പ്രഭാത വാർത്തകൾ ഒറ്റനോട്ടത്തിൽ
തിരുവല്ലത്ത് പൊലീസ് കസ്റ്റഡിയിലെടുത്ത യുവാവ് മരിച്ചു. ദമ്പതികളെ ആക്രമിച്ച കേസിലെ പ്രതി സുരേഷ് കുമാറാണ് മരിച്ചത്. ഞായറാഴ്ച രാത്രിയാണ് സുരേഷ് കുമാര്‍ അടക്കം അഞ്ചുപേരെ പൊലീസ് കസ്റ്റഡിയില്‍ എടുത്തത്. തുടര്‍ന്ന് ജാമ്യമില്ലാ വകുപ്പ് പ്രകാരം കേസെടുത്തു. ഇന്നലെ രാവിലെ കോടതിയിലേക്കു കൊണ്ടുപോകാന്‍ ഒരുങ്ങുന്നതിനിടെ നെഞ്ചവേദന അനുഭവപ്പെട്ടു. തുടര്‍ന്ന് സര്‍ക്കാര്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സുരേഷിനെ മര്‍ദ്ദിച്ചിട്ടില്ലെന്ന് പൊലീസ്. മര്‍ദ്ദിച്ചു കൊന്നതാണെന്ന് ബന്ധുക്കളുടെ ആരോപണം.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
സിപിഎം സമ്മേളനത്തിന്റെ ഭാഗമായി നടപ്പാതകളും റോഡുകളും കൈയേറ്റി കൊടി തോരണങ്ങള്‍ സ്ഥാപിച്ച് യാത്രക്കാര്‍ക്കു ബുദ്ധിമുട്ടുണ്ടാക്കുന്നതിനെതിരേ ഹൈക്കോടതി. ഒരു രാഷ്ട്രീയ കക്ഷിക്കു മാത്രം എന്തും ചെയ്യാമെന്നാണോയെന്നു കോടതി ചോദിച്ചു. പാര്‍ട്ടിയുടെ നിയമലംഘനത്തിനു സര്‍ക്കാര്‍ കൂട്ടുനില്‍ക്കുകയാണെന്നും കോടതി കുറ്റപ്പെടുത്തി.
രവീന്ദ്രന്‍ പട്ടയങ്ങള്‍ റദ്ദാക്കുന്നതുമായി ബന്ധപ്പെട്ട നടപടികളെക്കുറിച്ച് വിശദമായ സത്യവാങ്മൂലം സമര്‍പ്പിക്കാന്‍ സര്‍ക്കാരിനോട് ഹൈക്കോടതി ആവശ്യപ്പെട്ടു. 530 പട്ടയങ്ങള്‍ എന്തു ചെയ്യാനാണ് തീരുമാനം. പിഴവുകള്‍ക്ക് ആരാണ് ഉത്തരവാദി. കോടതി ചോദിച്ചു. പട്ടയങ്ങള്‍ റദ്ദാക്കുന്നതിനെതിരെ ജോസ് എന്ന വ്യക്തി നല്‍കിയ ഹര്‍ജിയിലാണ് നടപടി.
തിരുവനന്തപുരം അന്താരാഷ്ട്ര വിമാനത്താവളത്തില്‍ ആഭ്യന്തര സര്‍വീസുകളുടെ പ്രതിവാര എണ്ണം ഇന്നു മുതല്‍ 60 ല്‍ നിന്ന് 79 ആയി ഉയര്‍ത്തുന്നു. ബാംഗ്ലൂരിലേക്കുള്ള സര്‍വീസുകള്‍ ആഴ്ചയില്‍ ഏഴില്‍ നിന്ന് 20 ആയി ഉയര്‍ത്താനാണ് ഇന്‍ഡിഗോ എയര്‍ലൈന്‍സിന്റെ തീരുമാനം.
