മീഡിയവണ് ചാനലിന് വിലക്ക് തുടരും. വിലക്ക് ഏര്പ്പെടുത്തിയതിനെതിരെ ചാനല് നല്കിയ അപ്പീല് ഹൈക്കോടതി ചീഫ് ജസ്റ്റിസ് അധ്യക്ഷനായ ഡിവിഷന് ബെഞ്ച് തളളി.
സിംഗിള് ബെഞ്ച് ഉത്തരവ് ഡിവിഷന് ബെഞ്ചും ശരിവെക്കുകയായിരുന്നു.ചാനല് ഉടമകളായ മാധ്യമം ബ്രോഡ്കാസ്റ്റിംഗ് ലിമിറ്റഡും ചാനല് എഡിറ്റര് പ്രമോദ് രാമനും കേരള പത്രപ്രവര്ത്തക യൂണിയനുമാണ് അപ്പീല് നല്കിയിരുന്നത്. ചീഫ് ജസ്റ്റിസ് എസ് മണികുമാര്, ജസ്റ്റിസ് ഷാജി പി ചാലി എന്നിവരുടെ ബെഞ്ചാണ് കേസില് വിധി പറഞ്ഞത്. ചാനലിനുവേണ്ടി മുതിര്ന്ന അഭിഭാഷകന് ദുഷ്യന്ത് ദവെയായിരുന്നു ഹാജരായത്. ഭരണഘടനാപരമായ പ്രശ്നമാണ് മീഡിയവണ് ഉന്നയിച്ചതെന്ന് അഭിഭാഷകന് ദുഷ്യന്ത് ദവെ വാദിച്ചു. കേന്ദ്ര സര്ക്കാറിന് വേണ്ടി അഡീഷനല് സോളിസിറ്റര് ജനറല് അമാന് ലേഖി ഹാജരായി.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക. ഗ്രൂപ്പ്
