മൂന്നാറില് പണിമുടക്കിനെതിരെ ദേവികുളം എംഎല്എ എ.രാജയ്ക്ക് പൊലീസ് മര്ദനം.
പണിമുടക്ക് യോഗത്തില് സംസാരിക്കാനെത്തിയതായിരുന്നു എംഎല്എ. വാഹനങ്ങള് തടയുന്നതിനിടെ പൊലീസുമായുണ്ടായ ഉന്തും തള്ളിനുമിടയിലാണ് എംഎല്എയ്ക്ക് മര്ദനമേറ്റത്. പൊലീസാണ് മര്ദിച്ചതെന്നാണ് പരാതി. പൊലീസിനെതിരെ ഗുരുതര ആരോപണങ്ങളാണ് എംഎല്എ ഉന്നയിച്ചത്. പൊലീസ് ഏകപക്ഷീയമായി സമരക്കാരെ മര്ദിക്കുകയായിരുന്നെന്ന് എ രാജ പറഞ്ഞു. മൂന്നാര് എസ് ഐ ഉള്പ്പെടെയുള്ളവരാണ് മര്ദിച്ചതെന്ന് എംഎല്എ പറഞ്ഞു.
പണിമുടക്കിന്റെ ഭാഗമായി സമരാനുകൂലികള് മൂന്നാറില് നടത്തിയ യോഗത്തില് സംസാരിച്ചത് എ രാജയായിരുന്നു. പരിപാടിയുടെ ഭാഗമായി വേദിയുള്പ്പെടെയുള്ള സംവിധാനങ്ങള് റോഡിലേക്ക് അല്പം നീങ്ങിയ നിലയിലായിരുന്നു. ശേഷം റോഡിലൂടെ കടന്ന് പോകുന്ന വാഹനങ്ങള് തടയാന് സമരക്കാര് ശ്രമിച്ചു. ഇതോടെ പൊലീസ് ഇടപെട്ടു. തുടര്ന്നാണ് സംഘര്ഷമുണ്ടായത്.
സന്ദർശിക്കുക. www.honesty.news
