ഒമാനിലെ ഒരു പ്രശസ്ത സ്കൂളിലേക്ക് ഫിസിക്സ് ടീച്ചറുടെ ഒഴിവ്. ഒഴിവിലേക്ക് സര്‍ക്കാര്‍ സ്ഥാപനമായ ഒഡെപെക് മുഖേന അപേക്ഷ ക്ഷണിച്ചു. 1 ഒഴിവാണുള്ളത്. വനിതകൾ മാത്രമാണ് അപേക്ഷിക്കേണ്ടത്. ഫിസിക്സിൽ ബിരുദവും ബിഎഡും ഉള്ളവര്‍ക്കാണ് അപേക്ഷിക്കാന്‍ യോഗ്യത. കൂടാതെ ഏതെങ്കിലും സിബിഎസ്ഇ/ ഐസിഎസ്ഇ സ്കൂളുകളിൽ ഫിസിക്സ് ടീച്ചർ ആയി ചുരുങ്ങിയത് രണ്ട് വർഷത്തെ അധ്യാപന പരിചയം വേണം. 40 വയസ്സാണ് ഉയർന്ന പ്രായ പരിധി.
300 ഒമാനി റിയാലാണ് പ്രതിമാസ ശമ്പളം. കൂടാതെ താമസസൗകര്യം, വിസ, എയർ ടിക്കറ്റ് എന്നിവ സൗജന്യമായിരിക്കും. ഈ റിക്രൂട്മെന്‍റിന് സർക്കാർ അംഗീകൃത സർവീസ് ചാർജ് ബാധകമാണ്. താല്പര്യമുള്ള വനിതകൾ eu@odepc.in എന്ന ഇമെയിൽ വിലാസത്തിലേക്ക് സെപ്റ്റംബർ 27 നു മുൻപ് ബയോഡാറ്റ അയയ്ക്കുക. വിശദ വിവരങ്ങൾക്ക് www.odepc.kerala.gov.in എന്ന വെബ്സൈറ്റ് സന്ദർശിക്കുക . ഫോൺ -0471-2329440/41/42/43/45; Mob: 77364 96574. ഒഡെപെകിനു മറ്റു ശാഖകളോ ഏജന്റുമാരോ ഇല്ലെന്ന് അധികൃതര്‍ അറിയിച്ചിട്ടുണ്ട്.
