്റിന്റെ സെര്‍വര്‍ കുറവായതാണ് സൈറ്റ് തകരാറിന് കാരണമെന്നാണറിയുന്നത്.
 |
കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക
|
എന്നാൽ വകുപ്പിൽ സാങ്കേതിക വിദഗ്ദൻ ഇല്ലാത്തതാണ് ദിനം പ്രതിയുണ്ടാകുന്ന തകരാറുകൾക്ക് കാരണമെന്നാണ് ജീവനക്കാർ പറയുന്നത്. സെർവർ തകരാർ പരിഹരിച്ചില്ലെങ്കിൽ വരും ദിവസങ്ങളിൽ സ്ഥിതി സങ്കീർണ്ണമാകുമെന്നാണ് വിലയിരുത്തൽ.
കാലതാമസവും അഴിമതിയും ഒഴിവാക്കാൻ കപ്യൂട്ടർ‍വത്ക്കരണത്തിലേക്ക് മാറിയെങ്കിലും സർട്ടിഫിക്കറ്റുകൾക്കായി ഇപ്പോഴും ദിവസങ്ങൾ കാത്തിരിക്കേണ്ട സ്ഥിതി തുടരുകയാണ്.