കിഴക്കമ്പലത്തെ ട്വന്റി 20 പ്രവര്‍ത്തകന്‍ ദീപുവിന്റെ മരണകാരണം തലയ്ക്കേറ്റ പരിക്കെന്ന് പോസ്റ്റ്മോര്‍ട്ടം റിപ്പോര്‍ട്ട്. മര്‍ദിച്ച നാലു സിപിഎം പ്രവര്‍ത്തകരെ അറസ്റ്റു ചെയ്തിരുന്നു. സിപിഎം പ്രവര്‍ത്തകര്‍ പ്രതികളായ കേസ് സിബിഐ അന്വേഷിക്കണമെന്ന് ട്വന്റി ട്വന്റി ആവശ്യപ്പെട്ടു.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
സുല്‍ത്താന്‍ബത്തേരി നെന്മേനി പഞ്ചായത്തിലെ സിപിഎമ്മിന്റെ മൂന്നു ലോക്കല്‍ കമ്മിറ്റികളില്‍ നിന്നായി നേതാക്കളടക്കം 50 പേര്‍ സിപിഐയില്‍ ചേര്‍ന്നു. നെന്മേനി മുന്‍ ലോക്കല്‍ സെക്രട്ടറി എം.എം. ജോര്‍ജ്ജ് മുന്‍ ബ്രാഞ്ച് സെക്രട്ടറി സി.പി. ബഷീര്‍ എന്നിവരുടെ നേതൃത്വത്തിലുള്ളവരാണ് സിപിഐയിലേക്കെത്തിയത്.
> |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
കൊണ്ടോട്ടിയില്‍ ബൈപ്പാസിനരികെ ബഹുനില കെട്ടിടത്തില്‍ വന്‍ തീപ്പിടുത്തം. ലക്ഷങ്ങളുടെ നാശനഷ്ടം. കെട്ടിടത്തിലെ ഹോട്ടലിലാണ് തീപ്പിടുത്തമുണ്ടായത്. ഹോട്ടല്‍ ജീവനക്കാരും ഭക്ഷണം കഴിക്കാനെത്തിയവരും ഇറങ്ങി ഓടി. ഗ്യാസ് സിലിണ്ടറുകള്‍ക്കും എണ്ണ ടിന്നുകള്‍ക്കും തീപ്പിടിച്ചതോടെ ബഹുനില കെട്ടിടം മുഴുവന്‍ കത്തിനശിച്ചു.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
ഇരുപത് ദിവസം മാത്രം പ്രായമുള്ള പെണ്‍കുഞ്ഞിന്റെ മാതാപിതാക്കള്‍ തൂങ്ങിമരിച്ച നിലയില്‍. തിരുവനന്തപുരം നെയ്യാറ്റിന്‍കര കവളാകുളം സ്വദേശികളായ ഷിജു സ്റ്റീഫന്‍ (45) പ്രമീള (37) എന്നിവരാണ് വീടിനുള്ളില്‍ തൂങ്ങി മരിച്ചത്. ക്വാറി തൊഴിലാളിയായ ഷിജുവിന്റെ കുടുംബം സാമ്പത്തികമായി ബുദ്ധിമുട്ടിയിരുന്നതായി നാട്ടുകാര്‍ പറഞ്ഞു.
ശിവരാത്രിയോടനുബന്ധിച്ച് ആലുവാ മണപ്പുറത്തു തിരക്കു തുടങ്ങി. ബലിതര്‍പ്പണത്തിനു 148 ബലിത്തറകള്‍ സജ്ജീകരിച്ചിട്ടുണ്ട്. ഇന്ന് അര്‍ധരാത്രിവരെ ശിവരാത്രി ബലിയും അതുകഴിഞ്ഞ് വാവുബലിയുമാണു നടക്കുക.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
കരള്‍മാറ്റിവെയ്ക്കല്‍ ശസ്ത്രക്രിയയുടെ പരിശീലന പരിപാടിയില്‍ പങ്കെടുക്കാന്‍ എത്തിയ മന്ത്രിയോട് ഐസിയുവിന്റെ മുമ്പിലെ രോഗികളുടെ കൂട്ടിരിപ്പുകാര്‍ പരാതിപ്പെട്ടതോടെയാണ് നവാസിന് സൗജന്യ ചികില്‍സയ്ക്ക് ഏര്‍പ്പാടാക്കിയത്.
