മാവേലിക്കരയില് അച്ഛൻ മകളെ കൊലപ്പെടുത്തിയ സംഭവത്തില് പോസ്റ്റുമോര്ട്ടം റിപ്പോര്ട്ട് പുറത്ത്. നക്ഷത്രയ്ക്ക് വെട്ടേറ്റത് നട്ടെല്ലും തലയോട്ടിയും ചേരുന്ന ഭാഗത്താണെന്ന് പോസ്റ്റുമോര്ട്ടം റിപ്പോര്ട്ടില് ചൂണ്ടിക്കാണിക്കുന്നു. ആലപ്പുഴ മെഡിക്കല് കോളേജില് വെച്ചായിരുന്നു പോസ്റ്റുമോര്ട്ടം നടപടികള് പൂര്ത്തിയാക്കിയത്.
Also Read: ഇടുക്കി ജില്ലയിൽ ഓഫ് റോഡ് ഡ്രൈവിംഗ് നിയന്ത്രിക്കാൻ നിർദേശം.
ആയുധം ഉപയോഗിച്ച് പിതാവ് നക്ഷത്രയെ ഒരു തവണ വെട്ടിയതെന്നാണ് റിപ്പോര്ട്ടില് പറയുന്നത്. കുട്ടിയോട് കിടക്കാൻ പറഞ്ഞ ശേഷം കഴുത്തില് ശ്രീമഹേഷ് ആഞ്ഞു വെട്ടുകയായിരുന്നെന്ന് പൊലീസ് കണ്ടെത്തിയിരുന്നു. മുറിവിന് പത്ത് സെന്റീമീറ്ററോളം ആഴമുണ്ട്. തലയ്ക്ക് പിന്നില് നിന്ന് വായയുടെ ഉള്ഭാഗം വരെ മുറിഞ്ഞു. ഇരു ചെവികളും രണ്ട് കഷ്ണങ്ങൾ ആയെന്നും പോസ്റ്റുമോർട്ടം റിപ്പോർട്ടിൽ പറയുന്നു.
ബുധനാഴ്ച രാത്രിയായിരുന്നു ആറു വയസുകാരിയായ നക്ഷത്രയെ പിതാവ് വെട്ടിക്കൊലപ്പെടുത്തിയത്. മഹേഷിന്റെ അമ്മ സുനന്ദയ്ക്കും വെട്ടേറ്റിട്ടുണ്ട്. വെട്ടേറ്റ മഹേഷിന്റെ അമ്മ ഗുരുതരാവസ്ഥയിലാണ്. നക്ഷത്രയ്ക്ക് പുറമേ സുനന്ദയെയും വിവാഹം കഴിക്കാൻ താത്പര്യപ്പെട്ട യുവതിയെയും ഇയാള് കൊലപ്പെടുത്താൻ പദ്ധതിയിട്ടിരുന്നതായി അന്വേഷണത്തില് കണ്ടെത്തിയിരുന്നു.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക.ക്ലിക്ക്
.jpeg "GOODWILL HYPERMART NEDUMKANDAM")
