ബൈസൺവാലിക്ക് സമീപം നിയന്ത്രണം നഷ്ട്ടപ്പെട്ട കാർ പുഴയിലേക്ക് മറിഞ്ഞ് ഒരാൾ മരിച്ചു. പോത്തുപാറ സ്വദേശി വട്ടക്കാവുങ്കൽ സെബാസ്റ്റ്യൻ (കൊച്ചേട്ടൻ -82) ആണ് മരണപ്പെട്ടത്. ചെമ്മണ്ണാർ ഗ്യാപ്പ് റോഡിൻറെ ഭാഗമായ ബൈസൺവാലി ടി കമ്പനിയിലെ നാൽപതേക്കർ പാലത്തിലാണ് അപകടം നടന്നത്.
ഇന്ന് വൈകിട്ട് ആറുമണിയോടെ ആയിരുന്നു അപകടം. ആശുപത്രിയിൽ പോയതിനുശേഷം ബൈസൺവാലിയിൽ നിന്നും തിരികെ പോത്തുപാറക്ക് പോകുന്നതിനിടെ നിയന്ത്രണം നഷ്ട്ടപ്പെട്ട് വാഹനം പുഴയിലേക്ക് പതിക്കുകയായിരുന്നു. പ്രദേശത്ത് കനത്ത മഴ ആയിരുന്നു. സെബാസ്റ്റ്യൻ മാത്രമാണ് വാഹനത്തിൽ ഉണ്ടായിരുന്നത്. ഉടൻതന്നെ നാട്ടുകാർ സെബാസ്റ്റ്യനെ സമീപത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആശുപത്രിയിൽ സൂക്ഷിച്ചിരിക്കുന്ന മൃതദേഹം പോസ്റുമോർട്ട നടപടികൾ പൂർത്തിയാക്കി നാളെ ബന്ധുക്കൾക്ക് വിട്ടുനൽകും.
കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക.ക്ലിക്ക്.
.png)