വിവാഹ വാഗ്ദാനം നല്‍കി പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച കേസില്‍ ആല്‍ബം ഗായകന്‍ അറസ്റ്റില്‍. പുത്തനത്താണി പുന്നത്തല കുറുമ്പത്തൂര്‍ സ്വദേശി മന്‍സൂറലിയെയാണ് പൊന്നാനി പൊലീസ് അറസ്റ്റ് ചെയ്തത്. ആല്‍ബം ഗാനങ്ങള്‍ പാടുന്നതിനും പഠിക്കുന്നതിനുമായി എത്തിയ പ്രായപൂര്‍ത്തിയാകാത്ത കുട്ടിക്ക് വിവാഹ വാഗ്ദാനം നല്‍കി ലൈംഗികമായി പീഡിപ്പിച്ചെന്നാണു കേസ്. മാപ്പിള ആല്‍ബം ഗായകനായ മന്‍സൂറലി വിവാഹിതനും രണ്ടു കുട്ടികളുടെ പിതാവുമാണ്.
തിരുവല്ലത്ത് പൊലീസ് കസ്റ്റഡിയില്‍ യുവാവ് മരിച്ച സംഭവത്തില്‍ സമഗ്ര അന്വേഷണം വേണമെന്ന് പ്രതിപക്ഷ നേതാവ് വിഡി സതീശന്‍. ലോക്കപ്പ് മര്‍ദ്ദനമുണ്ടായെന്ന് ബന്ധുക്കളും ദൃക്‌സാക്ഷികളും പറയുന്നു. പ്രതിയെ കസ്റ്റഡിയില്‍ എടുത്ത ഉടന്‍ പൊലീസ് മര്‍ദ്ദിച്ചതായി ദൃക്‌സാക്ഷികളെ ഉദ്ധരിച്ച് മാധ്യമങ്ങള്‍ റിപ്പോര്‍ട്ട് ചെയ്തിട്ടുണ്ട്. അദ്ദേഹം ചൂണ്ടിക്കാട്ടി.
വ്യാജ സ്വര്‍ണ്ണം പണയംവച്ച് തൃശൂരിലെ സ്വകാര്യ ബാങ്കില്‍നിന്നു 14 ലക്ഷത്തിലധികം രൂപ തട്ടിയെടുത്ത കേസില്‍ വ്യാജ സ്വര്‍ണ്ണം നിര്‍മ്മിച്ച കോതമംഗലം പറ്റക്കുടി പുത്തന്‍പുര വീട്ടില്‍, വാവ എന്നുവിളിക്കുന്ന പ്രദീപിനെ (54) അറസ്റ്റു ചെയ്തു. തട്ടിപ്പു നടത്തിയ ആലുവ ചീരംപറമ്പില്‍ നിഷാദ് (40) നെ നേരത്തെ അറസ്റ്റ് ചെയ്തിരുന്നു.
ഇടുക്കി തഹസില്‍ദാര്‍ വിന്‍സെന്റ് ജോസഫിനെ സര്‍വ്വീസില്‍ നിന്ന് സസ്പെന്‍ഡ് ചെയ്തു. കഞ്ഞിക്കുഴി പഞ്ചായത്തിലെ ആദിവാസികള്‍ക്ക് പട്ടയം അനുവദിക്കുന്നതില്‍ വീഴ്ച വരുത്തിയതിനാണ് നടപടി.
തൃശൂര്‍ കലാശേരിയില്‍ വയോധികയായ കൗസല്യയെ കൊലപ്പെടുത്തിയ കേസില്‍ ചെറുമകന്‍ ഗോകുല്‍ കസ്റ്റഡിയില്‍. കൗസല്യയുടെ സ്വര്‍ണാഭരണങ്ങള്‍ തട്ടിയെടുക്കാനാണ് കൊലപാതകം നടത്തിയതെന്നു പോലീസ്.
