അതിവിദഗ്‌ധമായി മോക്ഷണം... പക്ഷെ പെട്രോള്‍ ചതിച്ചു; ഉപേക്ഷിച്ച് തൊട്ടടുത്തിരുന്ന ബൈക്കുമായി കടന്നു കളഞ്ഞു, വീണ്ടും വില്ലനായി പെട്രോൾ, ഇതോടെ മൂന്നാമതൊരു ബൈക്കുമായി കടന്നു.

 കൂട്ടിക്കൽ ചപ്പാത്ത് പാലത്തിന് സമീപത്ത് ഇന്നലെ നടന്നത് മൂന്ന് മോഷണം. ഇതിൽ രണ്ട് ബൈക്കുകൾ ഉടമകൾക്ക് തിരിച്ചുകിട്ടിയെങ്കിലും മൂന്നാമത്തെ ബൈക്കും അതുമായി പോയ കള്ളൻമാരും ഇപ്പോഴും പൊലീസിന്റെയോ നാട്ടുകാരുടെയോ വലയിൽ വീണിട്ടില്ല. 

          ചപ്പാത്ത് പാലത്തിന് എതിർവശം സഹകരണ ബാങ്കിന് മുന്നിൽ   നിർത്തിയിട്ടിരുന്ന ബൈക്കാണ് ആദ്യം മോഷണം പോയത്. കൊക്കയാർ പഞ്ചായത്ത് ജീവനക്കാരനായ ജിയാഷിന്റെ ഈ ബൈക്ക് കണ്ടെത്താൻ ബാങ്കിന്റെ സിസിടിവി ക്യാമറ പരിശോധിച്ചപ്പോൾ രണ്ട് പേർ ബൈക്കുമായി പോകുന്ന അവ്യക്തമായ ദൃശ്യം മാത്രമാണ് ലഭിച്ചത്. പിന്നെ നാട്ടുകാരെല്ലാം ചേർന്ന് ബൈക്ക് കണ്ടെത്താനിറങ്ങി. ആശ്വാസമെന്നപോലെ ജിയാഷിന്റെ ബൈക്ക് സമീപത്തെ മുസ്ലീം പള്ളിയോട്ചേർന്നുള്ള വർക്ക്ഷോപ്പിന് മുന്നിൽ നിർത്തിയിട്ടിരിക്കുന്നതായി കണ്ടെത്തി. 

കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക

പെട്രോൾ തീർന്നതോടെ ബൈക്ക് ഉപേക്ഷിച്ചതാണെന്ന് പരിശോധനയിൽ മനസ്സിലായി. അപ്പോഴാണ് വർക്ക്ഷോപ്പിൽ പണി തീർത്ത് വച്ചിരുന്ന ബൈക്ക് മോഷണം പോയതായി ശ്രദ്ധയിൽപ്പെട്ടത്. പിന്നെ എല്ലാവരും ചേർന്ന് ഈ ബൈക്ക് തേടിയിറങ്ങി. ഈ ബൈക്കും അര കിലോമീറ്റർ അകലെ നിന്ന് കണ്ടെത്തി. പെട്രോൾ തീർന്നതോടെ മോഷ്ടാക്കൾ ഈ ബൈക്കും ഉപേക്ഷിക്കുയായിരുന്നു. എന്നാൽ പകരം ഇതേ സ്ഥലത്ത് നിർത്തിയിട്ടിരുന്ന മറ്റൊരു ബൈക്കുമായാണ് മോഷ്ടാക്കൾ കടന്നുകളഞ്ഞത്. ഈ ബൈക്കും മോഷ്ടാക്കളെയും കണ്ടെത്താൻ ശ്രമം നടന്നെങ്കിലും പിടികൂടാനായില്ല.

Also Read:  മുഖ്യമന്ത്രിയെ വിമാനത്തിൽ വധിക്കാൻ ശ്രമിച്ചെന്ന കേസ്; കെ എസ് ശബരിനാഥൻ അറസ്റ്റില്‍.

കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക.  ക്ലിക്ക്

 സന്ദർശിക്കുക.  www.honesty.news