പതിനാലുകാരിയെ ബലാത്സംഗം ചെയ്ത് ഗര്ഭിണിയാക്കിയ ബന്ധുവിന് 80 വര്ഷം കഠിനതടവും 40,000 രൂപ പിഴയും ശിക്ഷ. ഇടുക്കി അതിവേഗ കോടതി ജഡ്ജി ടി.ജി വര്ഗീസ് ആണ് ശിക്ഷ വിധിച്ചത്. 2020ല് രാജാക്കാട് പൊലീസ് സ്റ്റേഷൻ പരിധിയിലാണ് കേസിനാസ്പദമായ സംഭവം.
വിവാഹിതനായ പ്രതി വീട്ടില് ആളൊഴിഞ്ഞ സമയത്താണ് പെണ്കുട്ടിയെ പീഡിപ്പിച്ചത്. ഗര്ഭിണിയായ പെണ്കുട്ടി പ്രസവിച്ചപ്പോഴാണ് സംഭവം പുറത്താകുന്നത്. പെണ്കുട്ടിയുടെ പുനരധിവാസത്തിനായി ജില്ലാ ലീഗല് സര്വീസ് അതോറിറ്റിയോട് ഒരു ലക്ഷം രൂപ നല്കണമെന്നും കോടതി നിര്ദേശിച്ചു. വിവിധ വകുപ്പുകളില് ലഭിച്ച ഉയര്ന്ന ശിക്ഷയായ 20 വര്ഷം പ്രതി അനുഭവിച്ചാല് മതിയാകും.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക.ക്ലിക്ക്.