രാജ്യത്ത് വൈദ്യുതി വിതരണ രംഗത്ത് കടുത്ത പ്രതിസന്ധി. കല്‍ക്കരി ക്ഷാമം മൂലം വൈദ്യുതി ഉല്‍പാദനം വളരെ കുറഞ്ഞതാണു കാരണം. കല്‍ക്കരിയുടെ വില വന്‍തോതില്‍ വര്‍ധിച്ചതിനാല്‍ വൈദ്യുതിയുടെ ഉല്‍പാദന ചെലവും വര്‍ധിച്ചു. ഇതിന് ആനുപാതികമായി വൈദ്യുതി നിരക്ക് പല സംസ്ഥാനങ്ങളിലും വര്‍ധിപ്പിച്ചു.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
ഡിസംബറില്‍ അവസാനിച്ച മൂന്നാം ത്രൈമാസത്തില്‍ ഇന്ത്യയുടെ മൊത്തം ആഭ്യന്തര ഉല്‍പാദന വളര്‍ച്ച 5.4 ശതമാനം. കഴിഞ്ഞ വര്‍ഷം ഇതേസമയത്ത് ജിഡിപി വളര്‍ച്ച് 0.7 ശതമാനമായിരുന്നു. കേന്ദ്ര സ്റ്റാറ്റിസ്റ്റിക്സ് ആന്‍ഡ് പ്രോഗ്രാം ഇംപ്ലിമെന്റേഷന്‍ മന്ത്രാലയം പുറത്തുവിട്ട കണക്കാണിത്.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
ഇന്ത്യയുടെ ഭിന്ന സംസ്‌കാരങ്ങളും ഭാഷാന്യൂനപക്ഷങ്ങളും ഭീഷണി നേരിടുകയാണെന്നും ഭരണഘടനാ മൂല്യങ്ങള്‍ ചോദ്യം ചെയ്യപ്പെടുമ്പോഴെല്ലാം തമിഴ്നാട് മുഖ്യമന്ത്രി എംകെ സ്റ്റാലിന്റെ ശബ്ദമുയരുന്നുണ്ടെന്നും കേരള മുഖ്യമന്ത്രി പിണറായി വിജയന്‍. ചെന്നൈയില്‍ എംകെ സ്റ്റാലിന്റെ പുസ്തക പ്രകാശന ചടങ്ങില്‍ പ്രസംഗിക്കുകയായിരുന്നു അദ്ദേഹം. തമിഴ്നാടിന്റെ ആവശ്യങ്ങളെ കേന്ദ്രം മാനിക്കുന്നില്ലെന്നും അപമാനിക്കുകയാണെന്നും രാഹുല്‍ ഗാന്ധി പറഞ്ഞു.
യുക്രെയിനിലെ യുദ്ധംമൂലമുള്ള പ്രതിസന്ധി ചര്‍ച്ച ചെയ്യാന്‍ പ്രധാനമന്ത്രി നരേന്ദ്രമോദി വീണ്ടും ഉന്നതതല യോഗം വിളിച്ചു. നാലാം തവണയാണ് മോദിയുടെ നേതൃത്വത്തില്‍ യോഗം ചേരുന്നത്. യുക്രെയിനിലുള്ള ഇന്ത്യക്കാരെ സുരക്ഷിതരായി തിരിച്ചെത്തിക്കാനുള്ള വിഷയങ്ങളാണു ചര്‍ച്ചചെയ്തത്.
യുക്രൈനിലെ യുദ്ധ ഭൂമിയില്‍ കുടുങ്ങിയ ഇന്ത്യാക്കാരെ നാട്ടില്‍ തിരിച്ചെത്തിക്കാന്‍ എത്ര വിമാനങ്ങള്‍ വേണമെങ്കിലും ഏര്‍പ്പെടുത്തുമെന്ന് കേന്ദ്ര വിദേശകാര്യ വകുപ്പ്. 1396 വിദ്യാര്‍ത്ഥികളെ ഇതുവരെ തിരിച്ചെത്തിച്ചെന്നും കേന്ദ്രസര്‍ക്കാര്‍ പറഞ്ഞു.
യുക്രൈനില്‍നിന്ന് ഇന്ത്യക്കാരെ കൊണ്ടുവരാന്‍ ടാറ്റാ ഗ്രൂപ്പിനു കീഴിലുള്ള എയര്‍ ഇന്ത്യന്‍ വിമാനങ്ങള്‍ക്ക് കേന്ദ്ര സര്‍ക്കാര്‍ നല്‍കുന്നത് മണിക്കൂറിന് എട്ടു ലക്ഷം രൂപ. ഇരുഭാഗത്തേക്കുമുള്ള വിമാന സര്‍വീസിന് ഒരു കോടിയിലേറെ രൂപയാണു കേന്ദ്ര സര്‍ക്കാര്‍ നല്‍കേണ്ടത്.
