എറണാകുളം ഇടപ്പള്ളി ടോൾ ഭാഗത്ത് എം.ഡി.എം.എയുമായി യുവതി യുവാക്കളെ പിടികൂടി. മാവേലിക്കര ചെട്ടിക്കുളങ്ങര സ്വദേശി പടശ്ശേരി വീട്ടിൽ സുധീഷ് എസ് (27), ഇടുക്കി കട്ടപ്പന സ്വദേശിനി പീടികപ്പുരയിടത്തിൽ ആതിര (27) എന്നിവരാണ് പിടിയിലായത്. ഇവരിൽ നിന്ന് 3.9 ഗ്രാം എം.ഡി.എം.എയും കണ്ടെടുത്തു.
കൊച്ചി സിറ്റി ഡാൻസാഫും കളമശ്ശേരി പൊലീസും ചേർന്ന് നടത്തിയ പരിശോധനയിലാണ് ഇവർ പിടിയിലായത്. പ്രതികൾ വൻകിട വിൽപ്പനക്കാരിൽ നിന്ന് മയക്കുമരുന്ന് വാങ്ങി പാലാരിവട്ടം, ഇടപ്പള്ളി ഭാഗങ്ങളിൽ വിൽപ്പന നടത്തുന്ന പ്രധാന കണ്ണിയിൽ പെട്ടവരാണ്. ഇൻഫോപാർക്ക് സ്റ്റേഷൻ പരിധിയിൽ സുധീഷിന് അടിപിടി കേസ് നിലവിലുണ്ട്.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക.ക്ലിക്ക്
