സസ്പെൻഷനു പിന്നിൽ സി പി ഐ...?; ഇടുക്കി തഹസിൽദാർ വിൻസൻറ് ജോസഫിനെ സസ്പെൻഡ് ചെയ്ത നടപടിയിൽ കഞ്ഞിക്കുഴിയിൽ പ്രതിഷേധം കനക്കുന്നു.

വിൻസൻറ് ജോസഫിനെ സസ്പെൻഡ് ചെയ്ത നടപടിയിൽ കഞ്ഞിക്കുഴിയിൽ പ്രതിഷേധം കനക്കുന്നു.  കഞ്ഞിക്കുഴിയിലെ കർഷകരും കർഷക കൂട്ടായ്മകളും ഇതിനോടകം തന്നെ സോഷ്യൽ മീഡിയയിൽ പ്രതിഷേധം പങ്കുവെച്ചു കഴിഞ്ഞു. 

 ആദിവാസികളായ ആളുകളുടെ ഭൂമിക്ക് പട്ടയം നൽകാൻ കാലതാമസം വരുത്തി എന്ന് ആക്ഷേപിച്ചു കൊണ്ടാണ് വിൻസെൻറ് ജോസഫിനെ ഇന്ന് സസ്പെൻഡ് ചെയ്തു ഉത്തരവിറങ്ങിയത്. എന്നാൽ കർഷക സംഘടനയുടെ പ്രതിനിധിയായ ബിനു പുന്നയാർ  തൻ്റെ ഫേസ്ബുക്ക് പോസ്റ്റിൽ കുറിച്ചിരിക്കുന്നത് സിപിഐയിലെ മുൻ ലോക്കൽ സെക്രട്ടറി തൻറെ താല്പര്യക്കാർക്ക്  മാനദണ്ഡങ്ങൾ  ലംഘിച്ച് പട്ടയം നൽകാൻ  വിൻസൻറ് ജോസഫിനെ നിർബന്ധിക്കുകയും ഇദ്ദേഹം അതിനു വഴങ്ങാത്തതിന്റെ പ്രതികാരവും ആണ് ഈ നടപടി എന്നാണ്. 

കൈക്കൂലി വാങ്ങാതെ സർക്കാരിന് സേവനം ചെയ്ത ഒരു ഉദ്യോഗസ്ഥനാണ് വിൻസെന്റ് ജോസഫ്. സിപിഐയുടെ കയ്യിൽ നിന്ന്  റവന്യൂ വകുപ്പ് എടുത്തു മാറ്റണം എന്ന ആവശ്യങ്ങൾ പോലും ഈ വിഷയവുമായി ബന്ധപ്പെട്ട് ഇപ്പോൾ സോഷ്യൽ മീഡിയയിൽ ഉയരുന്നുണ്ട്. കഞ്ഞിക്കുഴി പഞ്ചായത്തിൽ നിരവധി ആളുകൾക്കാണ് വിൻസെൻറ് തഹസിൽദാർ ആയതിനുശേഷം പട്ടയം ലഭിച്ചത്.

 

കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക

കഞ്ഞിക്കുഴി പഞ്ചായത്തിലെ റിസോർട്ട് നടത്തുന്നവരിൽ നിന്നും കർഷകരിൽനിന്ന് പോലും പട്ടയത്തിന്റെ പേരിൽ പണപ്പിരിവ് നടത്തിയ പ്രാദേശിക നേതാക്കളുടെ ഇടപെടൽ ആണ് ഈ സസ്പെൻഷനിലേക്ക്  വഴി വച്ചതെന്നും ആരോപണമുണ്ട്. സമൂഹത്തിൻറെ നാനാതുറകളിൽ നിന്നു വരെ വിൻസൻറ് ജോസഫിന് വലിയ പിന്തുണയാണ് ഇപ്പോൾ ലഭിച്ചുകൊണ്ടിരിക്കുന്നത്. 

കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക

സർക്കാരിൻറെ പ്രതിഛായ തകർക്കുവാനുള്ള ഇടപെടലാണ് ഈ നടപടി മൂലം ഉണ്ടാവുക എന്ന് സിപിഎമ്മിലെ ചില നേതാക്കളും ഇതിനോടകം പറഞ്ഞു കഴിഞ്ഞു.

കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക. ഗ്രൂപ്പ്

 സന്ദർശിക്കുക.  www.honesty.news