എംഎം മണിക്കെതിരെ വീണ്ടും ആരോപണവുമായി പ്രതിപക്ഷ നേതാവ്; കെഎസ്ഇബി ഭൂമി എംഎം മണിയുടെ ബന്ധുക്കൾക്കും ലഭിച്ചു, വ്യക്തമായ തെളിവുണ്ടെന്നും വിഡി സതീശൻ.

ഇടുക്കിയിലെ കെഎസ്ഇബിയുടെ ഭൂമിയുമായി ബന്ധപ്പെട്ട് ഉയർന്ന വിവാദ​ത്തിൽ വൈദ്യുതി മന്ത്രി എംഎം മണിക്കെതിരെ വീണ്ടും ആരോപണവുമായി പ്രതിപക്ഷ നേതാവ് വിഡി സതീശൻ. 

കെഎസ്ഇബിയുടെ ഭൂമി എംഎം മണിയുടെ ബന്ധുക്കൾക്കും ലഭിച്ചു. ഇതിന് തക്കതായ തെളിവുകൾ തന്റെ പക്കലുണ്ടെന്നും വിഡി സതീശൻ പറഞ്ഞു. അഴിമതി മൂലമാണ് കെഎസ്ഇബിയിൽ ആയിരക്കണക്കിന് കോടിയുടെ നഷ്ടമുണ്ടായത്. ഇത് മൂലമുള്ള ബാധ്യത ജനങ്ങളുടെ മേൽ അടിച്ചേൽപ്പിക്കരുതെന്നും നിയമ വിരുദ്ധമായ ഭൂമി കൈമാറ്റം റദ്ദാക്കണമെന്നും  വിഡി സതീശൻ കൂട്ടിച്ചേർത്തു.

കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക

വൈദ്യുതി നിരക്ക് വർധനാ നിർദേശം പിൻവലിക്കണമെന്നും ഭൂമി കൈമാറ്റത്തിൽ സമഗ്രമായ അന്വേഷണം നടത്തണമെന്നും പ്രതിപക്ഷ നേതാവ് ആവശ്യപ്പെട്ടു. ഇടുക്കിയിലെ സിപിഐഎം നേതൃത്വത്തിലുള്ള സഹകരണ സംഘങ്ങള്‍ക്ക് കെഎസ്ഇബി ഭൂമി തുച്ഛമായ വിലക്ക് പാട്ടത്തിന് നല്‍കിയെന്നാണ് കേസ്.

കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക

ഒന്നാം പിണറായി സർക്കാരിന്റെ കാലത്ത് വൈദ്യുതി ബോർഡിൽ ക്രമക്കേടുണ്ടായെന്ന കെഎസ്ഇബി ചെയർമാന്റെ ആരോപണം ഏറ്റെടുത്ത് പ്രതിപക്ഷം ഗുരുതര ആരോപണങ്ങളാണ് ഉന്നയിക്കുന്നത്. ''വൈദ്യുതി ബോർഡിൽ കഴിഞ്ഞ അഞ്ചര വർഷമായി നടക്കുന്നത് കടുത്ത അഴിമതിയാണ്. ഈ ആരോപണങ്ങൾക്ക് മറുപടി പറയാനുള്ള ഉത്തരവാദിത്വം സർക്കാരിനുണ്ടെന്നും പ്രതിപക്ഷം ആവർത്തിക്കുന്നു. 

>

കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക

അതേസമയം എംഎം മണിയെ കുറ്റപ്പെടുത്തി ബി ജെ പി സംസ്ഥാന അധ്യക്ഷൻ  കെ സുരേന്ദ്രനും രംഗത്തെത്തിയിട്ടുണ്ട്. മുൻ വൈദ്യുതി മന്ത്രി എം എം മണിയെ പോലെ ഒരു തട്ടിപ്പുകാരൻ കേരളത്തിൽ വേറെയില്ലെന്നും ലാലു പ്രസാദ് യാദവിന്റ കേരള പതിപ്പാണ് എം എം മണിയെന്നുമാണ് സുരേന്ദ്രന്റെ വിമർശനം. കെ എസ് ഇ ബി അഴിമതി വിവരങ്ങൾ കെ എസ് ഇ ബി ചെയർമാൻ ഡോ.ബി.അശോക് തന്നെ അക്കമിട്ട് നിരത്തിയ സാഹചര്യം ആണ് ഉള്ളത്. അതുകൊണ്ട് തന്നെ കെ എസ് ഇ ബിയുമായി ബന്ധപ്പെട്ടുയർന്ന അഴിമതികളിൽ സമഗ്ര അന്വേഷണം വേണമെന്നും ബി ജെ പി സംസ്ഥാന അധ്യക്ഷൻ കെ.സുരേന്ദ്രൻ ആവശ്യപ്പെട്ടു.

എംഎം മണി വൈദ്യുതി മന്ത്രിയായിരുന്ന കാലത്ത് ഇടതു യൂണിയനുകള്‍, വൈദ്യുത ബോര്‍ഡിന് കോടികളുടെ ബാധ്യതയുണ്ടാക്കുന്ന തീരുമാനത്തിന് കൂട്ടുനിന്നുവെന്ന ചെയര്‍മാൻ  ബി അശോകിന്റെ ആരോപണമാണ് വിവാദങ്ങൾക്ക് തിരികൊളുത്തിയത്. ടൂറിസം വികസനത്തിന് പല സൊസൈറ്റികള്‍ക്കും ബോര്‍ഡിന്റെ അനുമതിയോ സര്‍ക്കാര്‍ അനുമതിയോ ഇല്ലാതെ നൂറു കണക്കിന് ഏക്കര്‍ സ്ഥലം പാട്ടത്തിന് നല്‍കി. ചട്ടവിരുദ്ധമായി ഇടപാട് ഫയലില്‍ എഴുതി ചേര്‍ത്ത് ഒപ്പിടാന്‍ ചീഫ് എഞ്ചിനിയർക്കുമേൽ യൂണിയനുകള്‍ സമ്മര്‍ദ്ദം ചെലുത്തി. കെഎസ്ഇബിയുടെ ഭൂമി അനുമതിയില്ലാതെ പാട്ടത്തിന് നൽകിയതിലും കരാറുകർക്ക് വിവരങ്ങൾ എഞ്ചിനീയർമാർ ചോർത്തി തുടങ്ങി ദുരുതര ആരോപണങ്ങളാണ് ചെയർമാൻ ഉയർത്തുന്നത്.

കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക. ഗ്രൂപ്പ്

 സന്ദർശിക്കുക.... www.honesty.news