|
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
യുക്രൈന്റെ തലസ്ഥാനമായ കീവില്‍ വീണ്ടും സ്ഫോടനങ്ങള്‍. പോരാട്ടം നിര്‍ത്തണമെന്ന് ഐക്യരാഷ്ട്രസഭ ആവര്‍ത്തിച്ച് ആവശ്യപ്പെട്ടു. ഐക്യരാഷ്ട്ര സഭ യോഗത്തില്‍ റഷ്യയുടെയും യുക്രൈന്റെയും അംബാസഡര്‍മാര്‍ തമ്മില്‍ രൂക്ഷമായ ആരോപണ-പ്രത്യാരോപണങ്ങള്‍ നടന്നു. സമാധാന ശ്രമങ്ങളുമായി ബന്ധപ്പെട്ട് ഫ്രഞ്ച് പ്രസിഡന്റ് ഇമ്മാനുവല്‍ മാക്രോണ്‍ റഷ്യന്‍ പ്രസിഡന്റ് വ്ളാഡിമര്‍ പുടിനുമായി സംസാരിച്ചു.
റഷ്യന്‍ പ്രസിഡന്റ് വ്ളാഡ്മിര്‍ പുടിന്റെ നിര്‍ദേശാനുസരണം അണ്വായുധ പ്രയോഗത്തിനു റഷ്യന്‍ സൈന്യത്തിന്റെ അണ്വായുധ വിഭാഗം സജ്ജമായി. റഷ്യന്‍ പ്രതിരോധ മന്ത്രാലയംതന്നെയാണ് ഇക്കാര്യം വെളിപ്പെടുത്തിയത്.
| > |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
തലസ്ഥാനമായ കീവ് അടക്കം യുക്രെയിന്റെ കിഴക്കന്‍ മേഖലയിലുള്ളവരെ പടിഞ്ഞാറന്‍ മേഖലയിലേക്കു മാറ്റുന്നതിനുള്ള ട്രെയിന്‍ സര്‍വീസുകളില്‍ കയറാനാകാതെ ഇന്ത്യക്കാര്‍. യുക്രെയിന് പൗരന്മാര്‍ക്കാണ് മുന്‍ഗണന. ഇന്ത്യന്‍ എംബസിയില്‍ താമസിച്ചിരുന്ന ഇരുന്നൂറോളം വിദ്യാര്‍ഥികള്‍ക്കു രാവിലെ ട്രെയിനില്‍ കയറാനായി.
വിവിധ രാജ്യങ്ങള്‍ സാമ്പത്തിക ഉപരോധം ഏര്‍പ്പെടുത്തിയതോടെ റഷ്യയുടെ കറന്‍സിയായ റൂബിള്‍ തകര്‍ന്നു. മൂല്യം കുത്തനെ ഇടിഞ്ഞെന്നു മാത്രമല്ല, കറന്‍സിക്കായി നെട്ടോട്ടമോടുകയാണ് ജനം. സ്വിഫ്റ്റില്‍ നിന്ന് റഷ്യന്‍ ബാങ്കുകളെ അമേരിക്കയും യൂറോപ്യന്‍ രാഷ്ട്രങ്ങളും വിലക്കിയതോടെയാണ് പ്രതിസന്ധി രൂക്ഷമായത്.
|
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
യുക്രെയിന് ആയുധം നല്‍കാനുള്ള യൂറോപ്യന്‍ രാജ്യങ്ങളുടെ തീരുമാനത്തിനെതിരേ റഷ്യ. യുക്രെയിന് സിവിലിയന്മാരെ മനുഷ്യകവചമാക്കുകയാണ്. ഉപരോധങ്ങളെ മറികടക്കാനുള്ള ശേഷിയുണ്ടെന്നും റഷ്യ.
റഷ്യന്‍ സൈന്യത്തെ നേരിടാന്‍ ജയിലില്‍ യുക്രെയിനിലെ തടവുകാരെ തുറന്നുവിടുന്നു. സൈനിക പരിശീലനം ലഭിച്ചവരെയും സൈനിക പശ്ചാത്തലമുള്ളതുമായ കുറ്റവാളികളെ റഷ്യയ്ക്കെതിരേ രംഗത്തിറക്കാനാണ് യുക്രൈന് സര്‍ക്കാരിന്റെ നീക്കം.
