ചെറുതോണി ടൗൺ പുനർനിർമ്മാണം; അടിസ്ഥാന വികസനത്തിന് കൂടുതൽ പദ്ധതികൾ, ദേശീയപാതയുടെ പ്ലാനിൽ ആവശ്യമായ ഭേദഗതികൾ വരുത്തും, ടൗണിലേക്കുള്ള വലിയ വാഹനങ്ങളുടെ സഞ്ചാരം ഒഴിവാക്കുന്നതിനായി വെള്ളക്കയത്ത് പുതിയ പാലം; മന്ത്രി റോഷി അഗസ്റ്റിൻ.

 ചെറുതോണിയുടെ പുനർനിർമാണത്തിനും അടിസ്ഥാന വികസനത്തിനുമായി കൂടുതൽ പദ്ധതികൾ. 

                  ചെറുതോണി പാലം പൂർത്തിയാകുന്നതോടെ ടൗണിലെ  വ്യാപാരികൾക്കുണ്ടാകാവുന്ന അസൗകര്യങ്ങൾ പരിഹരിച്ച് ദേശീയപാതയുടെ പ്ലാനിൽ  ആവശ്യമായ ഭേദഗതികൾ വരുത്തുന്നതിന് മന്ത്രി റോഷി അഗസ്റ്റിന്റെ അധ്യക്ഷതയിൽ ചേർന്ന യോഗത്തിൽ ഉദ്യോഗസ്ഥർക്ക് നിർദേശം നൽകി. ചെറുതോണിയിലെ വ്യാപാര സ്ഥാപനങ്ങളെക്കൂടി  രക്ഷിക്കത്തക്കവിധം റോഡിന്റെ പുനർനിർമാണമാണ്  നടപ്പിലാക്കുന്നത്. റോഡിന് ഇരുവശത്തും ഫുട്പാത്ത് നിർമിച്ച് കാൽനടക്കാർക്ക് യാത്ര സുഗമമാക്കുന്നതിനും പദ്ധതിയിൽ നിർദേശമുണ്ട്. വാഹനങ്ങൾക്ക് പ്രത്യേക പാർക്കിങ് സൗകര്യം ക്രമീകരിക്കും. ഫെഡറൽബാങ്ക് ഭാഗത്ത് ജങ്ഷൻ നവീകരണം നടപ്പിലാക്കി ഗതാഗതതടസം ഒഴിവാക്കും.

       ചെറുതോണി എൽ.ഐ.സി ഓഫീസ് മുതൽ ഫെഡറൽ ബാങ്ക് ജങ്ഷൻവരെ പതിനൊന്നുമീറ്റർ വീതിയിലും തുടർന്ന് സെൻട്രൽ ജങ്ഷൻ വരെ പതിനഞ്ച് മീറ്റർ വീതിയിലും റോഡ് വികസനം നടപ്പിലാക്കും. ഇതുസംബന്ധിച്ച പ്ലാൻ ദേശീയപാത ഉദ്യോഗസ്ഥർ യോഗത്തിൽ വിശദീകരിച്ചു. ചെറുതോണിയിലേക്കുള്ള വലിയ വാഹനങ്ങളുടെ ട്രാഫിക്ക് ഒഴിവാക്കുന്നതിനായി വെള്ളക്കയം ബാലഭവൻ സമീപത്തുനിന്ന് ആലിൻ ചുവട് ഫയർസ്റ്റേഷൻ ജങ്ഷനിലേക്ക് പുതിയ പാലവും റോഡും നിർമിക്കുന്നതിനുള്ള പ്രാരംഭ നടപടികൾ സ്വീകരിച്ചതായും മന്ത്രി യോഗത്തിൽ അറിയിച്ചു.

കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക

        ചെറുതോണി വഞ്ചിക്കവല റോഡ് വീതികൂട്ടി നവീകരണവും ഫുട്പാത്ത് നിർമാണവും ഇതിനോടൊപ്പം നടപ്പിലാക്കും. ചെറുതോണി പാലം നിർമിക്കുമ്പോൾ വ്യാപാര സ്ഥാപനങ്ങൾക്ക് നഷ്ടമുണ്ടാകാത്ത രീതിയിൽ അപ്രോച്ച് റോഡ് നിർമിക്കണമെന്ന് വ്യാപാരി വ്യവസായി നേതാക്കൾ ആവശ്യപ്പെട്ടു. പുതിയ പാലം പൂർത്തിയാകുമ്പോൾ റോഡിന് ഒരു വശത്തുകൂടി നിലവിലുള്ള ചപ്പാത്തിലൂടെ വാഹനങ്ങൾ കടന്നുപോകുന്നതിനുള്ള വഴിയും ക്രമീകരിക്കും. ചെറുതോണി പുളിയൻമല റോഡിൽ സെൻട്രൽ ജംഗ്ഷൻ മുതൽ മെഡിക്കൽ കോളജ് ജംഗ്ഷൻവരെ വീതികൂട്ടി നിർമിക്കുന്നതിന് അഞ്ചുകോടി രൂപയുടെ പദ്ധതികൾ ഇപ്പോൾ നടന്നുവരികയാണ്. 

കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക.  ക്ലിക്ക്