വിനോദസഞ്ചാരികള്ക്ക് വില്പന നടത്താന് കോട്ടേജ് പരിസരത്ത് കഞ്ചാവ് നട്ടുവളര്ത്തിയ ഉടമ അറസ്റ്റില്. മൂന്നാര് ഇക്കാനഗറില് ലൈറ്റ് ലാന്റ് കോട്ടേജ് ഉടമ ഫ്രാന്സീസ് മില്ട്ടനെയാണ് മൂന്നാര് പൊലീസ് അറസ്റ്റ് ചെയ്തത്.

കുറഞ്ഞ നിരക്കില് മുറികള് വാടയ്ക്ക് നല്കുന്ന ഇടമായതിനാല് ലൈറ്റ് ലാന്റ് കോട്ടേജില് സഞ്ചാരികളുടെ തിരക്ക് ദിനതോറും വര്ദ്ധിച്ചുവന്നിരുന്നു. സൗകര്യങ്ങള് കുറവാണെങ്കിലും അന്യസംസ്ഥാനത്തുനിന്നും നിരവധി ആളുകളാണ് കോട്ടേജില് താമസത്തിനായി എത്തിയിരുന്നത്. പലരും ദിവസങ്ങളോളം താമസിച്ചാണ് നാട്ടിലേക്ക് മടങ്ങാറുങ്ങത്. സംഭവം ശ്രദ്ധയില്പ്പെട്ട മൂന്നാര് എസ്ഐ സാഗറും സംഘവും കോട്ടേജ് സംബന്ധിച്ചുള്ള അന്വേഷണം കഴിഞ്ഞ ദിവസം ആരംഭിക്കുകയും ചെയ്തു.
കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
സന്ദര്ശകരുടെ തിരക്കേറാന് കാരണമെന്തെന്ന് അന്വേഷിച്ചെത്തിയ സംഘം മുറികളും പരിസരവും പരിശോധന നടത്തവെയാണ് മുറികളില് തിക്കേറാനുള്ള ഗുട്ടന്സ് മനസിലായത്. കോട്ടേജ് ഉടമ ഫ്രാന്സീസ് മില്ട്ടന് ഗഞ്ചാവ് വില്പന ഉണ്ടെന്ന് കണ്ടെത്തി. പരിസരങ്ങളില് നടത്തിയ പരിശോധനയില് മാസങ്ങളോളം പഴക്കമുള്ള കഞ്ചാവ് ചെടി നട്ടുവളര്ത്തിയതായും കണ്ടെത്തി. കോട്ടേജിന് സമീപത്തെ ഷെഡില് മൂന്നുവശവും ഓടുകള്കൊണ്ട് മറച്ചാണ് ചെടി വളര്ത്തിയത്. ഇയാളെ ഇന്ന് കോടതിയില് ഹാജരാക്കും.