ഒമാനിലേക്ക് വരുന്നവര്‍ക്ക് ഇനി മുതല്‍ പിസിആര്‍ പരിശോധന ആവശ്യമില്ല. കൊവിഡ് വാക്‌സിന്റെ രണ്ടു ഡോസും സ്വീകരിച്ചവരെയാണ് പിസിആര്‍ പരിശോധനയില്‍നിന്ന് ഒഴിവാക്കിയത്. പൊതുസ്ഥലങ്ങളില്‍ മാസ്‌ക് നിര്‍ബന്ധമല്ല. എന്നാല്‍ അടച്ചിട്ട സ്ഥലങ്ങളിലെ പരിപാടികള്‍ക്ക് മാസ്‌ക് നിര്‍ബന്ധമാണ്.
റഷ്യയുടെ യുക്രൈന് അധിനിവേശത്തിന് കായികലോകത്തും കനത്ത തിരിച്ചടി. ഈ വര്‍ഷം ഒടുവില്‍ ഖത്തറില്‍ നടക്കുന്ന ലോകകപ്പ് ഫുട്ബോളിലെ യോഗ്യതാ പോരാട്ടങ്ങളില്‍ നിന്നും ജൂണില്‍ നടക്കാനിരിക്കുന്ന വനിതാ യൂറോ കപ്പില്‍ നിന്നും റഷ്യയെ വിലക്കാന്‍ ഫിഫ തീരുമാനിച്ചു. അനിശ്ചിതകാലത്തേക്കാണ് റഷ്യക്കുമേല്‍ ഫിഫ വിലക്കേര്‍പ്പെടുത്തിയിരിക്കുന്നത്.
കേരളത്തില്‍ ഇന്നലെ 29,545 സാമ്പിളുകള്‍ പരിശോധിച്ചതില്‍ 2,010 പേര്‍ക്ക് കോവിഡ്-19 സ്ഥിരീകരിച്ചു. ഇതോടെ 26,560 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. രാജ്യത്ത് ഇന്നലെ 5,485 കോവിഡ് രോഗികള്‍. നിലവില്‍ 88,845 കോവിഡ് രോഗികള്‍. ആഗോളതലത്തില്‍ ഇന്നലെ പത്ത് ലക്ഷത്തിനടുത്ത് കോവിഡ് രോഗികള്‍. നിലവില്‍ 6.31 കോടി കോവിഡ് രോഗികള്‍.
| > |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
ഉപയോക്തൃ അനുഭവം മെച്ചപ്പെടുത്തുന്നതിനായി വാട്ട്സ്ആപ്പ് നിരവധി ഫീച്ചറുകളില്‍ ഇപ്പോള്‍ പ്രവര്‍ത്തിക്കുന്നുണ്ട്. ഒരു പുതിയ സെര്‍ച്ച് ഓപ്ഷനും മെസേജ് റിയാക്ഷനും ശേഷം, മെസേജിംഗ് ആപ്പില്‍ കോളുകളില്‍ ചേരുന്നതിന് ലിങ്കുകള്‍ സൃഷ്ടിക്കാന്‍ ഉപയോക്താക്കളെ അനുവദിക്കുന്ന ഒരു ഫീച്ചര്‍ വാട്ട്സ്ആപ്പ് പരീക്ഷിക്കുന്നു. പുതിയ ഫീച്ചര്‍ അനുസരിച്ച് കോള്‍ ഹോസ്റ്റിന് അവരുടെ കോണ്‍ടാക്റ്റ് ലിസ്റ്റില്‍ ലിങ്കുകള്‍ സൃഷ്ടിക്കാനും അവ ആരുമായും പങ്കിടാനും കഴിയും. നിങ്ങളുടെ കോണ്‍ടാക്റ്റ് ലിസ്റ്റില്‍ ചേര്‍ക്കാത്ത ആളുകളുമായി പോലും ഈ ലിങ്ക് പങ്കിടാനാകും. ലിങ്ക് ഉപയോഗിച്ച് വാട്ട്സ്ആപ്പില്‍ ഒരു കോള്‍ ചെയ്യാന്‍, ഒരു ഉപയോക്താവിന് വാട്ട്സ്ആപ്പില്‍ അക്കൗണ്ട് ഇല്ലെങ്കില്‍ അത് സൃഷ്ടിക്കേണ്ടതുണ്ട് എന്നത് ശ്രദ്ധിക്കേണ്ടതാണ്.
മമ്മൂട്ടിയെ നായകനാക്കി അമല്‍ നീരദ് സംവിധാനം ചെയ്യുന്ന ഭീഷ്മ പര്‍വ്വത്തിന്റെ സംഗീത സംവിധായകന്‍ സുഷിന്‍ ശ്യാം ആണ്. ചിത്രത്തിലെ നേരത്തെ പുറത്തെത്തിയ ഗാനങ്ങളൊക്കെ ഹിറ്റ് ചാര്‍ട്ടുകളില്‍ ഇടംപിടിച്ചിരുന്നു. ഇപ്പോഴിതാ ചിത്രത്തിലെ ഒരു പുതിയ ഗാനവും പുറത്തുവിട്ടിരിക്കുകയാണ് അണിയറക്കാര്‍. രതിപുഷ്പം എന്നാരംഭിക്കുന്ന ഗാനത്തിന് വരികള്‍ എഴുതിയിരിക്കുന്നത് വിനായക് ശശികുമാര്‍ ആണ്. ആലപിച്ചിരിക്കുന്നത് ഉണ്ണി മേനോന്‍. എണ്‍പതുകളിലും മറ്റും കേട്ടുശീലിച്ച മട്ടിലുള്ള ഗാനവും ആലാപനവുമാണ് ഗാനത്തിന്റേത്.
ധനുഷ് നായകനാകുന്ന പുതിയ ചിത്രം 'മാരന്‍' തമിഴ്, തെലുങ്ക്, മലയാളം കന്നഡ ഭാഷകളിലായി മാര്‍ച്ച് 11ന് എത്തും. കാര്‍ത്തിക് നരേനാണ് സംവിധാനവും തിരക്കഥയും. മാളവിക മോഹനന്‍ നായികയാകുന്ന ചിത്രത്തിന്റെ ട്രെയിലര്‍ പുറത്തുവിട്ടു. റിപ്പോര്‍ട്ടറായിട്ടാണ് 'മാരന്‍' എന്ന ചിത്രത്തില്‍ ധനുഷ് അഭിനയിക്കുന്നത്. മാധ്യമപ്രവര്‍ത്തകയായിട്ട് തന്നെയാണ് ധനുഷിനൊപ്പം ചിത്രത്തില്‍ മാളവിക മോഹനും അഭിനയിക്കുന്നത്. സമുദ്രക്കനി, സ്മൃതി വെങ്കട്, കൃഷ്ണകുമാര്‍ ബാലസുബ്രഹ്‌മണ്യന്‍, മഹേന്ദ്രന്‍, അമീര്‍, പ്രവീണ്‍ തുടങ്ങിയവരും ചിത്രത്തിലുണ്ട്. ഡിസ്നി പ്ലസ് ഹോട്സ്റ്റാറിലാണ് 'മാരന്‍' റിലീസ് ചെയ്യുക.
ചൈനീസ് വാഹന നിര്‍മ്മാതാക്കളായ എംജി മോട്ടോര്‍ ഇന്ത്യയുടെ ആദ്യത്തെ സമ്പൂര്‍ണ ഇലക്ട്രിക് കാറാണ് എംജി ഇസെഡ് എസ് ഇവി. ഇപ്പോഴിതാ എംജി മോട്ടോര്‍ ഇന്ത്യ എംജി ഇസെഡ് എസ് ഇവി ഉപഭോക്താക്കള്‍ക്ക് 2022 മാര്‍ച്ച് 31 വരെ സൗജന്യ ചാര്‍ജിംഗ് ഓഫര്‍ ചെയ്യുന്നതായി റിപ്പോര്‍ട്ട്. ഫോര്‍ട്ടം ചാര്‍ജ്, ഡ്രൈവ് എന്നിവയുമായി സഹകരിച്ചാണ് കമ്പനി പുതിയ സംരംഭം അവതരിപ്പിച്ചിരിക്കുന്നത. എംജി ഇസെഡ് എസ് ഇവി ഉപഭോക്താക്കള്‍ക്ക് ഫോര്‍ട്ടം ചാര്‍ജിന്റെയും ഡ്രൈവിന്റെയും നെറ്റ്വര്‍ക്കില്‍ സൗജന്യ നിരക്കിന് അര്‍ഹതയുണ്ടെന്ന് കമ്പനി അറിയിച്ചു.
